الموضوع: رابطة مالكي السويفت

المشاركة الأصلية كتبت بواسطة ayman_hosamy

أشكرك على المعلومات القيمة دى بس هل ممكن انا اعملها ولا اضبطها فين لانى جديد فى موضوع العربيات ده

هي ممكن انت تعملها
واي حاجة فالعربية ممكن انت تعملها
لا مؤاخذة الصنايعي مع احترامي ليه مش زايد ايد او رجل
ان لم يكن انت كمان تقدر تعرف من النت اللي هو ميعرفوش

بس انت عاوز دماغ رايقة جدا...وحرص شديد جدا...وانت يكون ليك فالميكانيك
انما لو انت خواف يبقى بلاش وجع دماغ عشان زي مانت شايف 15 من ميه من المللي

انا كان عندي برجله فالعربية وكنت فاكرها تاكيهات
حطيتها عند واحد بيزبط العادم بالكمبيوتر طلعت فالطراوة خالص
اما اتظبطت كهربا وبنزين...ممكن توصل ل 300 كيلو فالصفيحة عالسريع

السلام عليكم

بقالى كام يوم أول لما أدور العربية ألاقيها بتترج جامد وتقعد كده حوالى خمس دقائق وبعدين تروح تدريجيا .. أو ممكن تروح على طول لو زودت بنزين مرتين ثلاثة

حد يعرف ايه السبب

المشاركة الأصلية كتبت بواسطة semsem_inside

السلام عليكم

بقالى كام يوم أول لما أدور العربية ألاقيها بتترج جامد وتقعد كده حوالى خمس دقائق وبعدين تروح تدريجيا .. أو ممكن تروح على طول لو زودت بنزين مرتين ثلاثة

حد يعرف ايه السبب

بص يا برنس
مش عارف ليه انا حاسس ان الموضوع اللي عندك ده متعلق بالحرارة
لأن الجو سقع شوية اليومين دول
واول ما العربية بتسخن الامور بتتظبط
سؤال: هل نظام تسخين العربية عندك شغال وللا معطل؟؟
اقتراح: روح لمركز صيانه خليه يظبط سلانسيه العربية وهي سخنه على 750 الى 850 ار بي ام...والكهربا فالسلانسيه من 5 الى 7 درجات وبعد اما يتمم على ده يظبط العادم بتاع العربية
فيه مراكز عندها سوفتوير متخزن عليه قيم اول اكسيد الكربون لكل عربية...فحاول توصل لحد منهم...بس اهم حاجة شكمانك ميكونش منفس...والحكاية دي مفيده جدا جدا...ممكن توصل لك استهلاك البنزين والتكييف قايد عالطوالي الى 340 كيلو فالصفيحة ال80 على سرعة من 90 الى 100
ممكن ادلك على واحد لو عاوز فالمحلة...أنا باروح له في شهر 4 وشهر 10 ولسه عاملها من كام يوم
التكلفة حوالي 25 الى 30 جنيه

المشاركة الأصلية كتبت بواسطة ahmed76

باكون معشق يا دكتور وبتكون العربه ماشيه على 60 مثلا
وده بيحصل على التالت والرابع بس ؟؟؟؟؟؟؟؟؟
ولو دوست دبرياج الصوت بيروح ؟؟؟؟؟؟؟؟

هي دي فتوى وتخميــــــــــن محض

دي ممكن تكون بلية الدبرياج
ياريت اما تعرف تقول لنا

خشوا هنا يا جماعة
انا حبيت اشارككم تجربة
يا ريت تقولوا لي ايه رايكم
http://www.nilemotors.net/Nile/18190...post3873063003

المشاركة الأصلية كتبت بواسطة exact

بص يا برنس

مش عارف ليه انا حاسس ان الموضوع اللي عندك ده متعلق بالحرارة
لأن الجو سقع شوية اليومين دول
واول ما العربية بتسخن الامور بتتظبط

المشكلة أنا عندى الحرارة على طول أعلى من النص بحاجات بسيطة مش عارف ايه السبب

عامة أنا شاكك ان الموضوع طالما على البارد بس ممكن يكون بوجيه مش بيحرق على البارد ولما يسخن بيبتدى يحرق

المشاركة الأصلية كتبت بواسطة exact

سؤال: هل نظام تسخين العربية عندك شغال وللا معطل؟؟

لأه ملغى (مش قصدك برضه على الهيتر الداخلى بتاع التكييف)

المشاركة الأصلية كتبت بواسطة exact

اقتراح: روح لمركز صيانه خليه يظبط سلانسيه العربية وهي سخنه على 750 الى 850 ار بي ام...والكهربا فالسلانسيه من 5 الى 7 درجات وبعد اما يتمم على ده يظبط العادم بتاع العربية
فيه مراكز عندها سوفتوير متخزن عليه قيم اول اكسيد الكربون لكل عربية...فحاول توصل لحد منهم...بس اهم حاجة شكمانك ميكونش منفس...والحكاية دي مفيده جدا جدا...ممكن توصل لك استهلاك البنزين والتكييف قايد عالطوالي الى 340 كيلو فالصفيحة ال80 على سرعة من 90 الى 100
ممكن ادلك على واحد لو عاوز فالمحلة...أنا باروح له في شهر 4 وشهر 10 ولسه عاملها من كام يوم
التكلفة حوالي 25 الى 30 جنيه

- ممكن توضح أكتر يعنى ايه الكهربا فالسلانسيه من 5 الى 7 درجات
- وياريت تقولى عنوان الراجل ده

- وهل يظبطلى التاكيهات والكهرباء برضه مع موضوع العادم ده

- عامة أنا برضه هحاول اغير طقم البوجيهات واشوف النتيجة
هو رقم البوجيهات الدنسو بتاعها كام

الأكصدام الخلفي فيه اجزاء بهتانه

ياتري له علاج

كلام بخصوص العوامل المؤثرة على التسارع وكيفية تنظيف الكربيراتير
http://www.nilemotors.net/Nile/18179...post3873073598

أنا قلت يمكن يفيد حد

الحاجات اللي بتأثر في السحب على حد علمي...

الاسبيراتير ومجموعة الاشعال لو الكهربا متأخرة بتعطل السحب جامد ولو متقدمه تكركر وتزود استهلاك البنزين فلازم تكون مظبوطة...ودي لو حد في مركز صيانة خلليه يظبط لك زاوية الاشعال على من 5 الى 7 درجات وده المثالي...مهم جدا برضه وش الاسبيراتير ونضافته وميكونش فيه شرخ او تهريب للكهربا

اسلاك البوجيهات ويفضل تغييرها كل 50 او 75 الف كم ويراعى انها لو الموبينة من النوع الصغير...تبقى الاسلاك من النوع الحراري او الكربون او ايا ما يكون اسمه المهم متبقاش نحاس

البوجيهات...انا باركب دينسو ومؤخرا جربتNGK وحاسس انها احسن وافضل واضبط الثغرة دايما على 0.7 او بالكتير على 0.8 مللي وباغيرهم مع الزيت كل 10000 كيلو بيبقوا كويسين وممكن يقعدوا بس العامل النفسي بقى وهم ال4 بيعملوا بالكتير 30 جنيه
فيه ناس بتركب 2 او 3 شمعة ودي انا مجربتهاش بس بيقولوا فالعربيات القديمة ممش بتفرق قوي...ممكن تفرق معاك عالسرعات

الزيت...انا باستعمل موبيل وان او شيل هيلكس الترا

نوع البنزين

الكربيراتير...ظبط نسبة البنزين والهوا...ودي لازم مركز بالكمبيوتر بتاع تحليل العادم عشان مفيش صنايعي مهما كان فكيك هيعرف يعملها ودي كمان هتساعدك في توفير البنزين...ممكن توصل معاك لو مشوار طوالي بسرعة100 الى 360 كيلو للصفيحة
نضافة الكربيراتير ومحدش يلعب لك فالبيكات ويسلك ويتنيل على عينه عشان متوسعش لأن قطر الحاجات دي بجزء من ميه من المللي

تاكيهات العربية ودي من الحاجات المهمة جدا جدا....تظبط عالبارد يعني العربية تبات او عالاقل بقى لها 6 ساعات مبطله تماما وتضبط ثغرة تاكيهات البنزين على 0.15 مم والعادم على 0.2 مم

ضغط الهوا فالكاوتش شكله ايه وحالة الكاوتش وحالة الطريق برضه بتفرق

الحمولة فالسيارة

مجموعة الدبرياج ونظام نقل الحركة...وده يتكتب فيها كتب

طريقة القيادة والشخص اللي سايق واسلوبها وده كمان بيأثر جامد في حتة استهلاك البنزين

تشغيل المكيف

وضيف من عندي اني باحس ان العربية دي كل اما الحرارة تعدي فالتلاتينات بيبقى دمها تقيل وبايخة والعكس فالشتا

كيفية تنظيف الكربيراتير

عاوزك بقى لو قلبك جامد...اعمل اللي هاقول لك عليه
أول هام انت هتجيب الطفايه جنبك وتكون مجهزها...متخافش ده احتياط بس...ولازم يتعمل عند اي شغل فالكربيراتير...وحاول قدر الامكان تكون العربية باردة وايدك انت سريعة...واي بنزين ينزل تنشفه بسرعة

اول حاجة نحدد الماسورة اللي مدخلة البنزين للكربيراتير...ازاي؟؟
هتيجي عالخرطومين بتوع البنزين اللي داخلين للكربيراتير وتفك افيزاتهم من ناحية الكربيراتير و هتدور العربية وتبدأ بالراحة خالص تسلت خرطوم البنزين من المواسير وبص البنزين طالع منين...الخرطوم الليهتفكه وتلاقيه مطلع لك خط بنزين يبقى هو ده المطلوب...بينما الفرده التانيه هتلاقيها الخرطوم مش مطلع حاجة والكربيراتير هو اللي بيبخ بنزين...ودي ماسورة الراجع....
واي خرطوم هتفكه رجعه مكانه قبل ما تفك التاني عشان متبدلهمش
طيب حددنا الخرطوم اللي جايب من التانك للكربيراتير....هنعمل ايه بعد كده....هتبطل العربية وتيجي على علبة الكهربا اللي موجوده قدام ركبة المساعد الشمال وهتلاقي مكتوب عليه Fuel Pump Relay ده الكتاوت اللي بيقدي طرمبة البنزين...او لو انت عارف مكان الفيوز...المهم تشيل اي واحد من الاتنين دول عشان تقطع الكهربا عن الطرمبة...وتدور العربية وتتأكد من ان الطرمبة مفصولة بأنك تشيل الخرطوم اللي جاي من التنك وهتلاقيه مش بيطلع حاجة خالص او بيسرسرب حاجات بسيطة...وهتخللي العربية دايرة سلانسيه قيمة دقيقة عشان البنزين ينقص والعوامة اللي زي السيفون صمامها يتفتح وهتيجي عالماسورة اللي داخلة للكربيراتير وتجيب انت اي نوع اسبراي كربيراتير - أنا عن نفسي باستعمل نوع اسمه أبرو - وتركب الشفاطة البلاستيك فالبخاخة...وترج العلبة وتدخل طرف الشفاطة فالماسورة الحديد بتاع الكربيراتير قيمة 3 سنتي كده والعلبه فايدك واقفة راسيا (ومش مقلوبة) وتبخ كذا بخة متتابعة وانت بتزود بنزين وتبخ كذا بخة متتابعة وتزود بنزين وهكذا...كذا مرة...وانت كده بتملى الغرفة بالاسبراي...بس ما تكترش عشان متعبيش الغرفة جامد والبخ يرجع للتانك تاني-هو مش مضر بس هيبقى اهدار للاسبراي- وبعدين نرجع نرجع كل حاجة زي ما كانت...وتركب افيزاتك والريلاي او الفيوز كده انت تقريبا نضفت الكربيراتير بدرجة كبيرة تدور العربية وتتأكد ان كل حاجة تمام...وسيبها شويتين دايره عشان تفضي البخ اللي خدته ومفيش مانع انك تكبس لها كام مرة كده...
فيه طريقة تانية انك تجيب منظف كربيراتير وتضيفه على تانك البنزين قرب ما ييجي يفضى عشان يبقى مركز وتمشي بالعربية قدرالامكان لحد ما تخلصه و بعدها تمون عادي أو حسب التعليمات اللي عليه

بعد كده فلتر الهوا والعمة من النقط الهامة للغاية....فلتر الهوا سيادتك هتنضفه كويس بالهوا المضغوط كل فترة ويكون اتجاه النفخ من تحته لفوق عكس ما هو بيسحب الهوا عشان متغرسش حبيبات الرمل والتراب بزيادة...والتغيير بيتم على حسب المنطقة اللي انت فيها...لو في اماكن متربة او اماكن نضيفة...وهتشيل الفلتر هتلاقي زور الكربيراتير قدامك...هتروح سيادتك ساحب سلك البنزين كأنك بتكبس للعربية وبايدك التانية تبخ اسبراي في زور الكربيراتيربخة 3 ثواني وتستنى 5 ثواني وتكررها عالفتحتين بتوع الكربيراتير قيمة 10 مرات كده او حسب الحاجة(هتلاقي الكربيراتير بقى نضيف) وانت كابس برضه عشان لو بخيت وهي عالسلانسية هتشرق منك وهتبطل وبكده انت نضفت مجاري الهوا...ومتخافش لو بطلت استنى نص دقيقة كده ودور هتلاقيها دارت عادي...بعد اما تخلص خااالص ركب الفلتر واقفل العمة وظبط نفسك ولم العدة
واي استفسار اسأل وميهمكش
والله من وراء القصد