صبر جميل... انا هاعمل شغل الفترة اللي جاية وهاصور لك الظبطة كمان
عرض للطباعة
مبروكين عليك... بخصوص الرجرجة في الطلوع هل هي بتيجي وانت مثلا مدي التاني ويا دوب لامس دواسة البنزين؟؟؟ اصل الحركة دي عندي وشبه لقيت لها حل... وحل اهبل كمان
بخصوص الكبالن... هم كاملين من جوه لبره؟؟ وهل ممكن اجيب يمين بس وللا لازم جوز ومن عند مين فالمنصورة
مساء الخير ممكن تقول على الحل البسيط الى انته لقيته للرجرجه فى اول الغيار التانى علشان دى موجوده عندى برده
مع خالص الشكر
مساء الخير يا شباب السويفت
انا انهرده نظفت ثلاجة التكيف والحمد لله التكيف بقى تبريده ممتاز
والطريقة ببساطه هتلاقى تحت درج التابلوه علبة مقسومه نصين ليها فى حدود 5 كلبسات هتفكهم و صامولة من تحت فى صدر العربية هتلاقى ثلاجة التكيف وهتلاقيها عدمانة تراب وفطريات اذ كنت اديلك فترة منظفتهاش . قم بتنظيفها من الناحية اليمين (ناحية المروحه) بفرشة اسنان ومياه وبعد كده بكمبروسر هوا وقفل العلبة مع مراعاة مطابقة العلبتين على بعض ستجد فرق شاسع فى كفائة المكيف متنساش التأكد من غلق مجرى الهواء الساخن حتى لو كان ملغى لأنة بيضعف الهواء
صيف سعيد
متنسوش الرد على توصيلات خراطيم الفاكيوم الخاصة بالكربراتير
بص يا درش بالنسبة للكبالن على ما اعتقد اﻷستيراد بالجوز علشان مش هيرضى يبيع فردة واحدة
انا جبتهم من عند واحد اسمة مروان فى الحسنية بجوار مدرسة الحسنية . بس هى المشكلة مش من عند مين المشكلة انك تلاقى جوز كويسين مش فيهم نسبة بوش عالية.
بس ممكن ادلك على واحد اسمة كدش او عماد بجوارة عى طول. اسأل على هادى الفلاح وهناك اسأل على بتوع السوزوكى بس لما تيجى تشترى لو حد سألك مين اﻷى هيركبهم لك بقلة هشام بتاع مساكن المينا علشان هما عارفين لو طلع حاجة مش تمام هترجعلة تانى.
بالنسبة للرجرجة هى تعتبر فى الشكمان بردو ﻷن للى الشكمان مش هيمتص هزهزة المكنة كلها بس انا هجرب واثبت ااشكمان بكمان افيز فى النصف. ولو عندك فكرة تانية قولى عليها علشان نستفيد
انا عايز اخد رأيكم فى حاجة بردو علشان انا محتار انى اركب تكيف لعربيتى ﻷنها مصرى مش يبانى ولا اكمل على فلوس التكيف خصوصا انها هتتكلف فى حدود 3000 جنية واغير العربية ممكن استنى واشوف حاجة فى حدود 40000 .
ﻷمعلومة انا سألت الكهرباءي قالى ان تركيب التكيف فى السويفت مش بيبقى كويس مش زى ماتكون العربية نزلة بتكيف.
ومعلش لو الكتابة فيها بعض اﻷخطاء علشان بكتب من الموبيل
رأى الشخصى
بلاش قصة التركيب دى وهات حاجة تكون نازلة بتكيف البلد بتاعها
لأنى كان معايا سويفت قبل الحالية متركبلها تكيف وكان اداءه سئ عن الحالية 93 بتكيف البلد
و ربما يكون التركيب غير مضبوط
ربنا يوفقك
اية ياشباب
حد يفيدنى بالنسبة لتوصيل خراطيم الفاكيوم الخاصه بالكربراتير
يسعدنى و يشرفنى ان انضم للرابطة بسيارتى السويفت موديل 93 زيتى
مساء الخير ياشباب السويفت
واقدم خالص الشكر ل د/ مصطفى
ارجو سرعة الرد الخاص( بتوصيل خراطيم الفاكيوم فى كربراتير سويفت 1993 )
علشان الميكانيكى مصمم ان الكربراتير عاوز صيانه وانا اشك فى كلامه
وما هو سبب وجود صماد او كربون على ثلاث بوجيهات وعدم حدوث ذالك فى البوجيه رقم 2 ؟؟؟؟؟؟؟؟؟؟
اعتزر على الأطاله