صوت فرقعة فى الشكمان لما أكبس على دواسة البنزين وأسيب

**zarkoor** · 06-10-2009 09:49 PM

المشاركة الأصلية كتبت بواسطة samirayad

طيب حسألك سؤال
لأن واضح أنك مهندس : كهرباء
أما أنا فمهندس : ميكانيكا باور
وكل كلامى فى الكهرباء مجرد أجتهادات مع الأطلاع طبعا

أنا لم أذكر حاجه عن العزل الكهربى أولا
بس قوللى
الأفو ميقيسش 30 كيلو أوم مثلا
لأن كلامك عن قطع الأسلاك
يعنى قصدك فتح كهربى ( يعنى مقاومه مالانهايه )

وعلى فكره عمر ضعف الحريق مايتلت عربيه
التتليته ( وجايه من الأسم ) يعنى تلت غرف اللى بيحرقوا
نتيجه أن واحده طلعت بره الموضوع بسبب غياب شرارتها
أما الفرقعه بتيجى نتيجة الأختلاف بين شدة الحريق لغرفه وأخرى
يعنى فيه غرفه بتحرق بنسبه معينه والأخرى مختلفه عنها وهكذا

حضرتك انا مهندس كهربا .. بالنسبة التليت طبعا درجات ... بتبتدى بحريق ضعيف و بتنتهى بتتليت صريح لما البوجيه (او الرشاش) بيقطع تماما... 30 كيلو اوم ده رقم كبير جدا ... السلك بالطول ده بيتقاس بالميكرو اوم ... قياس الاوم بالافو بيكون DC علشان بطارية الافو ... اللى بيهمنا فى سلك البوجيه الاوم متقاس على high-frequency علشان خرج الكويل بيكون كده ... 80% من مشاكل سلك البوجيه بتكون انهيار عزل او شرخ الفيشة ... قليل قوى لما يتقطع السلك ... مشاكل الكويل يا اما بتكون فى دايرة الكونترول المطبوخة جواه (ترحيل فى ال firing time علشان ال ECU بتبعت الاشارة للكويل بس اللى بينفذ الاشعال هى دايرة الكويل) مشكلة الكويل التانيه ان ملف ال high-voltage يكون مقطوع داخليا و دى بتبان لما تفك سلك البوجيه وتلاقيه مش بيطلع شرارة لما تقربه من بلوك الموتور ... لما بكشف على السلك و الكويل باستعمل ميجر 2.5 كيلوفولت علشان اقيس مقاومة العزل (مش مقاومة السلك) ودى لازم تكون بالميجا اوم

والعلم عند الله
تحياتى و احترامى لحضرتك

**samirayad** · 06-10-2009 09:56 PM

المشاركة الأصلية كتبت بواسطة zarkoor

حضرتك انا مهندس كهربا .. بالنسبة التليت طبعا درجات ... بتبتدى بحريق ضعيف و بتنتهى بتتليت صريح لما البوجيه (او الرشاش) بيقطع تماما... 30 كيلو اوم ده رقم كبير جدا ... السلك بالطول ده بيتقاس بالميكرو اوم ... قياس الاوم بالافو بيكون DC علشان بطارية الافو ... اللى بيهمنا فى سلك البوجيه الاوم متقاس على high-frequency علشان خرج الكويل بيكون كده ... 80% من مشاكل سلك البوجيه بتكون انهيار عزل او شرخ الفيشة ... قليل قوى لما يتقطع السلك ... مشاكل الكويل يا اما بتكون فى دايرة الكونترول المطبوخة جواه (ترحيل فى ال firing time علشان ال ECU بتبعت الاشارة للكويل بس اللى بينفذ الاشعال هى دايرة الكويل) مشكلة الكويل التانيه ان ملف ال high-voltage يكون مقطوع داخليا و دى بتبان لما تفك سلك البوجيه وتلاقيه مش بيطلع شرارة لما تقربه من بلوك الموتور ... لما بكشف على السلك و الكويل باستعمل ميجر 2.5 كيلوفولت علشان اقيس مقاومة العزل (مش مقاومة السلك) ودى لازم تكون بالميجا اوم

والعلم عند الله
تحياتى و احترامى لحضرتك

طيب شوف الجدول ده كده

وارد فيه جزء من مسببات أعطال عملية التقطيع فى الحريق أو الفرقعه

ياريت لو تفسرلى اللى فيه ....أحتمال تكون حاجه عدت عليا
وشوف مقاومة الكابلات بتبقى قد أيه (30 كيلو أوم )

حنركز مع الفقره رقم 3 بالجدول المرفق

**zarkoor** · 06-10-2009 10:57 PM

المشاركة الأصلية كتبت بواسطة samirayad

طيب شوف الجدول ده كده

وارد فيه جزء من مسببات أعطال عملية التقطيع فى الحريق أو الفرقعه

ياريت لو تفسرلى اللى فيه ....أحتمال تكون حاجه عدت عليا
وشوف مقاومة الكابلات بتبقى قد أيه (30 كيلو أوم )

حنركز مع الفقره رقم 3 بالجدول المرفق

يا باشا الموضوع مش محتاج تركيز ولا حاجة ... دى مقاومة السلك كامل بعمود الكربون اللى قبل الفيشة اللى بتتوصل بالبوجيه ... لو الكربون مكسور المقاومه بتبقى عالية ... لو فيه بخار زيت بيطلع من سن البوجيه خيخش جوه الفيشة و حيخلى القيشة تهرب مع الارض ... لو الفيشة الكربون مطبوخة فى السلك و مش بتتفك يبقى القياس بالافو بس حيشوف اذا فيه كسر بس فى الكربون ... بس مش حيشوف اذا العزل مهرب وللا لاء ... يعنى حضرتك ممكن تقرا اى حاجة اكتر من 25 كيلو اوم وتفتكر ان السلك كويس وتبتدى تدور على حاجة تانيه مع ان العيب بيكون قدامك فى الفيشة ... انا لما بشك فى سلك ومش بيكون معايا ميجر ... بجيب منظف هيد الفيديو و ارشه على الفيشة و انشفها كويس و اطلع اجرب .. فى اغلب الحالات بيكون بخار زيت دخل جوه

وعلى فكرة الجدول اللى حضرتك حاطه بيتكلم عن التقطيع ... مش عن الفرقعة على اربى ام عالى

تحياتى

**samirayad** · 06-10-2009 11:34 PM

وعلى فكرة الجدول اللى حضرتك حاطه بيتكلم عن التقطيع ... مش عن الفرقعة على اربى ام عالى

طيب ماهو الفرق بين التقطيع والفرقعه
على فرض صحة الترجمه

**zarkoor** · 06-10-2009 11:45 PM

المشاركة الأصلية كتبت بواسطة samirayad

طيب ماهو الفرق بين التقطيع والفرقعه
على فرض صحة الترجمه

على فرض صحة الترجمة ؟؟
و ايه الفرق بين التقطيع و الفرقعة ؟؟

الترجمة سيادتك ان كلمة cut-out يعنى حرفيا عدم توصيل تام لدايرة الاشعال
وكلمة misses (تفويت) يعنى ان الاشعال لايتم بالتزامن مع اشارة ال ECU

اما الفرق بين التقطيع و الفرقعة ان التقطيع بيكون الموتور بيقطع يعنى بيرج اما الفرقعة فالشكمان بيفرقع

**samirayad** · 07-10-2009 12:20 AM

اما الفرق بين التقطيع و الفرقعة ان التقطيع بيكون الموتور بيقطع يعنى بيرج اما الفرقعة فالشكمان بيفرقع

اسمحلى أختلف معاك فى هذا التعريف
التقطيع معروف وهو عدم أكتمال الشىء وحركته فى صورة نبضات مثلا
الفرقعه يعنى نبضات أنفجار فى صورة قذائف
ولو جينا نجمع المعنيين مع بعض
يبقى معنى التشخيص بتاع الجدول هو نبضات تقطع سريان العادم
فى صورة نبضات عاليه وواطيه
فى صورة بم بم بم
وبكده يبقى العادم وهو خارج من الشكمان بيكون فى صورة نبضات متفرقه (عالى وواطى ) مثل المفرقعات
أذا المعنى المقصود من الجدول بيدور فى أطار الموضوع الحالى معانا

**zarkoor** · 07-10-2009 10:23 AM

المشاركة الأصلية كتبت بواسطة samirayad

اسمحلى أختلف معاك فى هذا التعريف
التقطيع معروف وهو عدم أكتمال الشىء وحركته فى صورة نبضات مثلا
الفرقعه يعنى نبضات أنفجار فى صورة قذائف
ولو جينا نجمع المعنيين مع بعض
يبقى معنى التشخيص بتاع الجدول هو نبضات تقطع سريان العادم
فى صورة نبضات عاليه وواطيه
فى صورة بم بم بم
وبكده يبقى العادم وهو خارج من الشكمان بيكون فى صورة نبضات متفرقه (عالى وواطى ) مثل المفرقعات
أذا المعنى المقصود من الجدول بيدور فى أطار الموضوع الحالى معانا

لا حضرتك ده مش مظبوط فيه فرق بين الفرقعة على اربى ام عالى نتيجة نطه سن كامه او ضعف سوسته اومشكلة صباب (valve seating) وبين الرجة اللى نتيجة تتليت او ضعف شرارة (weak or no ignition)

عموما ... انا وضحت وجهة نظرى ومش عاوز النقاش يتحول الى جدال ... رأى حضرتك يحترم ولكن غير مقنع بالنسبة لى وفى النهايه كل واحد بيقول وجهة نظره وللاخر انه يقتنع بيها او لأ.

"ان الله اذا غضب على قوم اشاع بينهم الجدال" حكمه جميلة بحاول اطبقها على نفسى فى اى نقاش

تحياتى و احترامى لحضرتك