الموضوع: رابطة مالكي السويفت

المشاركة الأصلية كتبت بواسطة mansour77

اخونا الاعزاء
اليكم اخر اسعار الاسكندريه شارع صلاح الدين
استعمال خارج
اللاكصدام الخلفى ب 450 بدون فصال و ب 550 ب الشاسيه الاسود
الفانوس الخلفى ب 150 جنيه !!!!!!!!!!!!!!!!!!!!!!!!!!!!!!!!
الجديد
فرده فانوس تايوانى ب 65 جنيه بالعراك و الضرب كمان و فى واحد قالى الصينى ب 70 مردتش عليه
و الاكصدام ب 140 تايوانى بس ده انا اتخميت فيه لانى مكنتش لاقى خالص
و فى واحد قالى ب 120 تايوانى و ب 100 تايلاندى!!!!!! بس اجبهملك كمان 4 ايام
انا قلت ابلغكم و صباح الفل

صباح الجمال على اهل اسكندريه والف شكر على الاسعار دى بس شايفها عندكم غاليه شويه

المشاركة الأصلية كتبت بواسطة sewefy

صباح الجمال على اهل اسكندريه والف شكر على الاسعار دى بس شايفها عندكم غاليه شويه

فعلا اسكندريه غاليه شويه ,, ربنا يهونها علينا

شباب السويفت حابب اسالكم فى حاجه كونت سالت عليها قبل كده بس محدش فادنى انا هغير ماتور قريب علشان اللى عندى فى بوجيه بداء يجب زيت ومبرجل العربيه وانا خلاص هغير الماتور فتنصحونى اركب ماتور كام سى سى ولا الماتور اللى فيها 1300 وسالت على 1600 مش موجود ولاا الفتيس الاتوماتيك بتاعه ولو جبت 1300 اجيبه انجكشن ولا كاربراتير واللى عندى كاربراتير تنصحونى بايه علشان فيه ناس قالولى انك لو جبت انجكشن هتغير ضفيره كامله وبجد انا محتار وزهقت

عزيزى sewefy
نصيحة اخويه لو هتغير غير بنفس الماتور بمعنى 1300 يبقى 1300 1000 يبقى 1000 و لو كربراتير يبقى برضو كربراتير و بلاش تخلى الصنايعية المصريين يلعبو فى الضفيرة و لاحظ ان الشاسية و العفشة مصممين للماتور دا 1300 مثلا مش اكبر ولا اصغرو لو مش قادر و غاوى جرى و شد ممكن ماتور 1300 2 كامة بس دا انجكشن و هتطر تغير الضفيرة علشان الكنترول و هتغلب بعد كدا و صيانته زى الكاتينة و البوابة
د/ مصطفى انا لا اعتقد ان ماتور البالينو يركب عندنا دا لو لقيته اصلا ثم ان اللى معاهم بالينو دايخين على قطع غيارها و مش كتير اللى بيفهموا فيها

المشاركة الأصلية كتبت بواسطة exact

يعني الموتور القديم معدش نافع تصليح فيه خالص....عمرة مثلا...ممكن تجيب الجزء السفلي crankcase بالبساتم والكرنك وده لو وش السلندر عندك مش محتاج خرط
رأيي الشخصي لو انت جبت موتور زي اللي فيها هيوفر لك كتير وهيبقى عندك كمان مخزن قطع غيار وممكن تبيعهم بالقطعة هنا حتى عالمنتدى...دينامو اسبيراتير اسلاك بوجيهات عمود صبابات كارتيرة زيت...مش بعيد تلم تمن موتور جديد

هو طبعا 1600 اكيد احسن وهيفرق كتير بس هيزود الضريبة حاجة بسيطة واستهلاك البنزين

الانجيكشان اكيد هتركب له حاجات كتير...بس كله معاه...هو احنا اساسا الموتور بتاعنا له ضفيره...دول هما سلكتين للموتور نفسه مابين الاسبيراتير والموبينة
مينفعش مثلا تدور على موتور البالينو...بيبقى 1600...

من سنه كده حسيت العربيه بتاكل زيت قولت اعملهل بس طقم شنبر وجوان وش سلندر تخيل الحاجات دى مش كتير الموضوع اتكلف 800 جنيه ؟؟ ليه بقى تانى ادخل فى عمره وقرف الصنياعيه قولت اجيب ماتور كامل وانا بسال علشان اعرف التكلفه لو حد كان ركب الماتور الاكبر وامبارح عرفت ان فى واحد عنده الماتور ده بفتيس اتوماتيك فهروح واقولكم الاخبار ايه والسعر ايه وانته يا دكتور كلامك صح لو جبت ماتور ذى اللى عندى هيبقى عندى قطع غيار كتير بس ارجع واقول ايه هيه الحاجات اللى هتتغير لو ركبت الانجكشن وايه اللى هيجى مع الماتور

[QUOTE=estemalek;3873832329]عزيزى sewefy
نصيحة اخويه لو هتغير غير بنفس الماتور بمعنى 1300 يبقى 1300 1000 يبقى 1000 و لو كربراتير يبقى برضو كربراتير و بلاش تخلى الصنايعية المصريين يلعبو فى الضفيرة و لاحظ ان الشاسية و العفشة مصممين للماتور دا 1300 مثلا مش اكبر ولا اصغرو لو مش قادر و غاوى جرى و شد ممكن ماتور 1300 2 كامة بس دا انجكشن و هتطر تغير الضفيرة علشان الكنترول و هتغلب بعد كدا و صيانته زى الكاتينة و البوابة
د/ مصطفى انا لا اعتقد ان ماتور البالينو يركب عندنا دا لو لقيته اصلا ثم ان اللى معاهم بالينو دايخين على قطع غيارها و مش كتير اللى بيفهموا فيها[/QUOTE

كلامك صح يا استاذ estemalek
بس فيه نقطه ممكن اعرفها الماتور 1300 2 كامه يركب على الاتوماتيك اللى راكب عندى وفى حاجه كمان مش فاهمها موضوع صيانته ذى الكاتينه والبوابه مش وصلالى