الموضوع: لعنة عدم ثبات السيارة (يا فرحة ما تمت مع البورا)

المشاركة الأصلية كتبت بواسطة chester16583

كلامك سليم يا toola و ربنا يكرمك

ربنا يخليييك يا شيستر, ده بعض ما عندكم

سامح باشا, شكرا جزيلا على الرد الوافى, جزاك الله خيرا

أنا صاحب الموضوع, و يمكن لسه مقفلتش الموضوع لأن فاضل حاجة واحدة معملتهاش و لكن عشان اليقرأ الموضوع يبقى عنده وعى كامل بالمشاكل و حلولها حتى الأن, تم و الحمد لله حل مشكلة الثبات بشكل كبير و الكانت واجهتنى أول ماشتريت العربية عن طريق الأتى:

1- تغيير الجنط الكان فى العربية بأخر استيراد أصلى 15 (1500 ج) و ده كان مسببلى رجة عالية فوق ال 80 و طلع السبب انه كان محتاج رنجات و كانت الفردة القدام يمين مفهاش الرنج
2- تركيب كاوتشات جديدة (بريدجستون تورانزا يابانى gr80) ب 600 ج الفردة
3- تغيير المساعدين الخلفى و جبت جوز مونرو (750 ج)
4- تغيير البطاحات و بلى البطاحات و جلب المقصات و بارات دريكسيون داخلى (استيراد) و كاوتش ميزان (دول كلفوا فى حدود 900 ج تقريبا).
النتيجة تحسن الثبات بصورة شديدة و حل معظم مشاكل العفشة و مفضلش غير تغيير المساعدين الامامى و الأعتقد انها هتظبط العربية تماما ان شاء الله (لأنها متركب فيها بيلاشتاين بس ناشف جدا لدرجة شكنا أنا و الميكانيكى انه لا يمتص الصدمات و البديل هوا المونرو ب 900 ج أو الأصلى من عند الشهابى ب 1500).
(يوم أمس رحت العين السخنة رايح جاى بمتوسط سرعة 160 - 180 بدون مشاكل الحمد لله).
بقالى بقى استفسار أو 2 كده:
1- رغم عمل الصيانات اللازمة من بوجيهات و فلاتر, و نحسن بسيط فى سحب السيارة, لكن بلاحظ انها بتسحب بنزين زايد شوية, غير بعد ال 160 بتهدأ جامد أوى و تجيب 180 بصعوبة و أوقات تعديها و اوقات الاقيها نزلت عن ال 180 لوحدها, غير بردو سحب السيارة بشكل عام مش عاجبنى, فهل ممكن يكون فى مشكلة أو سدادان فى Injection أو البخاخات محتاج أعرف رايكم بردو.
2- بقالى مدة مكشفتش على الزيت و انا عموما حاطط شيل 10000 ك و ماشى 7000 ك لغاية دلوقتى, لكن النهارده الصبح بكشف على الزيت لقيتو المؤشر ناقص بتاع نص سم (يعنى الزيت كان عند نص العلامة تقريبا و دلوقتى لقيتو عند أخر العلامة من تحت) فهل ده طبيعى انا كنت سمعت مرة ان مواتير البورا بتاكل نسبة زيت عادى.

و شكرا

مبروووووووووووووووك الف مبروك وعقبال متغير المساعدين اللى قدام كمان وبالنسبة لموضوع الزيت فمتقلقش ده كويس قوى فى 7 تلاف كيلو عادى جداااا وموضوع السحب فمكن يكون اتجاه الهوا معاك وكذا حاجة بتأثر عليه احسن حاجة اللى هتخليك تحكم جرب اى عربية تانى اخت عربيتك وانتة هتحكم على موضوع السحب ده بمنتهى السهولة :) والف مبروك بجد فرحتلك بجد

يا بيشوووى باشا, مش عارف اقولك ايه والله فرحتك ديه فرحتنى أكتر ما فرحت بالعربية لما ضبطت و كويس انك طمنتنى فى موضوع الزيت ربنا يباركلك و شكرا جدا يا باشا, و أنا فعلن فى بالى موضوع التجربة مع حد ربنا يرزق بأه هشوف حد من اخواتنا فى المنتدى.