الموضوع: الي اصحاب كورولا الملكة من 92 الي 97

المشاركة الأصلية كتبت بواسطة agmgranturismo2006

انا عربيتى موديل 93 مكيفة ما فيهاش بور و لا ازاز كهربا 1300 موتور 2e كاربراتير و مانيوال العربية جبتها فى 2008 اللى فاتت بالظبط فى شهر 8 وديتها عند ميكانيكى يعملها صيانة عادية غيرتلها التالى الاسعار حسب ما اتذكر و كله اصلى :
تيل فرامل امامى 270 خلفى 180 فلتر هوا 80فلتر بنزين 40 بوجيهات 40 فلتر زيت 50
سير كاتينة و بلية 300 ديسكات امامى 700 اسطوانة و دسك و بلية 750 طقم مساعدين امامى 1600 بيض عجل امامى 200 بارات دركسيون 250 و ظبطت تاكيهات و بعدها جبت كربراتير من برة 2000 و علبة دركسيون جديدة 2250 طبعا المصاريف جبارة بس انا العربية حاببها جدا و مستعد اصرف عليها تمنها و الحمد لله العربية ديه تستاهل كل مليم تدفعه فيها صحيح حاجتها غالية جدا بالمقارنة بالعربيات اللى فى سنها او حتى بعديها بس الاصلى بتاعها موجود و معمر جدا و عفشتها ممتازة و تكييفها ممتاز و ثابتة لحد 150 على حسب ما جربت وواسعة صالون و شنطة و اذا اى حد احتاج اى معلومات تانية او كتالوجات او اى بيانات عن الجيل ده انا جاهز هيا اسشمها الكودى e100 و نزل منها مكن 1300 1600 1800 و فى اخر عمرها سنة 1997 تويوتا نزلت منها نسخة رياضية trd و نسخة فخمة g عليها شعارات مذهبة و فى منها اليابانى و الامريكانى و فى منها بكل الكماليات ازاز كهربا و مرايات كهربا و فتحة سقف و ايرباج و كنب بيفتح على الشنطة و كراسى رياضية باختصار العربية ديه فيها كل حاجة

الواضح ان معلوماتك كويسة عن الموديل ده . بس انا شايف ان الاسعار اللي حضرتك قولتها غالية شوية لان تيل الفرامل الامامي بحوالي 170 جنية سير الكاتينة الاوريجينال بحوالي 165 جنية تقريبا والبلية بتاعت الشداد 65 جنية الياباني فلتر الزيت في 25 جنية بس ده التيواني .بالنسبة للتيل بعد خبرة جامده مع العربية اكتشفت ان التيل التركي كويس جدا وتمنه 50 جنية . ياريت تحاول ترفع لينا الكتالوجات علشان كلنا نستفاد جميعا

المشاركة الأصلية كتبت بواسطة agmgranturismo2006

سير الكاتينة بيقعد حوالى 40 الف كيلو و ما تزودش عنهم هوا ممكن يطول عن كده بس ده امان و الموبيل كويس جدا انا مجربه و شغل تمام و مريح المكنة

سير الكاتينة الاصلي بيقعد 60 الف ده العمر الموصي به وممكن يقعد لحد 80 الف وده برده امان بس تكون بلية الشداد كويسه وبالنسب للزيت في شيل الاصفر ده ممتاز وعن تجربة بس ده معايا لاني العربيه عندي 1800 انجكشن

المشاركة الأصلية كتبت بواسطة agmgranturismo2006

ده البروشور بتاعها
rapidshare: 1-click ... Hosting - easy filehosting

و ده موقع فيه كل المعلومات عن عربيات تويوتا
http://www.toyotareference.com/

و كتالوج الصيانة موجود على isohunt بس للعربية اللى بعديها اللى هيا العيون و هما زى بعض جدا وده لنك التورنت
toyota_corolla_e11_manual.pdf â€؛ toyota corolla â€؛ isohunt â€؛ the bittorrent & p2p search engine

و قطع الغيار انا جبتها من عرفة جابر و العالمية و هما غاليين شوية و ده السنة اللى فاتت و الاسعار تقريبية على ما كنت فاكر بس بردك مازال حاجتها غالية بس تستاهل

الف شكر يا باشا

جاري التحميل

يا جماعة ياريت لو فيه حد يعرف صنايعية كويسين وعندهم ضمير للعربية دي في المحلة او حوليها يدلني عليهم

المشاركة الأصلية كتبت بواسطة yaserbasha2000

وايه اخبار زيت الفتيس بتستخدم زيت 90 ولا مش شرط