كنت هموت انا و خمسه اصحابى

**modiabbas** · 23-09-2009 10:36 PM

بالعكس الموضوع ملهوش اى علاقه بالمتسوبيشى انا بتكلم عن حادثه مش نوع عربيه

**horas3000** · 23-09-2009 11:47 PM

اولا الحمد لله علي سلامتك انت و صحابك
ثانيا زي ما كذا واحد قالولك و حسب وصفك للحادثة اي عربية تانية كانت هتعمل نفس الحاجة لان اي خبطة في اجناب العربية الخلفية و علي اي سرعة هتؤدي الي لف العربية حوالين نفسها و زي محد من الاعضاء قالك دي اصلا طريقة بتستخدمها قوات الشرطة عشان توقف المطلوبين و خش علي اليوتيوب و انت تعرف و انا اعرف واحد صاحبي حصلة نفس الموقف و كان راكب اوبل استرا الالماني مش المصري و نفس السيناريو و النهاية.
في النهاية لازم تحمد ربنا انه نجاكم و ابقي طمنا صاحبك عمل اية مع شركة الايجار

**Ahmed_Gadalah** · 24-09-2009 12:58 AM

الحمد لله عالسلامة ودي اهم حاجه وكله بتاع ربنا في الاول و في الاخر وملهاش علاقه خالص بعوامل الأمن والسلامة
انا شفت مرة عربية bmw 740 عند جامعة مصر وكانت عاملة حادثة جامدة جدا والعربية بقى شكلها عامل زي علبة الكبريت أنا معرفش صاحبها حصله ايه بس بمنظرها اللي انا شوفته لو هوا كان راكب فيها مكنش هينفعه الايرباجز اللي موجوده ولا الفرامل ولا أي عوامل امان وسلامة

(أينما تكونوا يدرككم الموت ولو كنتم في بروج مشيدة) صدق الله العظيم

**thegoodhacker** · 24-09-2009 01:17 AM

حمدا لله علي سلامتكم دي اهم حاجة ....... الصاج بيتعوض انما البني ادم ما بيتعوضش
يوم السبت اللي فات الاتوبيس اللي كنت راكبه عمل حادثة غريبة اوي و في وسط البلد ........ ميكروباص طار من الاتجاه المعاكس و لبس فينا ........ والاتوبيس حدف نتيجة الخبطة الجامدة دي و جزء كبير منه اتدمر و احنا اصلا اتنطرنا من اماكننا كلنا اللي خبط في الازاز و اللي خبط في الكرسي و اللي خبط في اللي جنبه بس الحمد لله كلنا طلعنا سلام ....... اللي يضحك بقي بعد معاينة بوليس النجدة و جينا نتحرك بالظبط 10 متر لقينا عربية فيات 128 لبست فينا من ورا و كبوتها اتدمر ......
الاتوبيس بجد اتبهدل و احنا كنا حاسين اننا مكتوبلنا نموت في اليوم ده بس لكل اجل كتاب.......

**SAMEH_FOUAD** · 24-09-2009 02:01 AM

الحمد لله على سلامتكوا .....وقدر الله وماشاء فعل
كل العربيات ورق وكل العربيات خفيفة مش اللانسر بس وبعدين فية كمان حاجة اهم وهو الطريق اللى انت ماشى علية ممكن يكون مش مظبوط كلة رمل كل دة يخلى مافيش تماسك فى العربية لانها بتلف عكس اتجاة العجل اصلا
وبعدين انظمة التماسك دية ليها سرعات محددة مش على اى سرعة
وعلى فكرة يعنى فى نفس اليو بردة شوفت لانسر مدمرة بس دية بقى من قدام ومن السقف ومن الشنطة ومن الجناب مافيهش جزء سليم والحمد لله خرجوا سلام مع اصابات طفيفة
وبردة النترا 2008خابطة فى شيروكى ليمتد 2007 الصراحة الاتنين مالهمش معالم والشيروكى اتبهدلت بهدلة سودا ورايحة النار
وممكن واخد يتخبط خبطة اقل من اللى انت اتخبطها بس لاقدر الله يتصاب او يموت ,كل واحد ولية عمر وكل حاجة وليها فداء
يعنى هية جت فى العربية مقابل حياتكوا يبقى تحمد ربنا وتقول الحمد لله ومالهاش علاقة بالعربية خالص دة قدر ومكتوب
العيب على اللى بياخد غرزة فى شارع زى شارع الهرم
وبعدين انا هاقولك على حاجة غريبة جدا
واحد صاحبى معاة تويوتا ستارليت موديل 1990 وكان داخل نفق الازهر وعند الملف بالظبط واحد بسوزوكى ماروتى لمسة بس من ورا العربية والله طلعت على الحيطة ونزلت على سقفها ومشيت بتاع 200 متر قلب وزحقلة ,والحمد لله خرج مافيهوش خدشة ,واهية عربية تفتقر لجميع انواع الامان بس والعربية كل اللى اتغير الصدر والسقف اترد والبيبان اتعدلت والشاسية اتعدل وتم تغير العفشة بالكامل واتكلفت 13 الف جنية بالرش بالفرش بفوانيس بكاوتش وجنوط جديدة
يعنى ربنا رايدلك حاجة هاتشوفها حتى لو كنت راكب هامر اللى بدوس على العربيات ممكن تتقلب ,والواحد يموت جواها ,ولو راكب اقدم عربية ممكن تتطلع منها سليم
يغور الحديد ,اهم حاجة سلامة الانسان

**Medo007** · 24-09-2009 06:48 AM

حمد لله عالسلامة ياباشا وفداكم
اهم حاجة انتو

**modiabbas** · 24-09-2009 08:32 AM

الله يسلمك يا ميدو و ربنا بخليك

**mohamedway** · 24-09-2009 03:20 PM

أولا: حمد الله على سلامتك وربنا يحفظنا جميعا......قولوا آمين.

ثانيا:أنا أمتلك متسوبيشى 2006 1600 مانوال من الزيرو ولا أحبها و لا أكرهها و رأييى فيها انها عربية كويسه جدا و لكنها ليست أوكتافيا و ليست هيونداى إكسيل و قوة إستحمالها و ثباتها و الأمان بها ممتاز بالنسبة لسعرها و لكن مشكلة الشعب المصرى انه منبهر بالانسر زيادة عن اللزوم لأنها متسيطة أكتر من أى عربيه تانيه و ده حقيقه لا جدال فيها فده بيؤدى إلى أنتظار أداء خارق منها يتناسب مع الخيال الواسع بتاعنا و لكن العربيه فى وسط كل ده مظلومه و علفكره الانسر بتاخد غرز على 160 حلو جدا ولكن لو إتخبطت من ورا على 80 بالطريقه ده لازم طبعا تعوم و تلف و لو الأوكتافيا مكانها و مع الأخذ فى الإعتبار إن ثباتها أفضل يبقه ممكن كان هيحصلها نفس اللى حصل للانسر و لكن على سرعة 100 بدلا من 80 وبكرر (الخبطه حاجه و الغرزه حاجه تانيه بعيدا عن عامل السرعه لأنه مع الخبطه مش مقياس)

-

-

الموضوع: كنت هموت انا و خمسه اصحابى

LinkBack

أدوات الموضوع

عرض

-

-

-

المواضيع المتشابهه

يا اصحابى يااهلى يا جياارانى انا خلاص بقيت شاركاوووى

خمسه فرفشه

خمسه فرفشه

خمسه فرفشة

ادعولى يا اصحابى هستلم اللانوس النهارده

الكلمات الدلالية لهذا الموضوع

المفضلات

المفضلات

ضوابط المشاركة