الموضوع: رابطة مالكي السويفت

المشاركة الأصلية كتبت بواسطة sewefy

عند سوال صغير العربيه لما اجى ادورها الصبح او لما تبرد بلاقيها مش عاوزه تدور وتحس كده من صوت الدواره ان البطاريه نايمه مع ان البطاريه جديده من سنه ولما تكون سخنه تدور بسرعه حد يعرف ده من ايه

انا اعرف العكس... بس ابقى اسند لها سنة بنزين كده وانت بتدور...وشيك عالبوجيهات ممكن تكون قدمت

المشاركة الأصلية كتبت بواسطة sewefy

انهارده روحت سالت على بوجيهات واول مره اعرف انها انواع وكل عربيه ليها انوعها وعرفت كمان موضوع البوجيهات بتكون اليكترونى ولاء عادى علشان انا معنديش معلومات خلاص عن البوجيهات وانا الاول كونت بركب اى بوجيه وخلاص انا جبت دانسو يابانى رقم 21 اليكترونى بس قولت انظف الكرابراتير الاول واركبهم واقولكم ايه اللى تم علشان انا فكيت البوجيهات القديمه لقتها مهببه وعليها زيت قولت انظف الكربراتير وبعدها اركبهم واشوف الفرق ونسيت اقولكم ان الايكترونى بيبقى عليه حرف r والعادى w o او العكس

بوجيهاتنا عاديه خالص...في الدينسو W20 EX-U وفي ال NGK هتلاقيها BP6EY ودول المتوفرين بس مهم جدا اذا كنت انت اللي هتركبهم انك تشتري فيلار وتظبط الفتحة على 0.7 او 0.8 مللي....
كلمة الكتروني وعادي دي بيحددها المصنّع...انا شخصيا مش باركب الكتروني...عشان اسلاك البوجيهات اللي عندي مش نحاس...غريبة شويه
اسلاك البوجيهات فيه منها نوعين...نوع بيبقى نحاس من جوه...ونوع تاني بيسموه فايبر او كربون وهو اسمه non ....llic wire
النحاس طبعا كمعدن عالى التوصيل وملوش اي مقاومة في التوصيل...وغالبا اللي بيستعمل النحاس بيحتاج بوجيهات الكتروني عشان البوجيهات دي فيها مقاومة داخلية...
اللي بيبقى عنده اسلاك فايبر (زي الاستاندارد بتاع السوزوكي) ده بيركب بوجيه عادي من غير مقاومة لأن الاسلاك الفايبر دي لو جيت قستها بالآفو هتلاقي السلك مقاومته حوالي 10 كيلو اوم فالمقاومة في السلك

الالكتروني دي وظيفتها انها تمنع الشوشرة او التشويش في الراديو او كمبيوتر الانجيكشان وبالتالي في الغالب لا يوجد احتياج ليها

المشاركة الأصلية كتبت بواسطة sewefy

ودول المتوفرين بس مهم جدا اذا كنت انت اللي هتركبهم انك تشتري فيلار وتظبط الفتحة على 0.7 او 0.8 مللي....) اجيبه منين الفيلار ده وموضوع 0.7 اذى اضبطه ممكن توضحها

بص يابرنس...هو اسمه Feeler وهم بيسموه Filler ما علينا
زي مانت شايف فالصورة هو عبارة عن شرايح معدنية بسماكات مختلفة من 0.05 مللي الى 1 مللي وبيكون مكتوب على كل شريحة سمكها قد ايه...بيستخدم لضبط الفراغات زي البوجيهات والتاكيهات وثغرة الابلاتين وبعض اجزاء الكربيراتير....سعرة لا يتجاوز 10 جنيهات من اي محل عدد ومفكات



احنا اللي يهمنا الشريحة او الورقه بتاع 0.7 و 0.8 مللي
حضرتك الغرض بتاعك انك تضبظ الثغرة على 0.7 مللي...هتجيب البوجيه وبالراحة من غير عنف تدخل الشريحة في الثغرة بتاع البوجيه زي الصورة كده


لو لقيته بيدخل يادوب يبقى كده كويس...لو لقيته سهل والفتحة واسعة...هتجيب بنسه وتخبط عالسن بتاع البوجية بالراحة خالص وترجع تقيس...المطلوب انه يكون داخل بالظبط

الفكرة ان لو الثغرة وسعت ممكن فولتية الموبينة متولدش شرارة ولو ضاقت يبقى حجم الشرارة صغير مش هيحرق كما يجب...فلازم تكون مظبوطة بلا زيادة او نقص

انصحك اذا هتنضف الكربيراتير...نضفه قبل التغيير ومتنضفش بعده عشان هتلاقي البوجيهات اسودّت ولا كانها بقى لها 10 سنين حتى لو لسه مركبها حالا...مفتاح البوجيهات عندنا مقاس 21

لو فيه حاجة مش واضحة اسال تاني

المشاركة الأصلية كتبت بواسطة sewefy

يا دكتور طول عمرك محترم فى الرد بتاعك وانا فهمتها تمام وركبت البوجيهات الجديده يعنى نوعا ما بقت فى الدواره اسهل شويه بس فى سنة تعتيل فى الدواره بس اخف شويه من قبل كده وتسلم يا باشا على المعلومات اللى بتفدنا بيها

لا شكر على واجب...كلكم اخواتي
بس لاااااااااااااااااازم تسند بنزين فالدوارة
هل انت غيرت المارش او عملت فيه حاجة قريب؟؟؟
أنصحك صنفر القواطيش ونضف الاسلاك وأسلاك الارضي...هتفرق معاك فالدوراة كتير وفي بياض النور بتاع الفوانيس...لأن المارش كان بيقطع مني وكان هيتسبب في اني اغير البطارية وهي سليمة...والسبب كان في ان الاسلاك مجنزرة شوية والسبب التاني السلك اللي من الكونتاك لموبينة المارش كان مصدي من كتر غسل المكنة بالميه