مبدأيا اللمبة اللي عليها عربية بتتزحلق دي فعلا بتاعة ال ESP
لازم تعرف الية عمله الأول عشان تقدر تجربه صح :
النظام ده بيقوم بمراقبة عجلات السيارة بحيث لو أي عجله سرعتها اختلفت عن العجلة المقابلة ليها في الجهة الأخرى يقوم النظام بالتحكم في فرامل السيارة كل عجلة على حدى حتى يحافظ على اتزان السيارة.
فانت لو عاوز تجرب جرب بالشكل التالي:
خمس وانت في وضع الوقوف بس من غير متكون شادد الهاند. يعني وانت واقف لف الستيرنج على اليمين ودوس كيك داون على الأخر لو العربية خمست يبقى مفيهاش ESP
انما لو لقيتها اتزحلقت على خفيف وبعدين هدت يبقى فيها ESP
انما كونك شديت فرامل اليد وخمست فده شيء عادي حتى لو انت راكب مرسيدس بانوراما لآن في الغالب فرامل اليد بتكون ميكانيكية و بعيده عن أي تحكم الكتروني ، فانت كده خليت العجل اللي ورا قفش واتزحلق. وده عمره ما بيحصل في ظروف القياده العادية.
موضوع الزحلقة على 170 ده انت أصلا ماشي على سرعة أسرع من سرعة استجابة الأجهزة الالكترونية اللي في العربية، يعني الهزة اللي انت بتعملها على السرعة دي بتحصل وتختفي في جزء من الثانيه، ولو لاقدر الله كانت هربت منك ولا أنظمة تحكم العالم كله كانت عرفت توقف لف العربية الا رحمة ربنا. أنا على ما سمعت ان كل التجارب والاختبارات اللي تتم على السيارات بتبقى على سرعات أقصاها 120 كم/س ما عدا أنواع قليلة جدا
المفضلات