صوت كركبه في الميجان

**triton** · 27-09-2009 04:34 PM

السلام عليكم ورحمه الله و بركاته

بقالنا فتره مش بنغلس عليكم يا وحوش

المهم انا سامع صوت كركبه غريب في العربيه وانا ماشي علي سرعه بطيئه او وانا باخد مطب ... انا شكيت انو ممكن يكون مساعد ولا حاجه و كمان بسمع صوت تزييق كده مع دوسه الفرامل مش صفاره التيل لا تزييق والفرامل شغاله كويس و كل حاجه بس في صوت تزييق لما بكون بسرعه بطيئه او بقف و امشي

فازاي اعرف المسكله فين بالظبطو هل اكشف عند اي واحد بتاع عفشه و لا لازم زاحد ميجاناوي

و هل اصلا المشكله ممكن تكون حاجه غير المساعد او العفشه ؟ ده بالنسبه للمشكله الاولي و بالنسبه للمشكله التانيه ايه سبب صوت التزييق ده ... انا مغير تيل من قريب و مغير ماستر امامي برضو من كام شهر معاه

**abasse** · 27-09-2009 10:41 PM

متابع لانى بحس أن عندى نفس المشكلة بس صوت زى ما يكون صوت تريحه
أنا قولت مساعد وبعدين قولت بارات

**ecybrarian** · 27-09-2009 11:32 PM

عليك وعلى كار بويز وبلغنا باخر الأخبار..

**triton** · 28-09-2009 03:13 PM

المشاركة الأصلية كتبت بواسطة ecybrarian

عليك وعلى كار بويز وبلغنا باخر الأخبار..

مين كار بويز ... معلشي انا معرفهمش ؟؟؟؟

**hamata** · 28-09-2009 03:27 PM

لو صوت كركبة بتحس بيه من تحت الموتور جايز يكون علبة دركسيون

**ecybrarian** · 28-09-2009 04:53 PM

كار بويز في شارع جوزيب تيتو (الشارع إللي في ملاهي السندباد) بس هما قدام عند (تحت) الكوبري قبل مركز بيجو. في اكتر من وحش عمل عندهم شغل عفشة وبيشكروا فيهم جدا.

صوت الكركبة ممكن يكون 100 حاجة...مثلا:
- ممكن يكون بطاحات..جرب على الواقف تلف الدريكسون على الآخر وبعدين تطلع (مرة يمين ومرة شمال) لو سمعت تكة يبقى غالبا بطاحات

- وممكن يكون علبة دريكسيون وبرضه لف على الواقف واكسر على الآخر (يمين وشمال) بس من غير ما تتحرك لو سمعت لو سمعت "تك... تك... تك" يبقى علبة دريكسيون.

علشان كده الأفضل حد يبص لك على العربية

**triton** · 28-09-2009 04:55 PM

المشاركة الأصلية كتبت بواسطة hamata

لو صوت كركبة بتحس بيه من تحت الموتور جايز يكون علبة دركسيون

هو انا لما اشتريت السياره اول مره كشفت في البنزينه و قالولي ان في الدريكسيون محتاج يغير بارات خارجيه ... مش عارف هل ده سبب ؟

**triton** · 28-09-2009 04:56 PM

المشاركة الأصلية كتبت بواسطة ecybrarian

كار بويز في شارع جوزيب تيتو (الشارع إللي في ملاهي السندباد) بس هما قدام عند (تحت) الكوبري قبل مركز بيجو. في اكتر من وحش عمل عندهم شغل عفشة وبيشكروا فيهم جدا.

صوت الكركبة ممكن يكون 100 حاجة...مثلا:
- ممكن يكون بطاحات..جرب على الواقف تلف الدريكسون على الآخر وبعدين تطلع (مرة يمين ومرة شمال) لو سمعت تكة يبقى غالبا بطاحات

- وممكن يكون علبة دريكسيون وبرضه لف على الواقف واكسر على الآخر (يمين وشمال) بس من غير ما تتحرك لو سمعت لو سمعت "تك... تك... تك" يبقى علبة دريكسيون.

علشان كده الأفضل حد يبص لك على العربية

طب بقول حضرتك ... هي تبقي فكره كويسه لو عملت كشف شامل في التوكيل و صلحت الاعطال بره ولا ايه النظام عشان انا كنت بفكر في كده و فعلا كنت حجزت ميعاد في توكيل المقطم كشف شامل

**Ahmed Selim** · 28-09-2009 04:59 PM

بص يا معلم......واحدة واحدة كده و بالتفصيل الممل

1- أوصف فيما لايقل عن 1000 سطر الصوت اللى بيطلع ( كركبة ولا تخبيط ولا تزييق و أيه )
2- بيظهر فى أى مواقف ؟؟؟؟؟ و متقوليش مطب.....ما البلد كلها مطبات...أنا عاوز أعرف طبيعة المطب....يعنى حفرة...أسفلت متاكل...مطب عالى....أرض مكسرة
3- هل نفس الشعور ممكن تحس بيه لو مشيت فى أرض مكسرة شوية ؟؟؟
4- بتحس بخبط فى الدركسيون ولا لأ ؟؟؟؟

الموضوع: صوت كركبه في الميجان

LinkBack

أدوات الموضوع

عرض

صوت كركبه في الميجان - انشر الموضوع فى :

-

-

-

-

-

-

-

المواضيع المتشابهه

خصائص رائعة لاتعلمها عن كاسيت الميجان لكل عشاق الميجان

بالنسبة لسمعات الميجان 2 الامامية ؟ ارجو الافادة من وحوش الميجان

صوت تزييق و كركبه!!!

يا وحوش الميجان دلونى، قررت اجيب جيربوكس كامل لعربيتى الميجان 2 (2005)

صوت كركبه فى العفشه حاسس انه من علبة الدركسيون

الكلمات الدلالية لهذا الموضوع

المفضلات

المفضلات

ضوابط المشاركة