اقتباس:
المشاركة الأصلية كتبت بواسطة sewefy
يا باشا شكرا على اهتمامك بس اقولك على الحاجات اللى لاحظتها الاول الميه فى القربه زى ما هيه مش بتنقص والميه بتنقص بعد كل مشوار حوالى ربع لتر والتانى والعربيه وهيه واقفه الميه مش بتنقص
واما بدور العربيه بتاخد واقت لغايته المروحه لما بتشتغل حوال عشر دقايق وهيه واقفه فى مكانها والعداد بيبقى قبل النص
والحاجه التالته لما بمشى فى الحر وانا مسافر على الطريق العربيه بتسخن والميه بتتبخر على الاخر والعداد بيعلى على الاخر فمش عارف ايه العمل
أول هام لازم الرادياتير يتسلك كويس جدا
تاني هام مادامت العملية كده شيل ترموستات الكوعة عشان احتمال كبير جدا انه يكون مصدي وقافش فده خانق دورة الميه
تالت هام انك لازم كل اسبوع تشيك ان الزعانف بتاع الردياتير معدولة ومفيهاش حاجة متنية واذا كان بمفك التيست بتاع الكهربا وتعدلها بالراحة جدا....و تغسل وش الردياتير بخرطوم ميه عشان الزعانف بتتسد بسهولة شديدة من اقل حاجة او شوية تراب وخصوصا انه للأسف الردياتير 2 ماسورة فله سمك عن الردياتير الماسورة الواحدة وده بيصعب التبريد شوية وبيخلي كل حاجة تلزق...طبعا الناس هتقول ازاي تقول الكلام ده هاقول لكم ان دي الحقيقة...وعشان نقارن بين واحد ماسورة واحدة وواحد 2 ماسورة يبقى لازم الاتنين لهم مساحة السطح المواجة للهوا واحدة وفي الحالة دي الاتنين ماسورة هيتفوق على الماسورة الواحدة...ومش عارف ليه دايما باشوف ردياتير التويوتا التسعينات ماسورة واحدة وعريض جدا في مواجهة الهوا وبيخلي الحرارة تنزل خالص لو الترموستات متشالة
رابع هام لازم تلتزم وبشده بإنك متتجاوزش العلامة بتاعة full من على القربة عشان العلامة دي مش محطوطة اعتباطا...ولو زودت عنها هتلاقي مع اول كبسة بنزين العربية راحت ناطرة الميه الزيادة وبعد كده يقعد الخرطوم بتاع الفايظ يسرسب ميه بنفس الميكانيزم اللي بنستعملها اما بنيجي نسحب بنزين من التانك
خامس هام...سؤال هام وملح جدا...هل الكلام ده مرتبط بالتكييف وللا في الظروف العادية؟؟
سادس هام...انت تقريبا عربيتك اوتوماتيك...فهل انت بصيت على خراطيم دورة المياة اللي رايحة للفتيس والكربيراتير؟؟