تكييف الماتيريا

**madoo** · 28-09-2009 04:25 AM

المشاركة الأصلية كتبت بواسطة Samir_Adel

ربنا يخليك يا معلم, طب تمام أنت محسوك زية يعني, أنا زيك كدة بظبط!

طبعا الموضوع دة في جميع عربيات الماتيريا متقلقش أوي كدة!
بص يا سيدي, أنا حاجز من اسبوعين كدة.. النهاردة كنت في التوكيل الساعة 11, انا بحب جدا اليوم الي بروح فية التوكيل (ناس محترمة و شيك و استرحة جميلة و عمالة مدربة و فاهمة..الخ) المهم قلت للمهندس عايز اعمل صيانة ال 30,000 كيلو ما عدا الزيت و الفلتر ( عشان انا دايما بغيرهم برة بحط شل الترا ال 10,000 كيلو بحطة كل 5,000 كيلو و بفلتر أصلي كمان)! قلتلة علي شوية ملاحظات زي مثلا في زنة في الحتة الشمال اللي جنب الطارة و انت ماشي هادي و تظبيط الرجلاش بتاع النور عشان كنت مركب زينون و لعبت في الرجلاش من جوة. المهم قعدت حوالي ساعة و نص حاجة كدة مش كتير يعني! و اتغسلت و كلة تمام.. المهندس قالي علي موضوع الزنة دي احنا غيرنا الشداد (اللي ماسك البيضة) علي حساب الضمان و النور بقي طبيعي جدا مفيش حاجة عالية و حاجة واطية و عمل الصيانة العادية اللي هي كشف علي الكهرباء, كشف علي العفشة بالكامل, تغيير مكان الكاوتش علي طريقة الكروس, رجلاش الفرامل الخلفية و تنظيف فلتر الهواء و تنظيف مش عارف اية و صنفرة اية و حاجات تانية ناسيها بصراحة. نيجي بقي للفاتورة

كلة كان 217 بندق..

دة غير اني جبت فلتر زيت زيادة.
و كان يوم جميل جدا و مكان حلو و مكنتش عايز أمشي بصراحة ولا أنا ولا الرجل اللي كان معايا! و بعد كدة عديت علي بنزينة شل غسلتها برة و جوة و روحت! المشكلة بقي في الصيانة الي جاية اللي هي ال 40,000 كيلو. (أنا قعدت فترة أروح صيانة دورية كل 5,000 كيلو) بس قلت خليها كل 10 أنت اصلا بتحافظ علي العربية, المشكلة في الصيانة اللي جاية اللي هي 40,000 كيلو اني هغير طقم السيور بالكامل و احتمال البوجيهات! يعني الفاتورة هتبقي فلة شمعة منورة

بص هو اللى زاعجنى موضوع الصوت من بره العربيه عالى حبتيين
مبروك يا استاذ سمير على الصيانه....حوار الزنه عمله وغير الشداد على طول من غير حتى مايقولك نجرب العربيه ونبعت لليابان والكلام اللى بنسمعه ده ؟؟؟؟

على فكره انا هعمل زيك هخليها كل عشره الاف كيلو ....بس هل مش بيدفعوك مبلغ زياده زى مابيقولوا ...اصلى كنت سألت هنا على انى مش روحت صيانه 10 وانا دلوقتى رايح ال 15 فقالولى انى هدفع فلوس زياده بتاعت الحاجات اللى بتتعمل فى ال 10 الاف

اه صحيح ....هو الشل ميريحك يعنى احطه بدل الموبيل ...وسعره كام دلوقتى ؟؟؟

**Samir_Adel** · 28-09-2009 04:41 AM

المشاركة الأصلية كتبت بواسطة madoo

بص هو اللى زاعجنى موضوع الصوت من بره العربيه عالى حبتيين
مبروك يا استاذ سمير على الصيانه....حوار الزنه عمله وغير الشداد على طول من غير حتى مايقولك نجرب العربيه ونبعت لليابان والكلام اللى بنسمعه ده ؟؟؟؟

على فكره انا هعمل زيك هخليها كل عشره الاف كيلو ....بس هل مش بيدفعوك مبلغ زياده زى مابيقولوا ...اصلى كنت سألت هنا على انى مش روحت صيانه 10 وانا دلوقتى رايح ال 15 فقالولى انى هدفع فلوس زياده بتاعت الحاجات اللى بتتعمل فى ال 10 الاف

اه صحيح ....هو الشل ميريحك يعنى احطه بدل الموبيل ...وسعره كام دلوقتى ؟؟؟

طبعا يا باشا, ولا حد قالي يابان ولا الشركة الأم ولا حاجة!
موضوع المبلغ الزيادة دة أول مرة اسمعة! دي حاجة غريبة! ممكن يا معلم انت تكون فهمت غلط, بص يا برنس هقلك علي حاجة, صيانة ال 5 و ال 10 و ال 20 و ال 30 بيكونوا في الأساس كل اللي قلتهولك في جدول الصيانة, مفيش حاجة زيادة خالص! (دة علي قد معلوماتي) و هو كشف علي الكهرباء, كشف علي العفشة بالكامل, تغيير مكان الكاوتش علي طريقة الكروس, رجلاش الفرامل الخلفية و تنظيف فلتر الهواء و تربيط عفشة..الخ, طبعا دي الصيانة الأساسية ملهاش دعوة بقي بأي حاجة العميل طالبها أو ناتجة عن سوء الأستخدام, أكيد بيكون في حاجات زيادة عن كدة طبعا بس الطبيعي في الصيانات دي كدة. جرب كدة و قارن بين الأربع اسعار دول هتلاقي فرق هايف أوي! من أول صيانة ال 40 دة كلام تاني بقي! ملخص الكلام يعني مفيش طبعا زيادة في الفلوس بس كل 10 روح ظبط عربيتك أحسن و متتأخرش..
شل زيت فوق الممتاز, انا بجيب الجركن اللي لونة أسود ب 230 بندق.
نصيحتي غيرة و شوف لو حسيت بفرق استمر علية لو محستش بفرق خليك في موبيل و ليك كل الحرية, أي خدمة يا فندم.

**madoo** · 28-09-2009 03:47 PM

المشاركة الأصلية كتبت بواسطة Samir_Adel

طبعا يا باشا, ولا حد قالي يابان ولا الشركة الأم ولا حاجة!
موضوع المبلغ الزيادة دة أول مرة اسمعة! دي حاجة غريبة! ممكن يا معلم انت تكون فهمت غلط, بص يا برنس هقلك علي حاجة, صيانة ال 5 و ال 10 و ال 20 و ال 30 بيكونوا في الأساس كل اللي قلتهولك في جدول الصيانة, مفيش حاجة زيادة خالص! (دة علي قد معلوماتي) و هو كشف علي الكهرباء, كشف علي العفشة بالكامل, تغيير مكان الكاوتش علي طريقة الكروس, رجلاش الفرامل الخلفية و تنظيف فلتر الهواء و تربيط عفشة..الخ, طبعا دي الصيانة الأساسية ملهاش دعوة بقي بأي حاجة العميل طالبها أو ناتجة عن سوء الأستخدام, أكيد بيكون في حاجات زيادة عن كدة طبعا بس الطبيعي في الصيانات دي كدة. جرب كدة و قارن بين الأربع اسعار دول هتلاقي فرق هايف أوي! من أول صيانة ال 40 دة كلام تاني بقي! ملخص الكلام يعني مفيش طبعا زيادة في الفلوس بس كل 10 روح ظبط عربيتك أحسن و متتأخرش..
شل زيت فوق الممتاز, انا بجيب الجركن اللي لونة أسود ب 230 بندق.
نصيحتي غيرة و شوف لو حسيت بفرق استمر علية لو محستش بفرق خليك في موبيل و ليك كل الحرية, أي خدمة يا فندم.

بجد الف الف الف شكر على النصائح الجامده دى
جزاك الله خيرا ...ويجعله فى ميزان حسناتك

**thefirst2005** · 06-10-2009 01:37 PM

شكرا لكم جميعا على المعلومات المفيدة جدا.

**أحمد كمال** · 06-10-2009 10:20 PM

المشاركة الأصلية كتبت بواسطة madoo

استاذ احمد بك كمال شكرا على مرورك
انت فاكره الانسان ده هو رجع تانى
واللى يفرس بيقولك تكييف الهيونداى دا اصغر طفل عارف ان تكييف اليابانى اقوى كمان من الاوروبى مش الكورى

على فكره انا بحب اوى الرينو السينيك ....ربنا يباركلك فيها هى عامله معاك ايه ؟

باشا

اسف لسه واخد بالي من الرد دلوقتي و الله :) تهييس من الاشتراكات في المنتدى غالبا

بما اني شغال في اتصالات هابسط اكرم شويتين و اقول له

هيونداي دي مش قادر احبها
و غبور لو تقفل يبقى احسن لها
لو ادوهالي ببلاش مش هاقبل بها
و عربياتها غالية و الامان مش من خواصها

هيونداي ..... تغور من وشها !!!

الرينو حلوة و مريحاني الحمد لله يا باشا ...... دلوقتي فهمت احساس ركاب الماتيريا و اي عربية مش منتشرة (المانيريا طبعا منتشرة عن السينيك) ......

**amrmoustafa** · 08-10-2009 10:43 AM

العربييه دى عيوبها ان اكصدامتها ضعيفه عن تجربه

عيب تانى جرب تعرضها للبيع شوف ها ينزل من سعرها كام؟ و ابقى قول!!!!!!!!!!!!!!!!!!!!!!!!!!!!!!!

**أحمد كمال** · 08-10-2009 12:03 PM

المشاركة الأصلية كتبت بواسطة amrmoustafa

العربييه دى عيوبها ان اكصدامتها ضعيفه عن تجربه

المشاركة الأصلية كتبت بواسطة amrmoustafa

عيب تانى جرب تعرضها للبيع شوف ها ينزل من سعرها كام؟ و ابقى قول!!!!!!!!!!!!!!!!!!!!!!!!!!!!!!!

شكرا للمداخلة بس حضرتك داخل عشان تحسره مثلا على العربية و اختياره و خلاص و لا ايه؟

عَنْ أَبِي هُرَيْرَةَ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ كَانَ يُؤْمِنُ بِاللَّهِ وَالْيَوْمِ الآخِرِ فَلا يُؤْذِ جَارَهُ ، وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيُكْرِمْ ضَيْفَهُ ، وَمَنْ كَانَ يُؤْمِنُ بِاللَّهِ وَالْيَوْمِ الآخِرِ فَلْيَقُلْ خَيْرًا أَوْ لِيَصْمُتْ ) .

**Samir_Adel** · 08-10-2009 01:16 PM

المشاركة الأصلية كتبت بواسطة amrmoustafa

عيب تانى جرب تعرضها للبيع شوف ها ينزل من سعرها كام؟ و ابقى قول!!!!!!!!!!!!!!!!!!!!!!!!!!!!!!!

ازاي يعني؟
دي يابانية 100% و كلمة دايهاتسو دي كفاية, تتباع بمكالمة تليفون صغير! دي مصر تشهد عليها من زمان! و عمرها ما سوقها نام, أنا مش ببيع بروتون ولا فورد عشان أخسر فيها جامد حتي لو مشيت قليل! (مع كامل احترامي للعربيات دي). دي مسألة ازواق.. العربية ماسكة نفسها جدا و مش مصدق انزل السوق و شوف الأسعار بعينك و طبعا الحالة بيكون ليها تدخل كبير!

-

-

الموضوع: تكييف الماتيريا

LinkBack

أدوات الموضوع

عرض

-

-

-

-

-

-

المواضيع المتشابهه

استفسارات عن الماتيريا

تغيير زيت الماتيريا

سؤال عن الماتيريا

,,,,,عاااااااااااجل,,,,,,الماتيريا؟

عيوب الماتيريا ؟

الكلمات الدلالية لهذا الموضوع

المفضلات

المفضلات

ضوابط المشاركة