الموضوع: رابطة مالكي السويفت

المشاركة الأصلية كتبت بواسطة mansour77

السلام عليكم
انا بصراحه نفسى ادى جايزة للزميل exact
على مجهوده الرائع
كنت رفعتلكم مره فديو عن صوت الجير بوكس بتاعى
و قولتلولى ازود زيت فتيس وحصل
الصوت راح 3 4 ايام كده ورجع تانى و رجع الفتيس يخشن تانى
شوفت العربيه من تحت لقيت الجير بوكس و الاسكترا مرشحين زيت اعمل ايه؟؟؟ اصلحهم و لا اصبر
ثانيا وانا بركن خبطت الجاكمان جامد راح داخل لجوة و بعدها بقى بيعمل صوت زى الموتوسيكل و ال ار بى ام بقى بيعلى جامد جدا
وانا واقف كان بيبقى 800 دلوقتى 3500 !!!!!!!!!!!!
رحت لبتاع جكمانات وورانى العربيه من تحت لقيت كذا شق ف الجاكمان و فى حتت فيه متاكله قالى انه لازم كله يتغير ماعدا العلبه اللى ورا
قالى الجكمان بالجلبتين و التركيب ب 225 وصلت معاه ل 190 و ظبطت الصنايعى ب 10 جنيه
انا كده اتضحك عليا ولا ايه لو اتضحك عليا نروح كلنا نظبطله الورشه ههههههههههههه

الجيربوكس شوفة بيجيب زيت منين واعمله هتلافى الترشيح ده فضى الزيت اللى فيه تانى فصوته اخشن تانى وادام اتظبط لما حتطله زيت يبقى المشكله كانت مشكلت زيت ويبقى هوة كده سليم فتلحقه على وضعه كده بدل ما يتكسر منك ولو لسه فيه خشونه خفيفه بعد متظبط الزيت خلى الميكانيكى يحطله شويت شحم مع الزيت هتظبط الصوت معاك على الاخر اما موضوع ال ار بى ام ده مش عارفله سبب بصراحه ايه اللى حصل لما الشكمان اتخبط دى انا مش فاهمها او بمعنى ادق مش لقيلها تفسير عموما جرب كده مسمار الايدل ممكن يحللك المشكله
اما موضوع ان الاسكتراااا فمعتقدش ان هيا اللى بتجيب زيت لو العربيه عندك بور ممكن انما لو مش بور يبقى فيه حاجه تانيه هيا اللى بتجيب زيت على الاسكترااا الاسكترااا بيبقى فيها شحم مش زيت وابقى شوف الكوتش بتاع الاسكترااا سليم ولا لالالا لو مش سليم غيره عشان ميبوظهاش

المشاركة الأصلية كتبت بواسطة exact

أختلف معاك في موضوع شحم عالزبت...هو ممكن يجيب زيت لزوجته عاليه...140 مثلا
وبرضة مختلف في مسمار الايدل ده.......لانه صعب انه يعلى لل 3500...فيه حاجات تانية

سؤال مهم موووووووووت...هل العربية مكيفة؟؟ ولو بيشغل التكييف الار بي ام بيوصل كام؟؟ لأني تقريبا عرفت السبب وفي انتظار الرد

شكرا لاهتمامكم يا جماعه و الله
هو انا عندى تكييف بس مش بشغله "اسكندريه بقى"
امبارح لقيت الار بى ام وطى الحمد لله بس يعتبر عالى بالنسبالى وصل 1500 بس وانا ماشى طبيعى جدا و لو بطلت العربيه فى وسط المشوار و دورت تانى بيبقى 800 اللى هو الطبيعى بتاعى
,انا مش مخوفنى ده انا موضوع الجير بوكس هو اللى مضايقنى بيسرب زيت و خايف يعمل مشكله

يا باشا كل الف سنه وانته طيب متزعلش انا بهزر معاك يادكتور والاخ منصور شكله مرزق الموضوع بتاعه محدش رد عليه بقاله كذااا يوم ومره واحده انا وانته ردينا فى نفس الوقت ههههههههههههههههههههههههه ههههههههههههههههههههههههه ههههههههههههههههههههههه
انا بردو غيرت من شيل ل موبيل ون وغيرت ال80 وبقيت بحط 90 ولما بسافر بحط 92 و الحمد لله العربيه تمام
انا مسافر مصر بكره وراجع يوم الجمعه حد من المحلاويه عايز حاجه من قاهرت المعز لدين الله الفاطمى
صحيح انا اول ما جبت العربيه الفتيس مكنش فيه ولا نقطت زيت وكان خشن غيرت 2 اويل سيل اللى عند الكرونه بتاع الفتيس وظبط الزيت بقى تمام وحتيط مع الزيت شويت شحم بقى تمام اهوه بقاله 4 شهور خد بالك لو فعلا الاويل سيل اللى بايظ هاته الاصلى اليابانى عشان التيوانى تعبان خالص وهيضرب علطول وهتغرم مصنعيه تانى وزيت تانى ووجع دماغ

بانسبه لشحم على الزيت انا جربت حطيت زيت لزوجته 180 او حاجه زى كده مش فاكر كان فيه نحره فى الكرونه على الاول لما برفع رجلى مره واحده من على دواست البنزين فملقتش حل للنحره غير كده وبعدين فى ناس بتحط نشارت خشب عشان تمنع الونه وناس تنيه بتحط رده من بتاعت العيش لما بتكون جايه تبيع العربيه وعايزه اللى يشتريها ميسمعش موضوع الونه فبتخفيه بالطريقه دى فا موضوع الشحم احسنهم وانضفهم
اما بالنسبه لموضوع مسمار الايدل طبعا عندك حق فية انا اساسا لما فكرت كويس اختلفت مع نفسى انا راجعت نفسى فعلا ايه اللى هيلف مسمار الايدل لقيت ان انا كنت بهزر
وفعلا الدراعات بتاعت الكربيراتير كانت بتعمل عندى كده فى المازدااا كنت بشحمها كل فتره
لو مكيفه ممكن تكون الكنترول ينت اللى واصل فيها خراطيم الفاكيوم مبتفصلش انا مش عارف هما بيسموها هنا ايه عشان الحوار ده حصل عندى

فعلا ال 92 العربيات القديمه بتشفطه بشفاطه مش بيستحمل والميكانيكى قلى ابقى حط على التفويله ال80 10لتر 90 لما قلتله العربيه بتكركر والتكييف شغال بس انا ريحت دماغى وبقيت بحط 90 بس اما بالنسبه لموضوع الاتنين وتسعين فا انا بحب احطه وانا مسافر بحس ان العربيه هبله وبتجرى ومرتاحه

فكره حلوه هوه ده الشغل تمام كل واحد يقول هوه ناقصه ايه وتعرف هتضبط اذى ونشتريها