الموضوع: كيا نيو سيراتو 2010 ولا سيات كوردوبا 2009 ستيب ترونيك

متفسر ردك شويه يا بيشو

من رأيى السيات و دى وجهة نظرى،أنا أخويا كان عنده ابيزا 1994 و صاحبى معاه كيا سيفيا و بيشكر فيها بس فرق فعلا فى كل حاجة لصالح السيات بشهادة صاحبى دة نفسه،طبعا الجديد أكيد اتطور بس دة انطباع شخصى

الأخوة قالوا كل اللي ممكن يتقال

بس عايز ازود نقطة

أسوأ عيوب السيراتو اللي هيا التابلوه البلاستيك
هتلاقيها في الكوردوبا تابلوها برده بلاستيك

يعني مش هتحس بفخامة انتريور الأوربي

دايما بيتبص ان احلي انتريور،، انتريور السيارات الاوربية

و ده للاسف مش هتلاقيه في الكوردوبا

و ده عيبها القاتل في وجهة نظري

يعني انتا هتضحي باعادة بيع و سهولة صيانة و فئة أكبر و كماليات أكتر و شكل احدث مش هيتغير قريب

مقابلة انك تاخد ميزات الألماني بس مش هتاخدها للاسف في انتريور الكوردوبا

في الابيزا الجديدة عالجوا الموضوع ده تماما و الانتريور بتاعه تحفة و رجع لخامات السيارات الالمانية المعتادة

و حتي الآن مفيش كلام عن شكل جديد للابيزا السيدان الجديدة او الكوردوبا الجديدة

[QUOTE=bishoy02010;3872003094]

بصراحة لو فى اى بلد غير مصر كنت قلتلك قرضبة من غير كلام بس بما اننا فى مصر يبقى السيراتو تكسب كتير قوى

1- شكل احسن بكتير ( تحفة بصراحة )

2- توكيل محترم جدااااا

3- وسع وحجم داخلى يتفوق على القرضبة

4- اسعار قطع غيار مقارنة بالقرضبة اكيد ارخص + انها هتكون متوفرة وده عشان انتشار العربية المهول

5- سعر اعادة بيع لأن اجلنا ام عاجلا هتغير وهتفكر تبيعها فالسيراتوا هيا اللى هتمسك سعر اعادة بيع كويس + انها هتتباع اسرع بكتير ( بعد الشر طبعا انا بتكلم لو احتجت تبيع العربية عشان فيه ظرف او حاجة ساعتها السيراتوا تكسب بكل تأكيد )

6- الكماليات كتيرة جدااااا فى السيراتوا ( انا معرفش القرضبة فيها إيه بالظبط بس اكيد مش هيكون فيها كماليات السيراتوا )

7- برده ماتور السيراتوا 124 حصان معتقدش ان القرضبة هيعدى ال 105 حصان ( التكيف فى السيراتو مبيأثرش على سحبها او تأثير لا يذكرطبعا ده عشان قوة الموتور وديه نقطة تتحسب للسيراتوا طبعا )

8- نيجى عند اهم حاجة الواحد وهوة بيشترى عربية
بيدور عليها الكيا ضمان 5 سنين او 100 الف كيلو والقرضبة سنتين مفتوح الكيلومترات ( معلش انا مش مشترى عربية زيرو ودافع فيها تحويشت العمر عشان يقلى سنتين وكل سنة وانته طيب + ان حاجة القرضبة اكيد نار ومش موجوده غير فى التوكيل ده إذا كانت موجودة يعنى فالواحد فى القرضبة هيبقى مطر لو حصل حاجة انه يشتريها من التوكيل وادفع بقى ) بصراحة النقطة ديه عندى انا مهمة جدااااااااااااااااااااااا اااااااااااااااااااااا

9- اى حاجة عن السيراتوا الناس عرفتها ويوم متحتاج تسأل على حاجة 1000 واحد هيسعدك على الأقل هنا فى المنتدى فى قسم كيا عكس قسم سيات

10- النقطة بتاعت استهلاك البنزين

القرضبة فأستهلاك البنزين لكل 100 كيلو من 5.5 ل 7.9 فى قلب المدينه

السيراتو

Kia new cerato quotes an official figure of 7.9l/100km for fuel consumption

يعنى مش بعيدة عن الأرقام بتاعت القرضبة

يعنى فى الأول وفى الأخر لتر او 2 لتر فرق بينهم فى ال 100 كيلو معتقدش انها هتفرق قوى بس طبعا القرضبة تكسب فى استهلاك البنزين

عشان اكون دقيق اكتر فرق حوالى 35 جنية فى ال 1000 كيلو .
أعتقد انك هتدفع اكتر منة فرق فى سعر صيانة القرضبة فى التوكيل

طبعا فى الأول وفى الأخر انا ولا معايا سيراتوا ولا معايا قرضبة انا بس حبيت ققلك وجهة نظرى بسبب السوق المصرى لازم الواحد يفكر كده :)

ممكن ارد على كل النقط دى لو سمحتولى :

1- القرطبه شكلها تحفه و اعتقد ان فى ناس غشت شكل الفانوس الامامى بتعها و حطته قى اللنسر الجديده و كمان السيراتوز
2-توكيل سيات ناس كتير محترمين جدا جدا جدا كفايه انه نفس توكيا أودى و الكل يشهد بالاحتامهم للعملاء و ادبهم و عمرك مترجعلهم تانى بنفس العيب
3-معتقدش خمسه سنتى عرض زياده هما الهيفرقى اوى فى سبيل انك راكب عربيه ألمانى تقفيل اسبانى(العفشه و الفتيس هما هما الفى الجتا)
4-بس دى بعض امثله على اسعار قطع الغيار
الاكصدام الامامى ب 1000
الفانوس الامامى ب 700
و الفانوس الخلفى ب 400
تيل الفرامل الئاسبانى ب 180 و الألمانى ب 280
فلتر الزيت ب 70 جنيه
اعتقد انها ارخص كمان من الكورى فى بعض الاشياء
و دى اسعار التوكيل
و العربيه تابعه لفولكس فاجن و قطع غيارها مرميه فى كل حته
و اليسأل ميتهش
5-للاسف صح بس انتا بتتكلم فى خساره بسيطه خمس عشر تلاف جنيه نظير الركوبه الالمانى (وده بس لو حصلت كرسه لاقدر الله و عايز تبيع)
لانك لو بعت العربيه دى عشان تركب الاحسن يبقى متفكرش غير فى بى ام دبليو
6-اشياء لا يمكن ذكرها و ذلك لانها اشياء لا تذكر(أبقو شوفو امكانيات القرطبه و انتو هتعرفو ان تقريبا مفيش امكنيات اكتر اوى يعنى

7-بجد النقطه دى انا مش معاك فيها خالص خالص خالص,يا راجل انتا بتقارن حصان كورى بحصان المانى(اعتقد ال10 حمار كورى بحصان المانى)
يا اخى حرااااااااااااااااااااااا اااااام عليك سورى فى اللفظ تكيف الكوردوبا اشد بمراحل عن السيراتو وليس له اي تاثير اطلاقا على السحب
دا المانى يا ناااااااااااااااااااااااا اااااااااااااس
8-يا عم ضمان ايه
الضامن ربنا
مهو الخليجى مالى البلد
والناس بتشترى من غير ضمان خالص
تانى هفكركو المانى تقفيل اسبانى
9-دى فولس فاجن كفايه عليك كده
ميكانيكيه الفولكس مالين مصر
10-السيراتو فى الزحمه بتحرق 11 الى 12 لتر لكل ميت كيلو
يا ريت تحسب الفرق كويس

انا معايه سيات ليون ٢٠٠٩ و بصراحة عمري مهقدر اركب غير الماني بعد كده، جودة الالماني و احساس الالماني لا يعوض.