الموضوع: كنت هموت انا و خمسه اصحابى

الف حمد الله على سلامتك وقدر الله و ما شاء فعل

المشاركة الأصلية كتبت بواسطة zAzU

لأ طبعا دا كان ماشى 90 عموما انت بتقول ورق و بتاع لو كنت شفت الجيتا دى مكنتش هتقول كده العربيه اتباعت ب 45 الف و كانت full بقالها حوالى 3 شهور و كانت ب 195 اى عربيه كان هيحصل فيها كده و بعدين انا شايف من الصوره ان المقصوره سليمه جدا مفيش اى حاجه وصلت للركاب و حضرتك اتفرج على اختبارات الامان بتاعت اى عربيه من بره ممكن تكون متدمره بي واخده 4 او 5 نجوم عشان حمايه المقصوره و فى حاجات اسمها نقاط الانهيار الذاتى دى احنا خدناها عندنا فى طب فى الشرعى كمان تخيل , الامان مش فى الصاج دا الميجان رفارف فيبر و واخده 5 نجوم و الناس تقولك دى تعبانه دى رفارف فيبر!!

كلامك صح يا محمد باشا
اولا حمدالله علي السلامه يا ميدو
ثانيا زي ما محمد قال المقصوره سليمه جدااا ودي اهم حاجه سيبك من ان العربيه اتبهدلت لكن انت سليم يبقي العربيه كده عملت اللي عليها وده ستر من ربنا اولا واخيرا
وكل العربيات الجديده لما بتتخبط بتضيع بس فيه عربيه ممكن تضيع وتضيع اللي فيها وفيه عربيه ممكن تضيع وتحمي اللي جواها
انا عارف انك مستغرب جدا انك ماشي علي 80 والعربيه زحفت والكلام ده كله
هل حضرتك بعد الشر يعني اتحطيت في الموقف ده بالاوكتافيا بتاعتك ومتقوليش غز علي 160 والكلام الفاضي ده لان لانسر في العادي تمشي 160 وخود غرز وعلي يدي
اي عربيه ماشي 80 وانت مش مدي خوانه وواحد خبطك من الجمب خود بالك من الجمب لااااازم العربيه هتلف وتروح يمين وشمال
ياسيدي في رمضان واحد صحبي معه مرسيدس زلموكه 200 وماشي 130 تقريبا وبيعدي عربيه لقه عربيه جايه مخالف كسرشمال مره واحد وعينك متشوف الا النور صحيح متقلبش لكن تخميس للصبح في نص الطريق لدرجه ان التريلا اللي وراه قفل الطريق بالعرض لغايه ميخلص تخميس ودي زلموكه 200 شوف انت وزنها قد ايه وتقيله قد ايه بس ده ستر من ربنا ومحدش خبطه ولا اي حاجه
عشان كده احمد ربنا ومتقولش ورق وقطن والحاجات دي لان كله في الحوادث بيتعجن
ياعم الكيا سيراتو كنت بركنها بتاعت واحد صحبي خكيت في 128 الاكصدام الامامي كله وقع والفوج اتكسر ايه رأيك