كيا نيو سيراتو 2010 ولا سيات كوردوبا 2009 ستيب ترونيك

**darkomed** · 22-09-2009 06:50 PM

مع احترامي الشديد لكل الاراء اللي اتقالت انا رايي ان الالماني لا يعلي عليه من حيث التحمل وطول عمر قطع الغيار الي بيعوض ارتفاع سعرها يعني بتغير الحاجه وبتنساها بجد و الصاج طبعاا بص علي الكوري القديم اللي ف الشارع تحس ان صاجه معووج حتي بعد الاستعدال مبيرجعش لاصله مش زي الالماني صاج قوي جداا , السيراتو احسن ف انتشار قطع الغيار و مده الضمان اما سعر اعاده البيع ميبانش دلوقت . انا لومنك اركب الماني وبرضو انت صاحب القرار.

**doglas** · 23-09-2009 04:35 AM

انا بس عايز أزود نقطة مهمة جدا لم يتحدث فيها أحد ، ودي للناس اللي بتبص لقدام

بص على 95% من العربيات الكوري القديمه بتبقى عاملة إزاى بعد 5 سنين لو صاحبها أهملها شوية و العربيات الالماني بتبقى عاملة إزاى لو نفس الشخص بنفس درجة الإهمال ركبها ،
وده في إعتقادى بيعبر عن سوء نوعية الخامات المستخدمة بكل عام في الكوري

يا جماعة عايز أردد كلمة ناس كتير عارفاها
اللى يركب الألماني صعب ينزل يغير لعربيات تانية (والله مش عارف دى ميزة و لا عيب) بس ليهم سحر غريب و بالذات طرازات سيات (الوجه الرياضي و المثير لمجموعة فولكس فاجن)

**Tayer** · 23-09-2009 05:16 AM

الله ينور يا رجالت سيات
يعنى رجالت الكيا سكتين اهم و مش بيردو علينا

**Evo** · 23-09-2009 07:36 AM

أنا على الحياد يا جماعة بس بصراحة في حاجة فقعاني من السيراتو الجديدة
انتشارها المستفز زي مايكون بتتوزع على علب السجاير أو الحكومه أعلنت إن إلي هيشتري سيراتو هنرجعلو الجمارك تاني
بجد بقى بيصعب عليا أي واحد سايق السيراتو في الشارع أول ما يقف في إشارة ويلاقي تلات أو اربعه سيراتو جنبو
ههههههه
بحس إنه إتخم وإشترى شقة متباعه قبل كدة مرتين
ومتقولوش دي ميزة وإعادة بيع والكلام دة

بصراحة أكتر بقى الانتشار المفاجئ للسيراتو ده يدل على عدم وعي كافي عند الشاري وإنه مشي على الموجة وإشطة عربيه شكلها جامد .مفيش فترة كافية علشان يتعرف العربية دي كفائتها زي شكلها واللا منظر على الفاضي بالذات انها بلاتفورم جديد وموتور جديد وكلو جديد في جديد يعني بختك يابو بخيت

بس فعلا شكل السيراتو أحلى كتير من الكوردوبا

**Ibrahim88** · 23-09-2009 12:59 PM

ارجو توضيح نقطة هامة هى أن الانتشار ليس معناه اعادة بيع أفضل فى المستقبل

**Ahmed Samy** · 23-09-2009 01:01 PM

المشاركة الأصلية كتبت بواسطة tayer

الله ينور يا رجالت سيات
يعنى رجالت الكيا سكتين اهم و مش بيردو علينا

أنا أقول لحضرتك أنا شخصيا بطلت أرد ليه ...

الموضوع ده حضرتك عامله لطلب مقارنة بين السيراتو و القرطبة

و من كلام حضرتك أنك مقتنع تماما بالقرطبة يعني مش محتاج مقارنة

بس ده مش معناه انك محتاج نقاش لتأكيد أو تغيير رأيك بشكل موضوعي

بس الحقيقة بعد ما حضرتك كتبت

(اعتقد ال10 حمار كورى بحصان المانى

يبقى الموضوعية انتهت و هاندخل في حوارات لا تودي ولا تجيب و هانقعد نتكلم و نحرق مشاركات في الفاضي

الموضوع بسيييط جدا و المقارنة واضحة و الكلام اللي اتقال غطى كل حاجة و النتيجة واضحة

لكن حضرتك عايز نتيجة تانية ....خلاص

حضرتك تجيب القرطبة

**Tayer** · 23-09-2009 06:17 PM

انا مش عايز نتيجه تنيه ولا حاجه
بس انا من المناقشه الجمده بتعتكو كنت عايز اعرف مين الاحسن
انا من حوالى شهر كنت مقتنع تمام الاقتناع بالسيراتو
لحد مواحد صحبى دماغه نضيفه اوى اوى فى العربيات قالى على العربيه دى و أتشكرلى فيها اوى
فلما قرات عنها و سالت عنها لم اجد لها عيب
ولا يوجد شخص على هذا المنتدى ركب هذه العربيه و متشكرش فيها
بل و أتوهم بيها
وكان هذا سبب النقاش .....................
و بسراحه منقشتكم جميله جدا بس لم يستطيع احد حتى الأن أسبات أو اقناعى بأن السيراتو أجمد من القرضبه
و لو أجمد فأجمد فى ايه ؟

**bishoy02010** · 23-09-2009 06:21 PM

المشاركة الأصلية كتبت بواسطة ahmed samy

أنا أقول لحضرتك أنا شخصيا بطلت أرد ليه ...

الموضوع ده حضرتك عامله لطلب مقارنة بين السيراتو و القرطبة

و من كلام حضرتك أنك مقتنع تماما بالقرطبة يعني مش محتاج مقارنة

بس ده مش معناه انك محتاج نقاش لتأكيد أو تغيير رأيك بشكل موضوعي

بس الحقيقة بعد ما حضرتك كتبت

يبقى الموضوعية انتهت و هاندخل في حوارات لا تودي ولا تجيب و هانقعد نتكلم و نحرق مشاركات في الفاضي

الموضوع بسيييط جدا و المقارنة واضحة و الكلام اللي اتقال غطى كل حاجة و النتيجة واضحة

لكن حضرتك عايز نتيجة تانية ....خلاص

حضرتك تجيب القرطبة

هيه ديه الخلاصة
+11111111111111111111

**akram2010** · 23-09-2009 06:35 PM

الافضل لك من كل الهيصه دة هيونداى سوناتا 2000 سى سى خطيرة وعربيه غير وتستاهل فخامه غيرررر

**kareemhisham** · 23-09-2009 06:50 PM

المشاركة الأصلية كتبت بواسطة tayer

انا مش عايز نتيجه تنيه ولا حاجه
بس انا من المناقشه الجمده بتعتكو كنت عايز اعرف مين الاحسن
انا من حوالى شهر كنت مقتنع تمام الاقتناع بالسيراتو
لحد مواحد صحبى دماغه نضيفه اوى اوى فى العربيات قالى على العربيه دى و أتشكرلى فيها اوى
فلما قرات عنها و سالت عنها لم اجد لها عيب
ولا يوجد شخص على هذا المنتدى ركب هذه العربيه و متشكرش فيها
بل و أتوهم بيها
وكان هذا سبب النقاش .....................
و بسراحه منقشتكم جميله جدا بس لم يستطيع احد حتى الأن أسبات أو اقناعى بأن السيراتو أجمد من القرضبه
و لو أجمد فأجمد فى ايه ؟

احنا قلنا لحضرتك اسباب كتييييير تخليك تختار السيراتو بس حضرتك بتبص على حاجات غريبة شوية فى العربية و دة حقك ..

يعنى انا اول مرة اشوف حد مش همه اعادة البيع و قطع الغيار و الشكل و الكماليات و قوة الموتور .. كل دى حاجات تتفوق فيها السيراتو و حضرتك بتقول محدش قال حاجة مقنعة ؟؟!!!