الموضوع: رابطة مالكي السويفت

المشاركة الأصلية كتبت بواسطة exact

سبقتني يا ريس
هي فعلا احتمال كبير جدا ان الفتيس ده مفيهوش زيت أساسا وعاوز انعاش فوري
الزيت الكويس بتاعنا الكتبابيقول ان كود اللزوجة بيبقى من 70 الى 90...انا هاقول لك ممكن تجيب بترومين 85 الى 140 عشان تكتم الونه دي

الاحتمال التاني وده بعيد شوية...بلية الدبرياج...بس ده بعيد

العين ماتعلاش على الحاجب يا د. مصطفى

المشاركة الأصلية كتبت بواسطة mansour77

مش عارف اشكركم ازاى يا جماعه الاستاذ exact و الاستاذ ايمن
السؤال اللوزعى
هو انا كمبتدئ اعرف اغيره و لا لازم اروح للاخ الميكانيكى

روح البنزينة افضل وقوله عاوز ازود زيت الفتيس(بس بنزينة تكون بتزود زيت الفتيس لان مش اى بنزينة بتزوده)

المشاركة الأصلية كتبت بواسطة mansour77

مش عارف اشكركم ازاى يا جماعه الاستاذ exact و الاستاذ ايمن
السؤال اللوزعى
هو انا كمبتدئ اعرف اغيره و لا لازم اروح للاخ الميكانيكى

صعب انك تعمله انت لأنه محتاج لمجرى في الارض عشان تبقى واقف فيه وبيحتاج لعده خاصه
الفتيس فيه فتحتين...واحدة من تحت لتنزيل الزيت وواحدة من عالجنب جنب مخرج الكوبلن الشمال ودي عشان تملى منها الزيت ودي غبيه جدا لأنها في وضع عمودي وليس أفقى وبالتالي بتحتاج حاجة ببوز ملوي او خرطوم عشان تعرف تدخل الزيت فهم في البنزينة بيجيبوا حاجة شكل مساعد العربية كده وماهي الا سرنجة كبيرة....يملاها زيت ويدخل بوزها فالفتحة ويملا...ويطلعها ويملاها زيت ويفرغ وهكذا لحد ما الفتيس يتملا...مكان الطبه ده معمول عشان محدش يحط زيت زيادة...لأنك بكده لو زودت الزيت هتلاقيه بيتكب بره...ومتسمعش كلام اي صنايعي حمار انه يفك لك مكان السلك بتاع عداد السرعة ويعبي منه...عشان عمره ما هيقدر يظبطه...وكامن فيه صنايعية تانيين بيرفعوا العربية على كوريك فبيخللي العربية تميل...وده مش صح لازم العربية تبقى واقفة بشكل أفقي تماما عشان المستوى يبقى مظبوط

فيه ميكانيكي شفته عامل حاجه عجبتني جدا...جايب طرمبة زيت بتاع عربية وعامل لها ستاند حديد ومركب لها منافله وقمع من فوق وخرطوم من تحت...وبيحط الخرطوم في الفتحة وبيصب الزيت فالقمع ويشغل المنافله لحد ما يملا الفتيس...ودي محترمة جدا

بالاضافه لكده الطبة بتاع الزيت شكلها غريب شوية فممكن متلاقيهاش في كل البنزينات كمان

ضروري لو عملت اي شغل

الزيت من اي بنزينة او محل زيت والكيلو بيبقى في حدود من 15 الى 18 لو من شركة إسو انا كنت جايب بترومين الجركن كان 4 كيلو ب 38 جنيه...ممكن لو هتنزله خالص الفتيس بيملا في حدود من 2 الى 3 كيلو وانا انصح بتغييره كل خمسين ألف كيلو متر بس تتأكد ان الطبه مقفوله كويس سواء بتاع الملو او التفريغ

المشاركة الأصلية كتبت بواسطة hemeda14

دي اول مشاركه لي في المنتدي وانا مبسوط جدا لاني قابلت الناس المتعاونين الكرام هنا .

انا معايا سويفت 95 زيتي اتوماتيك

حصل لنا الشرف يا باشا

"كل واحد يحرّص على لغاليغه"

اي حد يحاول ينرفزك طوّل بالك جدا
أنا شخصيا اتعرضت من فتره لموقف مشابه على طريق أجا - ميت غمر - بنها
واحد قعد يزنق بعربيه دبابة...الحمد لله طلعت منه على سرعة عاليه جدا وفضل ورايا لحد ما اضطريت اني أزوغ منه ودخلت شارعين جوه اول بلد ووقفت 10 دقايق لحد اما غار

أنا للفائدة نقلت لكم المشاركة من الموضوع ده

المشاركة الأصلية كتبت بواسطة abomar77

السلام عليكم ورحمة الله وبركاته

انا ليا واحد زميلي في الشغل عربيته لانوس اتسرقت الساعة 4.30 العصر كان راجع من التجمع رايح ناحية المعادي اتسرقت منه قبل كارفور على الدائري ....

الجديد بأه انها اتسرقت منه ازاي .......

عربية فيها 3 أشخاص خبطته من ورا وهو ماشي راح راكن ونزل يتخانق معاهم راح واحد مثبته بمطوة وضربه والتاني خد المفاتيح وراحوا واخدين العربيتين وبالسلامة ....

ألذ حاجة بيقولي الناس كانت بتتفرج علينا وفاكرينها خناقة بين اللي خابطين بعض ......

ربنا يحفظكوا ويعوض عليه خير ان شاء الله .....

المشاركة الأصلية كتبت بواسطة mansour77

بسم الله ما شاء الله عليك اللهم لا حسد
انت علامه فى العربيه دى
هو حضرتك شغال ايه و اتعلمت الحاجات دى ازاى بالتفاصيل دى

ياباشا أخجلتم تواضعنا
وفوق كل ذي علم عليــــــــــــــــــــم

أنا كنت عاوز اطلع مهندس الكترونيات او اتصالات او ميكانيك

بس قدر الله اني ابقى صيدلي
ولله الحمد انا بادي كورسات تدريب للمندوبين الجداد في شركات الأدوية وبالذات اللي بيبقوا خريجي علوم وبيطري عشان اشرح لهم حاجات خاصه بالادوية...بالاضافة لبعض الابحاث

الحاجات دي بالزمن والتجربة والخطأ ودقة الملاحظة...والقراءة المتمعنه لمواقع كتير