الموضوع: رابطة مالكي السويفت

السلام عليكم
اتمني ان تفيدوني بنصائحكم عن الافضلية بي ماروتي 2008 و سويفت مو 94 او مو95 و ذلك من ناحية عمر الموتور و اقتصاديته و قلة اعطال السيارة خاصة اني ياحتاج للسفر بها مرة شهريا من القاهرة لاسكندرية او لبورسعيد مع الوضع في الاعتبار اني لن استطيع دفع اي مصاريف غير البنزين و الزيت لعدة اشهر قادمة هههه

السلام عليكم ورحمة الله وبركاته
حاجة جميلة جداااااااا ان يكون فى رابطة عن السوزوكى او عن اى نوع عربية
لانها بتفيد ناس كتير جداااااااا قبل ما يتدبسو ويشترو عربيه

المهم

انا بفكر اشترى عربية
ولانه بصراحة مفيش معايا غير 30 الف بس ففكرت فى السوزوكى لانى بحب شكلها وتقريبا هى اكتر نوع قريب من الشكل الجديد وشبابى وكده يعنى وبالسعر ده
بس انا عاوز عربية تكون فى حدود 25 الف وال5 الاف الباقيين هسيبهم عشان اظبط بيهم العربية .. يعنى عاوز اركب جنوط وباقيت الاكسسوارات بقا

السؤال بقا هل السعر ده الى هو 25 الف يجيبولى عربية سوزوكى سويفت كويسة
للعلم اننا عايزها موديل 93 لانى سمعت انه افضل موديل ولو الموديل ده مش كويس انهى افضل موديل وعايزها مكيفة وفبريكا جوا وبره يعنى عايزها تكون تمام
وعايز لو ظبط فيها حاجة تبقى تظبيطات عادية يعنى اخلى الزجاج كهربا اركب لمبات زنون اركب فرش اركب كاميرا خلفية اركب حساسات خلفى يعنى تكون تظبيطات بعيد عن اسا سيات العربية
فهل المبغ ده يجيبلى العربية الى انا عايزها
يا ريت اهل الخبرة يفيدونى
منتظر ردود الاخوة الافاضل والدكتور مصطفى

المشاركة الأصلية كتبت بواسطة abo sandy

السلام عليكم ورحمة الله وبركاته
حاجة جميلة جداااااااا ان يكون فى رابطة عن السوزوكى او عن اى نوع عربية
لانها بتفيد ناس كتير جداااااااا قبل ما يتدبسو ويشترو عربيه

المهم

انا بفكر اشترى عربية
ولانه بصراحة مفيش معايا غير 30 الف بس ففكرت فى السوزوكى لانى بحب شكلها وتقريبا هى اكتر نوع قريب من الشكل الجديد وشبابى وكده يعنى وبالسعر ده
بس انا عاوز عربية تكون فى حدود 25 الف وال5 الاف الباقيين هسيبهم عشان اظبط بيهم العربية .. يعنى عاوز اركب جنوط وباقيت الاكسسوارات بقا

السؤال بقا هل السعر ده الى هو 25 الف يجيبولى عربية سوزوكى سويفت كويسة
للعلم اننا عايزها موديل 93 لانى سمعت انه افضل موديل ولو الموديل ده مش كويس انهى افضل موديل وعايزها مكيفة وفبريكا جوا وبره يعنى عايزها تكون تمام
وعايز لو ظبط فيها حاجة تبقى تظبيطات عادية يعنى اخلى الزجاج كهربا اركب لمبات زنون اركب فرش اركب كاميرا خلفية اركب حساسات خلفى يعنى تكون تظبيطات بعيد عن اسا سيات العربية
فهل المبغ ده يجيبلى العربية الى انا عايزها
يا ريت اهل الخبرة يفيدونى
منتظر ردود الاخوة الافاضل والدكتور مصطفى

هى السويفت موديل 93 ده اليابانى تكيف فابريكة صاج تقيل شوية و متعالج ضد البارومة على عكس المصرى اللى بعد 94 صاج عادى هى لو نضيفة هتبتدى من 28 لو لسة خارجة من المصنع ومارشتش بره قبل كده تعمل 31 الف بالكتير

المشاركة الأصلية كتبت بواسطة ahmedalaahosny

هى السويفت موديل 93 ده اليابانى تكيف فابريكة صاج تقيل شوية و متعالج ضد البارومة على عكس المصرى اللى بعد 94 صاج عادى هى لو نضيفة هتبتدى من 28 لو لسة خارجة من المصنع ومارشتش بره قبل كده تعمل 31 الف بالكتير

شكرا ياباشا على الرد والتوضيح
يعنى افهم من كلامك ان موديل 93 يعتبر افضل موديلات السويفت ؟؟؟؟؟؟؟

المشاركة الأصلية كتبت بواسطة abo sandy

شكرا ياباشا على الرد والتوضيح
يعنى افهم من كلامك ان موديل 93 يعتبر افضل موديلات السويفت ؟؟؟؟؟؟؟

اه هى اليابانى بعد كده تقفيل مصرى وفى 94 يابانى بس نادرة شوية مش زى ال 93

السلام عليكم ورحمة الله وبركاته ازيكو يا رجالة السويفت عندي شوية مغامرات من العيد الصغير اللي فات لحد دلوقت
اولها الكاوتش عملها معايا ابن اللذين تاني يوم العيد واتقشر وانا ماشي على الدولي عندنا في اسكندرية وربنا ستر لحد ما هديت وركنت على جنب وكان معايا الجماعة وكمان واحد صاحبي ومراتو المهم طلعت الاستبن كان نايم وكان معايا اتنين صحابي واحد معاه فيرنا وواحد معاه لانوس ان الاستبن بتاع ده او ده يركب عندي ابدا المهم مشيت على الاستبن وهوا نايم لحد اقرب بنزينة وطبعا نزلت الناس اللي كانو معايا وزعتهم على باقي العربيات وفضلت ماشي هادي كدة لحد ما وصلنا تاني يوم رحت اشتريت فردتين كاوتش جداد لاقيت عند الراجل نوع صيني كدة ب 245 جنيه قالي دول كويسين دا حتى فيه تاكسي واخد منهم 4 قرد وكنت انا شامع من خالي انهم كويسين بردو فخدنهم على البركة
ومن 3 اسابيع كدة كنت نازل الشغل الصبح في امان الله والسكة كانت على غير العادة زي الحلاوة المهم وصلت شغلي وركنت ركنة لوز بردو على غير العادة وتمام وبطلت العربية بايدي ومكانش فيه اي مشاكل المهم بالليل نالزل مروح ادور مابتدورش يمين شمال مافيش طب زقة يا اخوانا ولا الهوا قمت راكنها جنب الشغل وقولت بكرة اشوف ايه النظام المهم تاني يوم خدت البطارية تتشحن قولت يمكن منها ولا الهوا بردو نفس الصوت جبت الميكانيكي ايه ياعم قاللي دا جوان وش السلندر وكانت الصاعقة ايه طب ليه ايه اللي حصل دي كانت زي الفل لا رد .. المهم خدتها عند الميكانيكي وكانت التكلفة كالاتي
20 جنيه جوان
65 جنيه سير تقسيمة الماني
25 جنيه فلتر زيت ياباني
مصنعية تغيير جوان 100 جنيه
الراجل لقي ان فيه مسمارين من اللي ماسكين النص اللي فوق بتاع الماتور والنص اللي تحت مدقوق عليهم وباظين وبوظو السن كمان رحت جبت الخراط لسع 100 جنيه وحطلي سوستة عشان المسمار يمسك فيها بدل السن
والحمد لله اتعمل
يوم الجمعة بقى اللي بقى يوم المظاهرات العالمي كل مرة كانو بتوع الاخوان بيعدو من تحت بيتنا زي الفل مفيش اي مشاكل المهم الجمعة بقةى اللي قبل اللي فاتت مش عارف ايه اللي حصل كان فيه معارك وحدف طوب وخرطوش وحاجة استغفر الله العظيم وطبعا العربية ما سلمتش من طوبة او حد طلع عليها الله اعلم المهم البربريزاللي قدام الله يرحمة حاجة لا كانت على البال ولا على الخاطر رحت عشان اركب واحد تاني كام يا عم الطبقة الواحدة عاملة 250 جنيه رحت لواحد تاني الطبقتين عاملة 330 جنيه طب يا عم ركب
من يومين الازاز اللي جنبي مش عايز لا ينزل ولا يطلع كهربا هوا المهم سايستة لحد ما بقي بيطلع وينزل بتا 15 سم كدة
امبارح قمت فاكك الفرش بتاع الباب بنفسي وشوفت ايه المشكة لاقيت الماتور بتاع السنتر بيغتت عليه قمت فاكك الماتور من مكنه ولاغيته لحد ما ابقى اشوف قصته ايه وهوا كان بيشتغل اساسا على مزاجة شوية يفتح الباب مع المفتاح وشوية لا فلغيتو لحد ما افوقلو
ودي كانت اخر مغامراتي مع العربية