الموضوع: كنت هموت انا و خمسه اصحابى

المشاركة الأصلية كتبت بواسطة dr.sherif mansy

أخى العزيز modiabbas

ألف ألف حمد الله على السلامة أنت و اصحابك

و نحمد ربنا و نشكره انه نجاكم من الحادثة دى

و لو تسمح لى اقول كام نقطة مع احترامى لكرهك للميتسوبيشى بعد الحادثة و انت كنت مختلف معاك (مع كامل احترامى لك) فى رأيك ده (مش لأن عربيتى ميتسوبيشى) للأسباب التالية :

1) اختلفت عوامل الأمان فى السيارات زمان عن دلوقت ، المهم دلوقتى فى تصنيع اى عربية انها تحمى الركاب فى الحوادث حتى لو تطلب الأمر التضحية بالسيارة ، و نتيجة لذلك يتم عمل نقاط انهيار (كما ذكر الأخ zazu) او كما تسمى crumble zones و مهمتها ان يمتص الصاج الصدمة تماما و يتحطم بدون وصول الصدمة الى مقصورة الركاب ، و اعتقد ان هذا ما حدث تماما و لذلك هذه نقطة لصالح ميتسوبيشى و ليست عليها. و اذا راجعت فيديوهات السلامة لتصادم السيارات مهما اختلفت انواعها على اليوتيوب ستجد ذلك.

2) الثبات و مانع الأنزلاق فقط يكون عند استعمال الفرامل على ارض تسبب انزلاق السيارة عند الفرملة ، و انقذ الله حياتى بسبب ذلك مرة من قبل ، و لم يحدث ان ادعت اى شركة سيارات ان ebd أو abs يمنع انزلاق السيارة فى التصادمات الجانبية (او اى نوع من التصادمات).

3) منع الخمسات و الأنزلاق اثناء القيادة موجود بشكل محدود فى السيارات الكبيرة مثل بعض موديلات المرسيدس و البى ام و التى يذكر ان بها steering assist و breaking assist و كما قلت له حدود و لا يمنع الأنزلاق عند الحوادث بالكامل.

4) مذكور فى كتالوج المالك فى الميتسوبيشى ان الأيرباج لا تفتح فى الأنقلاب او التصادم الجانبى (فهى مخصصة للتصادم الأمامى فقط) ، و لو نظرنا للفروقات فى السيارات بمصر عن الخارج لوجدنا فروق كبيرة حيث ان بعض انواع السيارات التى بها ايرباج واحدة او اثنتين هى بالخارج بها عدد يصل الى 12 ايرباج و لذلك فتقليل عوامل الأمان مشكلة عندنا فقط لتقليل السعر و لزيادة مكسب تجار السيارات ، و مش مهم سلامة البنى آدم..

5) كون الزجاج الخلفى انكسر للخارج بدلا من ان ينكسر عليكم فتلك نقطة اخرى لميتسوبيشى فى معاملات الأمان (تصميم جيد لحماية الركاب) .

6) من النقاط الهامة جدا ان هناك اماكن فى اى سيارة لو لمستها فقط تسبب خروجها عن الطريق و دورانها حول نفسها و لو راجعت (كما ذكر بعض الأخوة الأعضاء) على اليوتيوب مطاردات البوليس الأمريكى بالسيارات لرأيت العديد منها بلمسة يتسبب فى برجلة السيارة المطلوبة و دورانها حول نفسها بلمسة قد تبدو بسيطة.

7) نوع السيارة ليس له علاقة بالحادث ، و من اشهر الأمثلة السيارة المرسيدس التى كان بها دودى الفايد و ديانا و برغم تجهيزاتها كلها و وزنها الديناصورى فقد تمكنت فيات اونو من تدميرها بلمسة ادت الى دورانها و انقلابها كما قال شهود الحادث وقتها ...و شوف الفرق بين الأونو و المرسيدس ...

8) يا فرحتى ان العربية تفضل سليمة و يجرى حاجة لحد من اللى جواها ... لأ طبعا ... فى داهية العربية بس يطلع اللى جواها سلام..

و أخيرا الحمد لله على سلامتكم و حسبى الله و نعم الوكيل فى المستهترين اللى تسببوا فى الحادث و ان جت فى الريش بقشيش ، مش مهم الصاج ، المهم انتم ..

و تحياتى

عداك العيب و قزح

المشاركة الأصلية كتبت بواسطة modiabbas

الله يسلمك يا باشا و شكرا على المعلومات القيمه ديه بس زى ما تقول من وجهه نظرى انتشار العربيه الزائد كرهنى فيها و زاد كرهى ليها بعد اللى حصلى و مع كامل احترامى لملاك اللانسر

خلاص يا سيدي .... ما تركبش لانسر تاني و لو شفتها في الشارع تف عليها و ما تاجرهاش و لا تركبها مع صاحبك و لا تركبها تاكسي و لو حد عرض عليك تاخد عربية لانسر ببلاش و فوقيها فلوس كمان ارفض و قول له لأ..... بس بجد و من غير زعل حضرتك مزودها أوي

خرجتم من العربية بدون خدش و الحمد لله

العربية ما اتقلبتش

و كل ده مش عاجبك و اللانسر كخ كخ و بقية العربيات دح دح

الناس تحكي لحضرتك على عوامل الامان و ازاي ان التصميم بيضحي بالعربية عشان البني ادم و حضرتك بلهجة - مع احترامي و بدون زعل - تخلو من النضج الفكري مصمم ان اللانسر كخ

لا و كمان مقارنات غير عادلة بعربيات بضعف و تلات اضعاف تمنها و فروق عوامل الامان بينهم ..... مانا لو قارنت اي عربية و لو مثلا بمليون بعربية باتنين مليون لازم يبقى فيه فرق ..... هيبيع لك ازاي عربية ب 100 الف فيها كل ده؟


و لو انتشار العربية مكرهك فيها ..... انتشار العربية دليل نجاحها

و لو برضه مكرهك فيها ..... انت حر طبعا تكرهها بسبب انتشارها

بس تكرهها بسبب حادثة العربية بصراحة عملت اللي عليها و زيادة فيه ...... مش شايف مبرر عقلاني


و اللانسر مش هتزيد و لا هتنقص بمحب او كاره .......... اللانسر بتبيع بقالها سنين من غير و لا إعلان و لا عرض و بتبيع زي الرز و المركب بتنزل بورسعيد و العربيات اللي عليها كلها محجوزة


مع كامل احترامي لحضرتك ............ و للاوكتافيا اللي مع كامل احترامي ما تدخلش ذمتي بشلن هي كمان