تكييف الماتيريا

**elassar2010** · 26-09-2009 03:55 PM

المشاركة الأصلية كتبت بواسطة akram2010

هو بصراحه مكيف سيارات الهيونداى لايعلو عليه ويكفى على ابطىء سرعه يبردك من غير دوشه صوت المكيف فى معظم السيارات الاخرى

كدة انا فهمت انت اكرم الى كان اتوقف قبل كدة
وانت بتشتغل فى هيونداى
كل المنتدى عارفك

ماتحاولش تاثر على الناس

**madoo** · 27-09-2009 04:28 AM

المشاركة الأصلية كتبت بواسطة Samir_Adel

مادو بية, كل سنة و انت طيب. صوت التكييف دة عادي جدا هي نظامها كدة و بخصوص المروحة مع التكييف, أيوة يا طبعا بتشتغل نص دقيقة و تبطل نص دقيقة حاجة كدة يعني, متقلقش خالص دة نظام العربية كدة الديزاين بتاعها كدة و دة مريح ليها جدا.. متقلقش يا باشا العربيات دي مش بتخرف! انت راكب عربية مش يابانية بس لا دي متقفلة في اليابان 100% و علي الموضوع السخونة ولا في سخونة ولا حاجة! دة بس احساس عندك.. أنت شكلك محسوك زيي! عربيتك زي الفل و كل شئ ماشي طبيعي. بالمناسية أنا رايح بكرة التوكيل أعمل صيانة ال30,000 كيلو.

استاذ سمير واحشتنى ....يعنى انت عندك كده برده ؟
انا واذق جدا فى الماتيريا الحمد لله بس انا بجد عارف نفسى عيل خنيق فى عربياتى اوى
ببقى راكب ومعايا صحابى وفجأه افصل الكاسيت يقولولى هااااا فى ايه هتطلع بى ايه ؟
اقولهم مش عارف سامع ايه ؟ شامم ايه ؟ حاجات هبله كده
انا ساعات بخاف من صوت التيل بتاع العربيات اللى جنبى وافصل الكاسيت وافضل ماشى جنب العربيه اللى بتصفر دى علشان اتأكد انه منها مش عندى وحاجات كده

مبروك يا مان مقدما على الصيانه ...انا عن نفسى عاوز تقرير كامل محسوك زينا كده
ومتنساش تفاصيل الفاتوره

**madoo** · 27-09-2009 04:30 AM

المشاركة الأصلية كتبت بواسطة أحمد كمال

الراجل بيقول تكييف الماتيريا

استاذ احمد بك كمال شكرا على مرورك
انت فاكره الانسان ده هو رجع تانى
واللى يفرس بيقولك تكييف الهيونداى دا اصغر طفل عارف ان تكييف اليابانى اقوى كمان من الاوروبى مش الكورى

على فكره انا بحب اوى الرينو السينيك ....ربنا يباركلك فيها هى عامله معاك ايه ؟

**madoo** · 27-09-2009 04:32 AM

المشاركة الأصلية كتبت بواسطة elassar2010

كدة انا فهمت انت اكرم الى كان اتوقف قبل كدة
وانت بتشتغل فى هيونداى
كل المنتدى عارفك

ماتحاولش تاثر على الناس

هو بالظبط بسلاطته ب بابا غنوجه

يأثر على مين ياعم بتاع غبور ده

**hhhmmmzzzz** · 27-09-2009 09:36 AM

طيب بالمناسبة ايه رايكو فى موضوع الاشارة علامة السخونة الحمرا دى مش كان احسن عداد او مؤشر زي بعض السيارات يمهدلك قبلها ان الحرارة بترفع احسن ماتلاقى اللمبة الحمراء نورت مرة واحدة

**Ahmed Hassan** · 27-09-2009 10:00 AM

المشاركة الأصلية كتبت بواسطة hhhmmmzzzz

طيب بالمناسبة ايه رايكو فى موضوع الاشارة علامة السخونة الحمرا دى مش كان احسن عداد او مؤشر زي بعض السيارات يمهدلك قبلها ان الحرارة بترفع احسن ماتلاقى اللمبة الحمراء نورت مرة واحدة

على فكره فيه عربيات كده كتير من زمان زي بعض موديلات البيجو 205 و حتى عربيات امريكي زي الشيفورليه كابريس موديلات التمانينات و التسعينات بالمواصفات الامريكيه.

في الموديلات الحديثه غير الماتيريا فيه الامبريزا الجديده و البي ام الفئه التالته . انا شايف ان الموضوع مش فارق كتير (بس كرأي شخصي افضل العداد) بس في حاله اللمبه هيه بتنور لما الحراره تقرب من مرحله خطر.. يعني مش بعد ما الفاس تقع في الراس.

**madoo** · 27-09-2009 02:39 PM

المشاركة الأصلية كتبت بواسطة hhhmmmzzzz

طيب بالمناسبة ايه رايكو فى موضوع الاشارة علامة السخونة الحمرا دى مش كان احسن عداد او مؤشر زي بعض السيارات يمهدلك قبلها ان الحرارة بترفع احسن ماتلاقى اللمبة الحمراء نورت مرة واحدة

وكمان متنساش ان اللمبه اكيد اكيد هتشوفها بمعنى انك لو ماشى فى طريق سفر او سايق فتره طويله صدقنى ناس كتير بتهمل عداد الحراره ومش بتاخد بالها منه ....فممكن يحصل اى حاجه فى دورة التبريد لاقدر الله ....والحراره تعلى ومحدش ياخد باله وبالذات مع الستات كمان
انما اللمبه لما تنور قدام هتاخد بالك اكيد ان فى حاجه اتغيرت فى التابلوه

وفى ميزه كمان انا شايفها فى موضوع اللمبه .....هى حكايه لما تنور اخضر وتبقى عاوز تسخن
اوقات كتير ببقى خارج مع صحابى هما بعربياتهم وانا بعربيتى لما نبقى راكنين وخلاص هنركب ونمشى
كله يدور ويطلع وانا عندى اللمبه ساعات بتبقى منوره فبستنى اسخنها دقيقه لغايه لما تفصل
حتى لو انت عارف مكان المؤشر الطبيعيى فين ساعات بتبقى واقفه على درجات قليله علشان تبقى فى الدرجه الصح للتسخين واللى المفروض تمشى ساعاتها

**hhhmmmzzzz** · 27-09-2009 05:53 PM

المشاركة الأصلية كتبت بواسطة ahmed hassan

بس في حاله اللمبه هيه بتنور لما الحراره تقرب من مرحله خطر.. يعني مش بعد ما الفاس تقع في الراس.

شكرا للمعلومة.........طمنتنى
بس يعنى انا كان معايا عربية اسكودا قبل مايوصل المؤشر عند90درجة مثلا قبل ما توصل الاحمر كنت باخد شوية حذر يعنى مابتسخنش مرة واحدة لذلك فانا حاسس ان لما تنور احمر دلوقتى معناها انها وصلت لقمة الذروة وممكن ماكنش واخد بالى هى نورت امتى وتبدا تلعب براسى الشكوك اما لو فيه عداد هبقى متابع بعينى حركته وماوصلوش للعلامة الحمرة
ده مجرد راى مش اكتر وممكن اكون غلطان فيه

**hhhmmmzzzz** · 27-09-2009 05:58 PM

المشاركة الأصلية كتبت بواسطة madoo

وكمان متنساش ان اللمبه اكيد اكيد هتشوفها بمعنى انك لو ماشى فى طريق سفر او سايق فتره طويله صدقنى ناس كتير بتهمل عداد الحراره ومش بتاخد بالها منه ....فممكن يحصل اى حاجه فى دورة التبريد لاقدر الله ....والحراره تعلى ومحدش ياخد باله وبالذات مع الستات كمان
انما اللمبه لما تنور قدام هتاخد بالك اكيد ان فى حاجه اتغيرت فى التابلوه

وفى ميزه كمان انا شايفها فى موضوع اللمبه .....هى حكايه لما تنور اخضر وتبقى عاوز تسخن
اوقات كتير ببقى خارج مع صحابى هما بعربياتهم وانا بعربيتى لما نبقى راكنين وخلاص هنركب ونمشى
كله يدور ويطلع وانا عندى اللمبه ساعات بتبقى منوره فبستنى اسخنها دقيقه لغايه لما تفصل
حتى لو انت عارف مكان المؤشر الطبيعيى فين ساعات بتبقى واقفه على درجات قليله علشان تبقى فى الدرجه الصح للتسخين واللى المفروض تمشى ساعاتها

شكرا بشمهندس محمد علي مرورك الغالى
الفكرة انك شايف تحركات المؤشر امامك صعودا فتبدا تستعد لكن لو انت مسافر وسرحان مثلا لمدة هنقول10دقايق ولقيت النور(لاقدر الله )منور احمر هل هتقدر تحدد انك مشيت بيها وهى كدة قد ايه
انما المؤشر بيدى تحذيرات لان العربية مابتسخنش مرة واحدة
وربنا يحفظنا ويحفظكم من كل سوء

**Samir_Adel** · 27-09-2009 10:53 PM

المشاركة الأصلية كتبت بواسطة madoo

استاذ سمير واحشتنى ....يعنى انت عندك كده برده ؟
انا واذق جدا فى الماتيريا الحمد لله بس انا بجد عارف نفسى عيل خنيق فى عربياتى اوى
ببقى راكب ومعايا صحابى وفجأه افصل الكاسيت يقولولى هااااا فى ايه هتطلع بى ايه ؟
اقولهم مش عارف سامع ايه ؟ شامم ايه ؟ حاجات هبله كده
انا ساعات بخاف من صوت التيل بتاع العربيات اللى جنبى وافصل الكاسيت وافضل ماشى جنب العربيه اللى بتصفر دى علشان اتأكد انه منها مش عندى وحاجات كده

مبروك يا مان مقدما على الصيانه ...انا عن نفسى عاوز تقرير كامل محسوك زينا كده
ومتنساش تفاصيل الفاتوره

ربنا يخليك يا معلم, طب تمام أنت محسوك زية يعني, أنا زيك كدة بظبط!

طبعا الموضوع دة في جميع عربيات الماتيريا متقلقش أوي كدة!
بص يا سيدي, أنا حاجز من اسبوعين كدة.. النهاردة كنت في التوكيل الساعة 11, انا بحب جدا اليوم الي بروح فية التوكيل (ناس محترمة و شيك و استرحة جميلة و عمالة مدربة و فاهمة..الخ) المهم قلت للمهندس عايز اعمل صيانة ال 30,000 كيلو ما عدا الزيت و الفلتر ( عشان انا دايما بغيرهم برة بحط شل الترا ال 10,000 كيلو بحطة كل 5,000 كيلو و بفلتر أصلي كمان)! قلتلة علي شوية ملاحظات زي مثلا في زنة في الحتة الشمال اللي جنب الطارة و انت ماشي هادي و تظبيط الرجلاش بتاع النور عشان كنت مركب زينون و لعبت في الرجلاش من جوة. المهم قعدت حوالي ساعة و نص حاجة كدة مش كتير يعني! و اتغسلت و كلة تمام.. المهندس قالي علي موضوع الزنة دي احنا غيرنا الشداد (اللي ماسك البيضة) علي حساب الضمان و النور بقي طبيعي جدا مفيش حاجة عالية و حاجة واطية و عمل الصيانة العادية اللي هي كشف علي الكهرباء, كشف علي العفشة بالكامل, تغيير مكان الكاوتش علي طريقة الكروس, رجلاش الفرامل الخلفية و تنظيف فلتر الهواء و تنظيف مش عارف اية و صنفرة اية و حاجات تانية ناسيها بصراحة. نيجي بقي للفاتورة

كلة كان 217 بندق..

دة غير اني جبت فلتر زيت زيادة.
و كان يوم جميل جدا و مكان حلو و مكنتش عايز أمشي بصراحة ولا أنا ولا الرجل اللي كان معايا! و بعد كدة عديت علي بنزينة شل غسلتها برة و جوة و روحت! المشكلة بقي في الصيانة الي جاية اللي هي ال 40,000 كيلو. (أنا قعدت فترة أروح صيانة دورية كل 5,000 كيلو) بس قلت خليها كل 10 أنت اصلا بتحافظ علي العربية, المشكلة في الصيانة اللي جاية اللي هي 40,000 كيلو اني هغير طقم السيور بالكامل و احتمال البوجيهات! يعني الفاتورة هتبقي فلة شمعة منورة

الموضوع: تكييف الماتيريا

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

استفسارات عن الماتيريا

تغيير زيت الماتيريا

سؤال عن الماتيريا

,,,,,عاااااااااااجل,,,,,,الماتيريا؟

عيوب الماتيريا ؟

الكلمات الدلالية لهذا الموضوع

المفضلات

المفضلات

ضوابط المشاركة