رابطة مالكي السويفت

**dr_timo** · 12-01-2010 12:24 PM

المشاركة الأصلية كتبت بواسطة kareemhamed

السلام عليكم

يؤسفنى انى ابلغكم انى بعت عربيتى السويفت الاسبوع اللى فات
دى كانت تانى سويفت أجيبها...ان شاء الله هحاول أغير بأه المره دى
هى عربية جميلة بصراحة وأنا مفتقدها جدا بس كانت محتاجة أغير فيها شويت حاجات وأنا مكنتش فاضى فقلت أغير بأه.
ربنا يوفق الجميع لما فيه الخير

ياريت حضرتك تقولنا بعتها بكام وكانت موديل اية وكاملة ولا لا

**kar!m** · 12-01-2010 01:11 PM

السلام عليكم

هى كانت موديل 1997 فابريكة دواخل بالكامل بس فى خبطة فى الكورنر الشمال ورا و معموله على البارد + السقف من الحارج فابريكة
اللون: رصاصى ميتالك
الكماليات: تكييف (مش أصلى) + سنترلوك
حالة الموتور : ممتازة (متلعبش فيه) حالة العفشة: جيدة جدا حالة الفرش: الأصلى ممتاز
محتاجة: كمبروسر تكييف + رش السقف (باهت من الشمس) + رش ديول الرفارف عشان كان فيها بارومة و كمت لسه عاملها
سعر البيع: 30500

كده كويس ولا ايه؟

**freshprince60** · 14-02-2010 03:18 PM

محتاج مساعدتكم ضرورى جدا
انا لسة شارى عربية سويفت 96 من اسبوع وامبارح وانا بجربها علىالطريق وكنت عاوز اشوف سحبها لاقيت ان الماكنة صوتها عالى جدا وبتزعق جامد وباسمع كمان صون نحر جدا او صوت عالى مكتوم زى مايكون مركب شوكمان ديفيل العربية كانت بتسحب معايا بص صوتها العالى كان قارفنى جدا
وهل طبيعى انة لازم اكبس على دواسة البنزين جامد على شان العربية تسحب اكتر والا المفروض انى طالما دايس انها تجمع لوحدها ارجو الافادة ...........شكرا

**samomodrek** · 14-02-2010 11:43 PM

وانا انضم ليكم
معايا سويفت 97

**mrpress** · 15-02-2010 02:33 AM

يا شباب ارجو الافادة
بسمع صوت صفارة وانا سايق علي الطريق زي ما يكون في عصافير تحت العربية كمان ظهرت لي باروما في جنب الشنطة من ورا وفي السقف ايه الحل وهل دا هيأثر جامد علي سعرها لو فكرت ابيع

**kar!m** · 15-02-2010 08:47 AM

المشاركة الأصلية كتبت بواسطة mrpress

يا شباب ارجو الافادة
بسمع صوت صفارة وانا سايق علي الطريق زي ما يكون في عصافير تحت العربية كمان ظهرت لي باروما في جنب الشنطة من ورا وفي السقف ايه الحل وهل دا هيأثر جامد علي سعرها لو فكرت ابيع

بالنسبة للصفارة دى ممكن تكون تيل فرامل .. روح لأى حد بتاع عفشة و هو هيقولك ان كان عاوز يتنضف ولا يتغير .. أو ممكن يكون التيل أصلا نوعه وحش.

البارومة من المشاكل المعروفة فى السويفت .. خصوصا فى السقف .. لو ناوى تخلى العربية معاك اعملهم .. لو هتبيع بيعها كدة و متوجعش دماغك فى سمكرة و دوكو و أكيد هينزل من تمن العربية طبعا.

**طائر الليل** · 18-02-2010 03:07 AM

أحب أنضم لكم بالسويفت مو95 بعد عودتى لها منذ بعتها من خمس سنوات

**semsem_inside** · 18-02-2010 10:46 AM

السلام عليكم
يا جماعة ايه مميزات وعيوب السوزوكى سويفت من وجهة نظركم
ويا ترى العربية دى كربراتير ولا انجيكشن
انا بتكلم بالتحديد على موديل 1995
وشكرا

**astro5051** · 19-02-2010 10:53 PM

انا انضم للرابطه ب سويفت 96
كنت عايز اسال على الجنوط هل فعلا بتثبت العربيه ولا شكل وخلاص وايه المقاس اللى ينفع معاها ؟؟؟

**astro5051** · 19-02-2010 10:59 PM

المشاركة الأصلية كتبت بواسطة semsem_inside

السلام عليكم
يا جماعة ايه مميزات وعيوب السوزوكى سويفت من وجهة نظركم
ويا ترى العربية دى كربراتير ولا انجيكشن
انا بتكلم بالتحديد على موديل 1995
وشكرا

العربيه كربراتير
المزايا
عربيه سريعه وصغيره وشكلها شبابى
عرض العربيه قليل وده بيخليك تدخل دخلات عربيات كتير ما تعرفش تدخلها
اقتصاديه جدا فى البنزين
عيوبها سهله واى حد بيفهم فيها
قطع غيارها رخيصه

العيوب
العربيه ضعيفه شويه بس دى بتظهر لما يكون اكتر من اتنين فى العربيه
التكييف مش حلو وبيضعف العربيه
خفيفه على الطريق خصوصا بعد ال 100 كم
بس