الموضوع: سيراتو ex خليجي

المشاركة الأصلية كتبت بواسطة ratedrko

هو عندو sx بفتحة سقف
بس من غير حساسات ركن
بس تكيف تتش سعرها 118500 جنيه
والتسليم فوري بردو وعندو اللون الابيض
بس الغريب ان الجنط 16

أخي الفاضل ....المواصفة دي مغرقة الدنيا دلوقتي

وهي ex مش sx

مواصفاتها :

جنط 16 - ABS - فتحة سقف - تكييف تاتش - عداد عادي مش رياضي - بدون حساسات ركن - فيها مفتاح ضبط ارتفاع نور الفوانيس الأمامية - فرش مخمل - مفتاح بريموت

وهي كدة عندك أرخص 1000جنيه لأنها بتتباع عندي ب 119500

وفي معارض بتركب للمواصفة دي سينسور بارك (تحت بير السلم ) وبتبيعها ب122000

المشاركة الأصلية كتبت بواسطة ratedrko

انا انهارده شفت في معرض في الزقازيق سيراتو ex خليجي وفيها مميزات غير اللي في التوكيل
1- جنط 15 بس مش طاسات
2- فوج لايت
3- اشارات في المرايات
4 - فيها abs (طبعا اتفاجئت ) لإن ex مافيهاش
5 - طاره مالتي

كل دا وسعره 111500 جنيه
هل دا سعر كويس
وانا كمان ممكن اشتري ضمان ب 1500 جنيه
وقاللي التسليم فوري

المعرض اسمه ستار موتورز
وفي منو فرع في :
شارع احمد الزمر - مدينه نصر - القاهره
انا عرضت الموضوع دا للافاده
وان شاء الله ناوي اشتري النوع دا فهل دا اختيار صحيح

وانا اسف عالاطاله

بالنسبة للعربية اللي حضرتك عايز تشتريها .....انت متأكد ان فيها abs ؟؟؟

وياريت تقوللنا علي مواصفاتها بالضبط

وشوف كدة الفرامل الخلفية ديسكات ولا طنابير

وكل سنة وحضرتك طيب وعقبال ما تبقي سيراتاوي قريب ان شاء الله

المشاركة الأصلية كتبت بواسطة Mshawky

ايه ده هو فى معارض بتركب كماليات كده فى الباطن ؟ معقول اول مره اسمع كده

بص يا بو حميد ....... بتحصل مهازل أكتر من كدة بكتير

أنا أكتر من واحد صاحبي شغالين في معارض عربيات مشهورة ووالله بيحكولي علي مهازل فعلاً

كانو بيقولولي علي موضوع السنسور بتاع السيراتو دة وماكنتش مصدق لحد ما واحد منهم وراهولي
مش هتصدق عند مين ؟؟؟؟.....عند جابر عبد الشهيد فرع المهندسين

وبعدين بيبقي باين أوي وبارز شوية وشكله راكب ....انما الأصلي بيبقي غاطس جوة الأكصدام

وبعدين برضه القاعدة الذهبية في السيراتو ......ما فيش سنسور من غير عداد رياضي illuminator لأنه بيبين العربية علي الشاشة هتخبط منين

أنا كنت ناوي أعمل موضوع عن الحاجات دي وبالصور ........قريب ان شاء الله