إقفش !! سبب ضعف عزل الروائح في السيريون

**MoToRiZeR** · 24-09-2009 03:27 PM

كنت إشتكيت انا و بعض من الأعضاء إن عزل الروائح في السيريون مش قد كدة
و ساعات الروائح الخارجية بتخش مقصورة القيادة

إنهاردة غسلت العربية في بنزينة شل الشيخ زايد و المكان اللي فيه البنزينة نضيف جداَ و ذو هواء نقي يعني مفيش أي رائحة تطغو في المكان مجرد هواء نقي، لذلك أي رائحة بتظهر بسرعة .

المهم انا متعود بعد ما أغسل العربية و أوضبها من جوة أعلق معطر جديد .. و المحطة دي فيها مكدونالدز .. فا علقت المعطر و قلت أضرب وجبة خفيفة كدة قبل ما أمشي .. دخلت و كلت .. و انا خارج فوجئت بحاجة غريبة جداَ .. إني شامم المعطر من برة العربية !!

قعدت أدور يمكن انا رميت الورقة برة .. أو نسيت شباك مفتوح .. كله مقفول .. فضلت أدور علي مكان تسرب الريحة و لقيتها جاية من هنا ..

البربريز البلاستيك ده ضعيف جداَ و بيفارق عن حز الزجاج و بالتالي الريحة بتتسرب من الزجاج من تحت و تدخل العربية .. و أحياناَ البربريز ده بيسقط لتحت و يبقي الفرق كبير جداَ .. و انا دي حصلت معايا قبل كدة و طلبت من التوكيل يعدله و عدلوه بس بيقع تاني و انا بعدله .. و لاحظت موضوع الفرق ده في عربيات سيريون كتير اما بشوفها راكنة لأن عامة البلاستيك ده ضعيف جداَ و تثبيته مش كويس .

أقترح إننا نعمل تعديل في المنطقة دي و نضيف جلدة بين الزجاج و البربريز بس انا معرفش تتعمل إزاي و فين .. بس أكيد عزل الروائح هيتحسن أكتر أو هيبقي العزل 100% لأن ده المكان الوحيد اللي بيسرب ريحة .

**medo_sirion** · 24-09-2009 03:51 PM

ياااااااااااااااااااه وانا بقول المنتدى مالة مش مظبوط لية
اتارى ريحة مكدونالدز قالبة الدنيا

اكتشاف رائع من شخص رائع مثلك

**bmya** · 24-09-2009 03:57 PM

بس يا محمود انا عندي ولله الحمد يعني بطون ماشي مشغل التكييف وبدخل في تراب او احيانا بيكون دخان ناس مولعين زباله وكده يعني ومش بحس ان الدخان داخلي مش عارف بقه بس انا فعلا لاحظت ان المنطقه دي شكلهاكده فيه حاجه غلط مش عارف ليه هجرب واشوف كده

**medo_sirion** · 24-09-2009 05:01 PM

المشاركة الأصلية كتبت بواسطة bmya

بس يا محمود انا عندي ولله الحمد يعني بطون ماشي مشغل التكييف وبدخل في تراب او احيانا بيكون دخان ناس مولعين زباله وكده يعني ومش بحس ان الدخان داخلي مش عارف بقه بس انا فعلا لاحظت ان المنطقه دي شكلهاكده فيه حاجه غلط مش عارف ليه هجرب واشوف كده

لالالالالالالالالا
جرب افتح المروحة بس من غير التكيف
وانت هتشم ريحة الياسمين والمسك وعنبر:pointi~2[2]:

**bmya** · 24-09-2009 08:05 PM

مروحه بس ليه
وانا ايه اللي يخليني افتح مروحه بس
المهم وانا مشغل التكييف وقافل الزجاج

**medo_sirion** · 25-09-2009 09:35 AM

موضوع دخول الروائح من الفيبرة اللي امام الزجاج الأمامي
الفيبرة دي تحتها متقفل صاج عن الكابينة بتاعت العربيه
يعني لو شلتها خالص مش هدخل برضه حاجه للكابينة
هيا عبارة عن شكل لما تحتها فقط
وتحتها في فتحة لمكان فلتر التكييف اللي مش موجود وبعد كده تدخل على الكابينة

بردة دة منقول للافادة مش اكتر

**medo_sirion** · 25-09-2009 11:20 AM

المشاركة الأصلية كتبت بواسطة motorizer

انا قصدي مش الفبرة نفسها
انا قصدي إن الفبرة دي المفروض بتقفل مع الزجاج الأمامي
بس هي بتتحرك مع الوقت و تنزل لتحت و القفلة مبتبقاش مزبوطة

فا الروائح بتخش من الزجاج الأمامي نفسه ! لأن فيه حتة فاضية بسيطة جداَ المفروض بتسدها الفبرة .. و إلا إيه تفسير إني كنت شامم المعطر طالع من الحتة دي ؟

طب ممكن يكون طالع من مكان الفلتر اللى مش موجود

-

-

-

الموضوع: إقفش !! سبب ضعف عزل الروائح في السيريون

LinkBack

أدوات الموضوع

عرض

إقفش !! سبب ضعف عزل الروائح في السيريون - انشر الموضوع فى :

-

-

المواضيع المتشابهه

التكيف بيدخل الروائح الكريهة بطريقة مش طبيعية

::: كيف اتخلص من الروائح الكريهة فى التلاجة ؟؟؟ :::

يا ملاك السيريون و خبراء السيريون

إقفش الرادار أهو بالصور !!!!

عن السيريون

الكلمات الدلالية لهذا الموضوع

المفضلات

المفضلات

ضوابط المشاركة