شكرا ليك ياباشا على نقل تجربتك دى
و فى انتظار التقرير للأستاذ محمد :)
رقم العضوية : 38824
تاريخ التسجيل : 24Apr2009
المشاركات : 200
النوع : ذكر
الاقامة : Mohandessen
السيارة: None
السيارة[2]: Proton Waja 2009
الحالة :
السلام عليكم,
النهارده عايز أديكم إنطباعى عن تجربة القيادة للعربية السوزوكى الإس إكس 4 ... إتفقت أتقابل مع العضو الكريم محمد مكاوى داخل القرية الذكية و إتقابلنا فعلا فى الميعاد المتفق عليه.
قبل كل شيئ يا جماعة أحب أقول حاجة, محمد مكاوى يا جماعة من الشخصيات اللى يوم ما هغلط فى حقه هقول عنه إنه راجل قمة فى الإحترام , دى بجد أقل حاجة ممكن أقولها عنه ... أنا كنت محرج جدا من كتر ما كلمته و زنيت عليه و هو كان فى منتهى الذوق معايا و باله طويل جدا و مستفيض فى الشرح .. ربنا يكرمه دايما يا رب .
نيجى بقى للكلام الجد :
طبعا أنا عارف و شبه حافظ شكل العربية من جوه و من بره , بس ده لا يمنع إنى برده حسيت أول ما ركبت العربية كإنى أول مرة أركبها , التابلوه شكله ما شاء الله جميل جدا و الخامات كويسة جدا جدا و واضح إن خواصها متغيرتش مع الإستعمال (مفيش مثلا بهتان أو حاجات إتخلعت أو كده) هو بس اللهم شوية تقشير فى إيد الفتيس , و لو مدققتش ممكن متاخدش بالك منه أصلا. إجمالا التقفيل الداخلى (interior) ما شاء الله حلو جدا .
الشكل من بره حلو قوى ما شاء الله (و أنا الحقيقة مش من نوعية الناس اللى بتدقق قوى على الشكل من بره , أنا يهمنى جوه أكتر) و حتى صاحبها بيقول شكل السيراتو من بره أحلى , بس أنا فعلا مش فارق معايا الموضوع ده. فنقدر نقول إجمالا الشكل الخارجى (exterior) حلو بالنسبالى و مقبول عند ناس كتير.
إرتفاع العربية عن الأرض حلو جدا و دى حاجة مطلوبة جدا فى بلدنا يا جماعة, إنتوا أكيد أدرى منى بشوارعنا الملفتة للنظر من فرط جمالها و جودة رصفها (يا رب صبر اللى معاهم Civic و جنبهم الحك فى المطبات )
مبدئيا إحنا كنا 4 فى العربية و التكييف شغال على 2 (و الشهادة لله أنا كنت سقعان بس قلت خليه عشان عايز أجرب أداء العربية فى ظروف تحميل شوية).
إبتديت السواقة هادى كده جوه القرية, لقيت مكاوى بيقولى : إنت مالك ماشى هادى كده ؟ إجرى شوية ! و فعلا جريت و قرصت على العربية و سحبها ما شاء الله و لا قوة إلا بالله حلو جدا ... دوست فرامل مرة واحدة و سمعت الإى بى إس بيشتغل (أو بمعنى أدق حسيت بيه فى رجلى) و كانت إستجابتها هايلة ما شاء الله. و فعلا العربية كانت بتتلكك عشان تجرى.
ثبات العربية ما شاء الله حلو جدا مع الملفات و الميادين و الوقوف المفاجئ.
و لما إتجرأت شوية و لقيت الشارع فاضى و طويل, جربت الكيك داون , إستجابته ماشاء الله حلوة و فعلا بتحس بطفرة فى الأداء.
الباور ما شاء الله حلو و ناعم , و حتى مكاوى قالى إنه أصلا أنعم من كده بس هو فيه مشكلة .. بس حتى كده ما شاء الله حلو جدا.
وضع العدادات مع الدريكسيون كويس جدا , و الدريكسيون ممكن وضعه يتعدل .
شنطة العربية ما شاء الله كبيرة و إرتفاعها كبير كمان , يعنى فعلا عربية عائلية و تشيل حاجات كتير.
كمان ميزة برده احب أقولها إن المرايات الجانبية حلوة قوى و كبيرة , مجال الرؤية فيها واسع و جايبة تفاصيل كتير وراك.
النقط السلبية دى بقى تختلف من ناس لناس , بس أنا هقول النقط اللى لفتت نظرى و حاسس إنها ممكن تمشى مع ناس و ممكن متبقاش مقبولة عند ناس تانية:
زى ما قولت الشكل الخارجى دى أذواق , بس أنا شايف إن شكل العربية مع حجمها مرضيين جدا بالنسبالى.
عزل الصوت عن العالم الخارجى كويس جدا ما شاء الله , صوت الموتور مع السواقة العادية هادى و مع الكيك داون عالى شوية , بس مش عالى العلو المزعج, بالعكس أنا كنت مستمتع بصوته جدا , و على فكرة يا جماعة أنا نقطة العزل دى تهمنى جدا جدا , بس فعلا الصوت جوه العربية كويس جدا. بس أنا قولت أنوه على النقطة دى عشان الناس اللى بتحب متبقاش سامعة أى صوت جوه العربية حتى مع السرعات العالية (زى الأوكتافيا و الفورد فوكس و المونديو كده). و على فكرة أنا كان عندى رأى فى الموضوع ده, إن جايز عشان العزل الخارجى حلو جدا عشان كده صوت الموتور ملحوظ أكتر ؟ - جايز .
العفشة ناشفة شوية , مش ناعمة نعومة الألمانى, و اللى هيعمل سيرش على جوجل على العربية دى هيعرف إنها عربية سبورت و ده الطبيعى بتاع السبورت .. بس أنا من وجهة نظرى إن الثبات بيتحكم فيه عدة عوامل منها العفشة و إرتفاع العربية و وزنها وعرضها. فالوضع هنا إن العربية إرتفاعها عالى بس الثبات متعالج بتربيطة العفشة و تقل العربية النسبى بالنسبة للفئة دى (1205 كجم). و الوضع برده فى السيفيك عفشة ناعمة ما شاء الله مع نفس الوزن تقريبا بس العربية قريبة من الأرض (طبعا مع فرض ثبات العرض للإتنين يعنى). فهى معادلة .. و شيئ صعب شوية إرضاء كل المتغيرات فيها.
كون إن العربية مش منتشرة دى تقلق شوية ناس و منهم أنا , بس انا ملاحظ إنها إبتدت تنتشر شوية و إبتدت الناس تحطها فى حساباتها عند الشراء.
التوكيل مش عارف الكلام اللى طالع عليه ده منين الحقيقة, بس و أنا مع مكاوى التوكيل كلمه يتأكد من إن الصيانة إتعملت و بيسألوه إن كان فيه مشكلة أو حاجة. فأنا مش عارف السمعة اللى طالعة عليه دى منين.
هو ده نقدر نقول إنه تقييمى لعربية إس إكس 4 عاملة 50000 , بس محمد قاللى إنه إن شاء الله هيحاول يكتب تقييم ال50000 بنفسه فى أقرب فرصة إن شاء الله.
أشكركم على المتابعة و أسف على الإطالة .. يا رب أكون أفدت , و اللى هيستفيد من التقييم ده يدعيلى.
أخوكم فى الله,
أحمد السعيد
رقم العضوية : 19375
تاريخ التسجيل : 18Sep2008
المشاركات : 1,842
النوع : ذكر
الاقامة : Nasr City
السيارة: كده رضا :)
السيارة[2]: Opel Vectra 97 1.6 M/T
دراجة بخارية: nope
الحالة :
شكرا ليك ياباشا على نقل تجربتك دى
و فى انتظار التقرير للأستاذ محمد :)
[caps]Mohamed Badr[/caps]
رقم العضوية : 18439
تاريخ التسجيل : 09Sep2008
المشاركات : 8,548
النوع : ذكر
الاقامة : حدائق الاهرام
السيارة: بولو 99
السيارة[2]: تيدا 2009
دراجة بخارية: honda
الحالة :
اخير حد عمل تيست دريف عى السوزكى السيدان , الف مبروك يا باشا على التيست دريف . ومجهود رائع بجد ,ومستنين العضو مكاوى كمان يدخل وينورنا
وتقرير رائع
محرر فى دعم اتخاذ القرار بوزارة الاعلامقليل المشاركة فى الموضوعات والرسائل الخاصة لانشغالى بالعملبرجاء الاتصال بى : 01288814049
رقم العضوية : 805
تاريخ التسجيل : 28May2007
المشاركات : 1,608
النوع : ذكر
الاقامة : Cairo
السيارة: Daihatsu Charmant 83 , Kia Rio 2011
السيارة[2]: Suzuki SX4 sedan 2009
دراجة بخارية: لا يوجد
الحالة :
شكرا جدا على نقل التجربه دي ربنا يكرمك ويوفقك في الاختيار السليم ان شاء الله
بالنسبه للاستاذ محمد مكاوي نتمنى فعلا يقولنا بنفسه اخر انطباعاته عن العربيه بعد 50 الف كيلو خصوصا انه عملهم في وقت قليل
بس فيه نقطه يا ريت توضحها اكتر ... هي العربيه فعلا عفشتها سبور عشان الثبات وحضرتك بتقول انها مش في نعومة الالماني ؟؟؟ اللي بسمعه ان العربيات الالماني بالعكس مش ناعمه
فممكن توضحلنا ازاي خدت انطباع ان العفشه ناشفه شويه ؟ وهل هي ناشفه لدرجة انك اتضايقت او نزلت من العربيه ضهرك تاعبك ؟ لان الحقيقه انا لما جربتها مقدرش اقول ابدا انها ناشفه
وربنا يوفقنا جميعا
سبحان الله وبحمده ... سبحان الله العظيم
تحياتي ,,,
أحمد مجدي
رقم العضوية : 38824
تاريخ التسجيل : 24Apr2009
المشاركات : 200
النوع : ذكر
الاقامة : Mohandessen
السيارة: None
السيارة[2]: Proton Waja 2009
الحالة :
السلام عليكم,
بص يا دكتور .. العفشة لما تبقى متربطة كويس (الأجزاء اللى فيها مفصلات يعنى) ده يبقى مقلل الإهتزازات اللى بتحصل للعربية و إنت ماشى (أو بمعنى أدق مقلل إحساسك بيها) .. بس ساعتها الإحساس بالطريق و المطبات و كده المفروض يبقى أكتر, يبقى كده العفشة تبقى ناشفة عشان هى متربطة كويس.
بس فى عربيات زى الألمانى عامة (و بعض اليابانى) , بتبقى العفشة أنعم شوية , فبيبقى الإحساس بالمطبات و الأراضى الوعرة أقل (و خصوصا الكلام ده لو متراعى فى نظام التعليق كمان) + إن كمان وزن العربية هيبقى ليه تأثير محسوس أكتر .... يعنى جرب مثلا تركب عربية زى الفيكترا أو الأوكتافيا و إنت هتحس بكلامى أكتر ما هتفهمه. عفشتهم ناعمة ما شاء الله بس طبعا وزنهم بره الكلام اللى بنتكلم فيه ده كله.
بالنسبة لل SX4 , هى أصلا Sport Car ... يعنى عربية المفترض إنها تمشى أكتر فى طرق وعرة و غير ممهدة , و طبعا مينفعش تعملى عفشة ناعمة لطرق زى كده و إلا كل شوية هتضطر و إنت فى الصيانة تربط العفشة (ده إن لم يكن تكشف عليها من حين لأخر كمان).
النقطة بقى إنى أنا بعتبر إن شوارعنا هنا فى مصر محتاجة لمثل هذا النوع من العربيات مع مراعاة إن مش هينفع الجرى فى الشوارع اللى زى كده.
فعشان أنا جربتها فى شوارع كويسة و شوارع مكسرة شوية, حسيت كإنى بتهز شوية جوه العربية فى الطرق المكسرة (بس عشان انا كنت بجرى شوية الصراحة). و عشان كده قلت إن عفشتها ناشفة سنة بس مش لدرجة إنى نازل ضهرى متفشفش.
كلمة أخيرة و مش جديدة على معظم الناس هنا, عمرك ما هتلاقى عربية واحدة خصوصا أو أى حاجة عموما الناس مجتمعة عليها, فعشان كده المعيار الوحيد فى الإختيار هو إنت و مش حد تانى و كل ده لا يمنع إنى شايف (من وجهة نظرى المتواضعة) إن العربية كويسة جدا بالنسبة لواحد بيفكر بطريقتك (اللى هى غالبا شبه طريقة تفكيرى لحد كبير) و متتعبش نفسك بقى إن دى أنعم من دى أو دى أحسن من دى لإنك إنت عارف إن فيه عربيات كتيـــر أحسن منها ... بس وعد منى, إنت أول ما بإذن المولى هتركب عربيتك , هتحس إنها أحسن عربية فى الدنيا و هو ده المطلوب بالضبط - لا أكتر و لا أقل.
يا رب يباركلك فيها و يديك خيرها و يكفيك شرها و تكون مصدر خير و رزق ليك.
بالنسبة لمحمد مكاوى, هو مشغول اليومين دول بس أنا هحاول إنى أكلمه أقوله يدخل المنتدى يقول رأيه فى الكلام ده كله.
لو فيه حاجة غلط فى الكلام , أتمنى حد يصححلى.
شكرا على القراءة و أسف على الإطالة.
أحمد السعيد
رقم العضوية : 805
تاريخ التسجيل : 28May2007
المشاركات : 1,608
النوع : ذكر
الاقامة : Cairo
السيارة: Daihatsu Charmant 83 , Kia Rio 2011
السيارة[2]: Suzuki SX4 sedan 2009
دراجة بخارية: لا يوجد
الحالة :
سبحان الله وبحمده ... سبحان الله العظيم
تحياتي ,,,
أحمد مجدي
رقم العضوية : 38824
تاريخ التسجيل : 24Apr2009
المشاركات : 200
النوع : ذكر
الاقامة : Mohandessen
السيارة: None
السيارة[2]: Proton Waja 2009
الحالة :
و الله يا دكتور أنا شبه مستقر نفسيا على ال sx4 بس أنا دلوقتى فى موال الحجز و تجميع المقدم و كده ... وكمان عايز أعرف العرض هيخلص إمتى , الأستاذ بتاع التوكيل ببعتله مش عايز يرد عليا ... بعت هنا و على الخاص بس باين عليه مش بيقرا الرسايل
لو حد يا جماعة ممكن يعرفلى العرض هيخلص إمتى أو أى معلومات , يا ريت يبلغنى.
شكرا
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
شكرا للتقييم الجميل
رقم العضوية : 511
تاريخ التسجيل : 07May2007
المشاركات : 2,481
النوع : ذكر
الاقامة : Alexnadria
السيارة: Verna
السيارة[2]: Saba Saipa
دراجة بخارية: No
الحالة :
شكرا علي التجربه
مهندس أحمد سمير
المفضلات