الموضوع: لعنة عدم ثبات السيارة (يا فرحة ما تمت مع البورا)

المشاركة الأصلية كتبت بواسطة umoussa

إن شاء الله يا سولوم أطلع أجري معاه برة وانتقم لكل اصدقائي أصحاب البولو

ودا مش تواضع إطلاقاً بالعكس دا غرور

الله ينور يا اسامة ده محسسنى انه بيتكلم على 127 مش بولو
ده ما يعرفش البولو بتعمل ايه
YouTube - BURN VW POLO 6N[/youtube]

المشاركة الأصلية كتبت بواسطة ahmed2y

السلام عاليكم يا استاذ تولا ما دام انت بتقول مفيش مشكلة او محستش بمشكلة فى العفشة من قدام والموضوع فى العربية من ورا فى حالة جلوس حد ورا وانت قولت انك وانت شاريها ان فى خبط ورا ممكن يكون المساعدين والكاوتش لو عاوز تحلها براحة ومن غير ما تفتح على نفسك فاتحة شوف الكاوتش الاول سليم ولا لا وظضط الهوا مظبوط ولا لا وجرب و لو لقيت حاجة تانية يبقى المساعدين تانى حاجة تفكر فيها وخد بالك العربية موديل 2000 يعنى بقالها 9 سنين يعنى مش قليل عاليهم وهل الى قبلك غيرهم ولا لا لازم تاخد بالك منا واهم حاجة واهم من كل الى التقال متزعل نفسك قوى ونفسك تقفل من ناحية العربية لانى كنت زيك كدة بس الحمد لله اتعالجت وبيقيت فل الحمد لله

أ/ أحمد الله يطمنك, أنا بردو ان شاء الله متفائل و عندى أمل ربنا هيكرمنى المرة ديه , بس صحيح مقولتلناش عربيتك ايه و المشكلة الكانت فيها ايه.

المشاركة الأصلية كتبت بواسطة chester16583

ان شاء الله خير و الموضوع يكون بسيط و يمر على خير
على فكره انا كنت ساعات بيحصل حاجه و احس انها مصيبه و العربيه مش نافعه و تطلع حاجه بسيطه
اللى تخاف منه ما تلاقيش اسهل منه

يسمع من بوئك ربنا, ادعيلى

معلش يا جماعة انا اسف على تأخر الردود, كنت مسافر فى الاسكندرية و لسه راجع انبارح بليل و ادى ملاحظاتى:

المكنة عموما صوتها الى حد كبير مرتاح و متهيألى حالتها جيدة فعلن, على الطريق و بردو أول ما بدأت ازود الغربلة اشتغلت فى ايدى بس جيت فى و الطريق هادى و جبت اخر العربية كان 180 كم و مازودتش الا يمكن فى بعض المنازل وصلت 185 (العربية أتوماتيك) و على النيت مفروض ان سرعتها القصوى 192 كم (و تقريبا ده المانيوال), لكن أنا متعودتش أستمع لكلام النيت لسبب بسيط ان السبكترا مكتوب ان اخرها 187 و انا كسرت ال 200 أكثر من مرة و كان 190 و 195 بيجوا مرتاح على أى طريق.

طيب بالنسبة للغرز و الملفات يعنى بتقول على 160 و لكن لم تكن النفس مطكمئنة مشجعتنيش أجرب على أكثر من كده, و أنا راجع بأه و فى أخر الطريق لقيت الالنترا الجديد و أوكتافيا A4 بيشدوا مع بعض, جريت وراهم و دخلت انا و الاوكتافيا الملف على 170 و الالنترا خاف, و بعد ما جبت الاوكتافيا _و العربيت مشيت على 190 لأول مرة ياما كنت فى منزل ياما هى سخنت على الشد _(أنا عموما ماكونتش باخود غرز), أتارى الأوكتافيا كان بيلاعبنى راح طار من جنبى يمكن كسر ال 200 مستريح (طبعا أنا اتحسرت) لاء والزاد و غطى انه على السرعة ديه كال حتة غرزة عنيفة (غرزة ضيقة و كسر فيها جامد مش بسلاسة) شمال بين ملاكة و عربية نقل كبيرة (طبعا انا حاليا مستحيل أخدها بالحالة ديه و ده يمكن حصل قدامى عشان أنا أحس فعلن ان فيه حاجة مش مضبوطة), المهم القلل حسرتى شوية لما جبته على الكارته و عرفت منو انو 2000 سى سى ما شاء الله (كان عيل صغير بتاع 18 سنة).

حاجةكمان أنا عندى تحت دواسة البنزين حديدة كده بينتهى عندها الضغل لما بكبس على الأخر و العربية جايبها أخره, فهل ديه محطوطة عشان تسند الدواسة ولا ممكن يكون ليها غرض أخر (تحديد السرعة القصوى مثلن, أنا فاكر قريت زمان عن حاجة زى ديه, و صحيح على 100 ال RPM كان 3000 و حتة, على 120 كان كاسر 3500, على 140 كان كاسر 4000 , على 160 مش فاكر أوى بس تقريا 5000, و أخيرا على 180 كان 5500, فهل ياترى ده معدل كويس

و أخيرا أنا ملاحظ دبدبة الجزء الخلفى فى المطبات بردو (يعنى مابيخدش الحفر و الفواصل بسلاسة)

و ربنا يكرم

بغض النظر عن كل ده اللى إن شاء الله تلاقيلو حل
انا عجبتى طريقه حضرتك فى سرد احداث القصة كاملة وبأدق التفاصيل ...ربنا معاك وتلاقى حل إن شاء الله

الف شكر يا ميدو و امييين, أنا متفائل ان شاء الله

بص يا toola انا مش عاوز اخوفك بس 180 و 190 و انت بتقول الكاوتش حالته مش كويسه انت كدة بتهرج .انا واحد صاحبى كان الكاوتش حالته مش قد كدة و معاة نوبيرا و كان مسافر المهم جرى و جاب 180 و بيقولى حس بصوت تخبيط فى العجله الخلفيه اتاريه صوت سلك الكاوتش مفيش ثوانى بعدها كانت العربيه بتعوم منه يميم فى شمال حاول يسيطر عليها العربيه اتقلبت بيه 6 قلبات او اكتر و لحد دلوقتى بيقول انا اتكتبلى عمر جديد...فبلاش الجرى دة حتى لو حد سخنك على الاقل لحد ما تظبط العفشه و الكاوتش

المشاركة الأصلية كتبت بواسطة MoMohsen

بص يا toola انا مش عاوز اخوفك بس 180 و 190 و انت بتقول الكاوتش حالته مش كويسه انت كدة بتهرج .انا واحد صاحبى كان الكاوتش حالته مش قد كدة و معاة نوبيرا و كان مسافر المهم جرى و جاب 180 و بيقولى حس بصوت تخبيط فى العجله الخلفيه اتاريه صوت سلك الكاوتش مفيش ثوانى بعدها كانت العربيه بتعوم منه يميم فى شمال حاول يسيطر عليها العربيه اتقلبت بيه 6 قلبات او اكتر و لحد دلوقتى بيقول انا اتكتبلى عمر جديد...فبلاش الجرى دة حتى لو حد سخنك على الاقل لحد ما تظبط العفشه و الكاوتش

محسن باشا, أنا اكيد مش هقاوح فى الغلط, كل الموضوع ان ده شىء خارج عنى شويتين, أنا بالعافية و لله الحمد بطلت شد و غرز تماما داخل البلد (حتى الأن) الا من بعض الهفوات لما جبت السبكترا كانت مسخنانى على طوب الأرض و هيه فعلن سبحان الله كانت متعرفتة.

المهم انا فى البورا جوه البلد بمشى زى الراجل العجوز, بس أنا جايبها اساسا عشان الطرق السريعة, غير هو مكنش موضوع شد يا باشا أنا كنت بجرى و هما السخنوا معايا فقلت اجرب الأداء, و أشوف ملاحظاتى عشان أعرف أوصف الفيها بدقة, بس مش طول السكة بالمنظر ده, غير مفيش كبير على السواقة و الحوادث, بس أنا كنت فى حالة اشبه بالبلاهة مبرء فى الطريق مبرمشى و وودانى لا تستمع الا لصوت السيارة حتى مكونتش برد على زوجتى القعدة جنبى (طبعا الموضوع قلب نكد), و عموما الحمد لله ربنا ستر, و شكرا لاهتمامك يا باشا