الموضوع: كيا نيو سيراتو 2010 ولا سيات كوردوبا 2009 ستيب ترونيك

ممكن ارد على كل النقط دى لو سمحتولى :

1- القرطبه شكلها تحفه و اعتقد ان فى ناس غشت شكل الفانوس الامامى بتعها و حطته قى اللنسر الجديده و كمان السيراتوز
2-توكيل سيات ناس كتير محترمين جدا جدا جدا كفايه انه نفس توكيا أودى و الكل يشهد بالاحتامهم للعملاء و ادبهم و عمرك مترجعلهم تانى بنفس العيب
3-معتقدش خمسه سنتى عرض زياده هما الهيفرقى اوى فى سبيل انك راكب عربيه ألمانى تقفيل اسبانى(العفشه و الفتيس هما هما الفى الجتا)
4-بس دى بعض امثله على اسعار قطع الغيار
الاكصدام الامامى ب 1000
الفانوس الامامى ب 700
و الفانوس الخلفى ب 400
تيل الفرامل الئاسبانى ب 180 و الألمانى ب 280
فلتر الزيت ب 70 جنيه
اعتقد انها ارخص كمان من الكورى فى بعض الاشياء
و دى اسعار التوكيل
و العربيه تابعه لفولكس فاجن و قطع غيارها مرميه فى كل حته
و اليسأل ميتهش
5-للاسف صح بس انتا بتتكلم فى خساره بسيطه خمس عشر تلاف جنيه نظير الركوبه الالمانى (وده بس لو حصلت كرسه لاقدر الله و عايز تبيع)
لانك لو بعت العربيه دى عشان تركب الاحسن يبقى متفكرش غير فى بى ام دبليو
6-اشياء لا يمكن ذكرها و ذلك لانها اشياء لا تذكر(أبقو شوفو امكانيات القرطبه و انتو هتعرفو ان تقريبا مفيش امكنيات اكتر اوى يعنى

7-بجد النقطه دى انا مش معاك فيها خالص خالص خالص,يا راجل انتا بتقارن حصان كورى بحصان المانى(اعتقد ال10 حمار كورى بحصان المانى)
يا اخى حرااااااااااااااااااااااا اااااام عليك سورى فى اللفظ تكيف الكوردوبا اشد بمراحل عن السيراتو وليس له اي تاثير اطلاقا على السحب
دا المانى يا ناااااااااااااااااااااااا اااااااااااااس
8-يا عم ضمان ايه
الضامن ربنا
مهو الخليجى مالى البلد
والناس بتشترى من غير ضمان خالص
تانى هفكركو المانى تقفيل اسبانى
9-دى فولس فاجن كفايه عليك كده
ميكانيكيه الفولكس مالين مصر
10-السيراتو فى الزحمه بتحرق 11 الى 12 لتر لكل ميت كيلو
يا ريت تحسب الفرق كويس

أرد انا بقى على النقط اللى حضرتك قلتها

1- وجهات نظر طبعا

2- مختلفناش عن توكيل كيا

3- الواحد بيدور على كل سنتى زيادة وطبعا ديه حرية شخصية ليك حتى لو ناقصة 20 سنتى ديه حاجة ترجعلك

4- الأسعار اللى انته كاتبها ديه زى الفل بس معلش ادخل فى اساسيات مساعدين كده علبة دركسيون الحاجات الحلوة ديه وفرحنى كده
وموضوع قطع الغيار اللى مترمية فى كل حتة ديه ياريت تقلى فين !!! 10 حتت مش 100 حتة عشان انزل اشوف اسعارهم بالمرة وادينى باخد خبرة

5- ديه حاجة ترجع لحضرتك بس انا ليه اخسر زيادة عن اللى هخسرة كده كده 15 الف مثلا ؟!!!

6- ياريت تقلنا كماليات القرضبة عشان نستفيد

7- اشك بصراحة بان تكيف القرضبة احسن من السيراتوا اول مره اسمع عن تكيف المانى احسن من كورى او يابانى بصراحة

موضوع بقى الموتور معلش انا مش معاك خالص فى النقطة ديه وعن تجربة عربيات المانى و كورى

واخرهم سكودا مينى فابيا سبورت اديشن وديه هاتش باك وزى الفل ومانيول كمان و 105 حصان سافرت بديه
وسافرت بالألنترا الكورى اللى موتورها اى كلام و121 حصان على الورق بس بأكدلك ان المينى فابيا مش هتشوف الإلنترا يبقى إزاى الإلنترا 121 على الورق وكمان كانت اوتوماتيك وبعدين التجربة خير دليل زى مبيقولوا وانا معنديش مانع اسبتلك صحة كلامى لما تجيب القرضبة

8- الضامن ربنا وكل حاجة بس انا اختلف معاك 10000000000000% فى نقطة الضمان ديه بصراحة يعنى

9- كفاية عليك انتة كده بقى مش انا هوة انا اللى رايح اشتريها

10- انا حاسب الفرق كويس على فكرة من 7.9 ل 10 لتر فى الزحمة يبقى 2.1 لتر يعنى 3.885 فى ال 100 كيلو يعنى 38 جنية متزعلش نفسك عشان 3 جنية

أخر حاحة بقى انا مش عارف انته متنرفز قوى كده ليه يعنى انا غلطان انى قلتلك وجهة نظرى ؟؟؟؟

وبعدين ده انته مقتنع 150% بلقرضبة تاعب نفسك وعامل موضوع ليه ده لو واحد قعد من هنا لبكرة يقلك مميزات فى السيراتو برده هتجيب قرضبة يبقى ليه طيب ؟؟؟؟

المشاركة الأصلية كتبت بواسطة Tayer

متشكر على أهتمامكم بالموضوع بتاعى بس أحب أوضح ليكم شئ أنا هحت تحويشت العمر فى عربيه العمر كله فمش بفكر فى سعر اعاده البيع خالص انا بفكر فى ركوبه جمده
و بعدين المانى كله تقريبن ضيق
و مساحه شنطه القرطبه 485
و بعدين مين القال ليك حوار ال 4% ده انتا متأكد منه (من مين )
اما الاخ المحترم القال سيراتو انا متشكر ليه بس ياريت اجابه مفسره أكتر من كده يا راجل دنتا عضو فضى يعنى المفروض نتعلم منك,حاول كده تقنعنى برأيك أزاى الكورى أحسن من الألمانى

اولا اقرى الموضوع بتاع دكتور احمد سامى
http://www.nilemotors.net/Nile/83428-a.html
مش هزود عن اللى الاخوه قالوه بس هقول برده
السراتو
اعاده بيع افضل
ضمان 5 سنوات او 100 الف كم
احسن توكيل فى مصر بلا منازع
العربيه لسه شكل جديد عكس السيات
اوبشنز اكتر و عامله شغل جامد جوه العربيه
صيانتها ارخص من السيات

مش عارف ليه ممكن حد بدفع 115 الف فى عربية عاملة كدة



و يسيب دى



انا عارف ان الموضوع ازواق .. بس الكوردوبا شكلها بقى قديم قويييييييي..

انما السيراتو شكلها لسه نازل السنة دى و فيها كماليات اكتر كتير ..

توكيلها احسن كتير ..

ضمانها اكبر بكتير ..

سعر اعادة بيعها طبعا افضل ..


ليه بقا اسيب كل دة عشان ابقا اسمى راكب المانى الفى الحالة دى لا يتفوق فى اى حاجة

لقيت ضالتي في الكوردوبا ....

إللي بيسأل عن مواصفات الكوردوبا هيلاقيها في التوقيع + التقييم الأولي للعربية

أعتقد الكوردوبا تتفوق في الأتي:
- في رأيي الكوردوبا هاتتفوق في الفتيس بتاعها لأنه 6 نقلات و لا ليست 4 مثل السيراتو و ده بيدي ميزتين:
- الاقتصاد في البنزين على السرعات العالية .. يعني تخيل كده ماشي على 140 و لسه ال RPM أقل من 3000
- تجميع افضل في السرعات العالية أيضا لأن النقلة السادسة ممكن "تبدأ" تجميعها من فوق ال 140 بدون حمل زائد على الموتور

- نقطة تانية في صالح الكوردوبا و هي كفاءة العزل الحراري و أعتقد إن الأخ أحمد سامي في تقيمه المميز عن السيراتو ذكر إن فيه مشكلة ((بسيطة)) في السيراتو مع المسافات.

- إعتمادية الميكانيكا الالمانية في الكوردوبا محل ثقة و إن كنت أعتقد إننا لا يجب أن نجعلها نقطة تفوق واضحة لأن السيراتو لسه جديدة و لسه ما بانش أوي أي حاجة تدعو للقلق.

- إعتقادي أيضا أن الخامات الداخلية للكوردوبا افضل من السيراتو يعني مش هتلاقي حاجة متقفلة أي كلام.

- صاج الكوردوبا أفضل من السيراتو لأنه نفس اللي بينزل مع سكودا .. خبط على الصاج و أفتح و أقف الباب و إنت تعرف الفارق

- عربية مميزة في الشارع و مفيش منها كتير

- العربية تسليم فوري و بدون أوفر برايس

- صحيح العربية عليها ضمان سنتين بس لكن بدون حد أقصى من الكيلو مترات + 12 سنة ضمان ضد الصدأ زي كل العربيات بتاعة فولكس (فولكس - سكودا - سيات - أودي)

- بعض الكماليات زي فتحة السقف و التحكم في درجة إرتفاع الفوانيس و شدة إضائة التابلوه (مش متأكد هل السيراتو فيها الاتنين الأخرانين و لا لأ)

و دي أسعار قطع الغيار اللي أعرفها في الكوردوبا:

- طقم تيل فرامل أمامي ألماني ---> 280
- طقم تيل فرامل أمامي أسباني ---> 180
- فلتر بنزين ---> 85
- فلتر هواء ---> 95
- فلتر زيت ---> 85
- فانوس أمامي ---> 775
- فانوس خلفي ---> 395
- اكصدام أمامي ---> 1220
- برابريز أمامي ---> 1100 و فيه منه د.جريش ب 800 في التوكيل
- مراية (بالموتور) ---> 850.

طبعا المساعدين مش عارف تحديدا لكن مش هاتزيد عن سعر الكوري كتير يعني مش فارق 300-500 جنيه مثلا.
و عموما قطعة الغيار اللي ما تلاقيها في سيات دور عليها بنفس ال Part Number في فولكس أو سكودا أو حتى أودي.

السيراتو هاتتفوق في النقط التالية:
- الانتشار الكبير للعربية و طبعا ده هايأثر في حاجتين:
- سعر و توافر قطع الغيار (غير الاصلية)
- سعر إعادة البيع

- وسع الكنبة الخلفية و خاصة لو كانت الأسرة أكبر من 4 أفراد هاتكون ميزة نسبية أفضل لكن لو الاسرة 4 أفراد فقط فلن تكون ميزة إضافية.

- بعض الكماليات زي الجنوط و لو المرايات ضم كهرباء و التكييف التاتش.

- ده الشكل الجديد للعربية و مش هايتغير قبل سنتين أو تلاتة.


عموما زي ما بقول .. هات العربية اللي تريحك نفسيا .. اللي كل ما تركبها تبقى مبسوط منها و من إنك راكبها حتى مع عيوبها اللي إنت عارفها.

المشاركة الأصلية كتبت بواسطة kareemhisham

مش عارف ليه ممكن حد بدفع 115 الف فى عربية عاملة كدة

......

انا عارف ان الموضوع ازواق .. بس الكوردوبا شكلها بقى قديم قويييييييي..

انما السيراتو شكلها لسه نازل السنة دى و فيها كماليات اكتر كتير ..

توكيلها احسن كتير ..

ضمانها اكبر بكتير ..

سعر اعادة بيعها طبعا افضل ..


ليه بقا اسيب كل دة عشان ابقا اسمى راكب المانى الفى الحالة دى لا يتفوق فى اى حاجة

الموضوع أذواق و الكوردوبا فيها ألوان أفضل من الفضي و الابيض بتاعها حلو جدا ولو على الشكل يبقى الكروز أفضل من السيراتو و أفضل الكوردوبا لكن عمرى ما هاقول لحد سيب السيراتو و هات الكروز !

الكوردوبا شكلها مش قديم و لا حاجة لأن العين مش واخدة عليه و لو كان كده إيه اللي مخلي اللانسر البوما تبيع نفس الشكل لغاية دلوقت.

الكماليات بين العربيتن لصالح السيراتو لكن مش بشكل كبير زي ما حضرتك بتقول و في الناحية التانية (ميكانيكا و كهرباء) أعتقد فيه تفوق نسبي للكوردوبا

توكيل كيا يقال أفضل توكيل في مصر -مجربتوش- لكن توكيل سيات واحد من أفضل التوكيلات في معاملاته و ما اعتقدش إن ده ممكن يبقى فرق يرجح عربية عن التانية .. النقطة التانية هي اسلوب تعامل التوكيل مع الناس اللي حاجزة العربية .. معقول أفضل حاجز العربية من 5 شهور و لما أسأل عليها يقولولي مش عارفين إمتى و لو مش عاجبك خد فلوسك و إمشي!!

الضمان .. لو حضرتك بتتحرك كتير بالعربية ممكن ساعتها يبقى ضمان سيات افضل لك أو الفارق يبقى ضئيل .. لكن لو بتعمل 20 ألف في السنة يبقى ساعتها ضمان كيا أفضل .. ما تنساش إن سيات بتدي ضمان 12 سنة ضد الصدأ و العربية فيها تصفيح أسفل المحرك و الجير.

طبعا سعر إعادة البيع أفضل "حاليا" لكن إنت مكنتش تقدر تقول كده على السيراتو بتاعة 2008 و محدش يعرف السوق فيه إيه .. يمكن سيات تنزل بعربية زي الابيزا 94 تكسر الدنيا و تعكس المعادلة و يمكن لأ .. لكن بالظاهر طبعا السيراتو أفضل في إعادة البيع.

أخر حاجة الالماني فعلا ركوبة مختلفة. جرب (فترة) و إنت تعرف.