| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 2 من 3 الأولىالأولى 1 2 3 الأخيرةالأخيرة
النتائج 11 إلى 20 من 25

  1. #11

    الصورة الرمزية أحمد كمال

    رقم العضوية : 33438

    تاريخ التسجيل : 19Feb2009

    المشاركات : 14,563

    النوع : ذكر

    الاقامة : استراليا

    السيارة: None

    السيارة[2]: Toyota Camry

    دراجة بخارية: Harley-Davidson

    الحالة : أحمد كمال غير متواجد حالياً

    افتراضي -

    hasad">

    كيف تتخلص من المكالمات اللزجه؟ :: Nothing is boring with a country like ours



    "حضرتك مدعو للأشتراك معنا فى عضوية فنادق......"
    جمله بنسمعها دايماً فى التليفون لما بنغلط و نرد على نمره مش عارفينها بعشم ثم نفاجأ بهذه الجمله تقولها مندوبة مبيعات لزجه عايزه تبيع لك كارت عضوية إحدى الفنادق (عادةً هيلتون/كونراد/إنتركونتينينتال/شبرد) أو من إحدى كروت التخفيضات اللى "بتدي لحضرتك ديسكاونت فى مطاعم كتيره أوى".

    فى الأول الواحد كان محرج يقول لهم "يحـنن" و بالتالى كانت بتتعرض إذاننا للأكل لمدة نصف ساعه من الكلام المتواصل اللى بيبقى أغلبه من طرف واحد فقط.

    و دايماً المكالمه بتخلص بـ "لازم بقى ترشح لى عدد من أصحابك يا مستر (ضع أسمك بين القوسين) علشان أكلمهم" و ده بغض النظر إنك إشتركت أو لأ.

    الموضوع ده مش بدعه ولا حاجه، يعنى فى أمريكا هما أساتذه فى أسلوب "يا تشترى يا تتهرى" من المكالمات و الزن على الودان.

    أنا مره للأسف سبت نمرة موبايلى، لما كنت فى أمريكا، على ورقة إستعلام عن رأى فى محل ما. و بعدها بيوم عينك ما تشوف إلا النور. مكالمات من مندوبين أو بالأصح مندوبات دعايه، ما أخدوش بالهم إن النمره دولى، و عايزين يبيعوا لى حاجات لحد ما زعقت فيهم من غيظى و قلت لهن "الخط ده Roaming يا عالم، خربتوا بيتى" و قـفلت التليفون خالص لمده يومين.

    عندنا طبعاً راعوا الجانب النفسى و تقاليدنا الشرقيه العريقه و بقوا "بيصلطوا" بنت دلوعه بتتقصع فى كلامها على موبايلات رجاله أملاً فى ان ينهار أحدهم و "يـهـر" و يديهم رقم الكريدت كارد علشان يسحبوا منه الأشتراك و يبقى يمسح "ريالته" بعدين بعد ما المكالمه تخلص.

    أنا بعد ما جالى حوالى 100 ألف مكالمه من دول و كنت من ذوقى بأضطر أسمعهم للأخر و بعدين أتحجج بأى حجه للرفض. أو لو متعصب قوى، أرد بقلة أدب حتى تسيبنى فى حالى. توصلت أخيراً إلى طريقتين يخلونى أتخلص من الزن ده بأسلوب لائق و شيك:



    الطريقه الأولى:

    تررن تررن

    -"ألو"

    - "أيوه يا فندم حضرتك مدعو للأشتراك معنا فى عضوية فنادق......"

    - "ما هو انا مشترك فعلاً معاكم| (كداب فى أصل وشى)

    لحظه إرتباك قصيره ثم تقول: "أنا أسفه، طب ممكن تدينى رقم الكارت علشان أسجله عندى"

    -"مش معايا الكارت دلوقت، هو إنتم للدرجه دى مش منظمين و ماتعرفوش مين المشتركين معاكم..كده أنتى قلـقتينى و ح تـخللينى ما أجددش الأشتراك تانى...قلتى لى أسم حضرتك أيه؟"

    بعد الجمله الأخيره، الحلوه بتكش على طول و تخاف على روحها و تقوم قافله و شاطبه أسمى تماماً من عندها.



    الطريقه الثانيه:

    تررن تررن

    -"ألو"

    - "أيوه يا فندم حضرتك مدعو للأشتراك معنا فى عضوية فنادق......"

    - "معلهش انا أسف، أنا حالياً بره مصر فى رحلة عمل و حأرجع بعد 3 شهور" (نصب طبعاً)

    - "أنا أسفه يا فندم تيجي بالسلامه"

    و هكذا يتم التخلص من الزنانات بأنواعها سواء الزاحفه أو الطائره نهائياً بدون اى تسويف زى "معلهش انا فى meeting دلوقت" أو "فى جنازه" لأنهم حيتصلوا تانى فى الأربعين و الذكرى السنويه إلى أخره.

    الحقيقه كان المفروض الموضوع يخلص عند كده بس فيه واحد صاحبى عنده طريقه سافله شويه، الا و هى:

    تررن تررن

    -"ألو"

    - "أيوه يا فندم حضرتك مدعو للأشتراك معنا فى عضوية فنادق......"

    - "أوى أوى، قلتيلى أسمك أيه؟"

    - "ياسمين/سالى/سعاد/لواحظ"

    - "طب بصى بقى يا ياسمين/سالى/سعاد/لواحظ، من غير ما تشرحى التفاصيل انا سمعت عنكم و عايز أشترك، بس الأول لازم نتقابل و نشوف بعض"

    - "ها ها (ضحكه مصطنعه أو مرقـّعه هى و أخلاقها) اسفه يا فندم ما ينفعش"

    - "ليه، مش إنتم عايزين زباين، أنا حجيبلك كل أصحابى يشتركوا، بس نتقابل"

    مافيش داعى اكمل لأن الحوار يا بينتهى بإعتذار البنت مع رزع السماعه فى وش صاحبى، أو بقبول البنت للعرض و دخول الحوار فى مناطق يعاقب عليها القانون.

    طبعاً الطريقه الأخيره خلت موبايل صاحبى مابيجيلوش أى مكالمات دعايه و لما بتيجى بيبقى أمه "دعايه" له.

    من الآخر: "الأختيار لك" خايف على ودانك، قصّر و إستعمل واحده من الطرق السابقه. و إن كنت غير مسئول عن الأخيره لأنك ممكن لو إستعملتها بدل ما تنقذ ودانك تـتـدبس طول عمرك مع واحده رغايه و لزقه و بتنفض جيوبك فى أوقات فراغها.


    منقول (اللينك أعلى المقال)


  2. #12

    الصورة الرمزية Terrible_DaRsH

    رقم العضوية : 17601

    تاريخ التسجيل : 31Aug2008

    المشاركات : 6,564

    النوع : ذكر

    الاقامة : Certainly .. In My House !

    السيارة: NA

    السيارة[2]: Corolla 1.3

    الحالة : Terrible_DaRsH غير متواجد حالياً

    افتراضي -

    طب و الله نفسي يجيلى مكالمات من دى :)

    و يا سلام لو واحدة هى اللى بتتكلم هههههههههههه هخليها تسيب وظيفتها بعد ما تقفل .

    بس على فكرة يا جماعة من كام يوم رقم اتصل بوالدتى و قالها مبروك كسبتى اجهزة منزلية من شركة تميمة و والدتى بحسن نية ادتهم العنوان .

    بعتوا واحد تانى يوم بثلاثة اجهزة بس صغيرة يعنى

    و اختارنا منهم واحدة و خلاص .

    انا مستغرب جدا للموقف ده


  3. #13

    ams

    الصورة الرمزية ams

    رقم العضوية : 3867

    تاريخ التسجيل : 27Dec2007

    المشاركات : 1,904

    النوع : ذكر

    الاقامة : عين الشمس

    السيارة: N/A

    السيارة[2]: N/A

    دراجة بخارية: N/A

    الحالة : ams غير متواجد حالياً

    افتراضي -

    اقتباس المشاركة الأصلية كتبت بواسطة terrible_darsh مشاهدة المشاركة
    انا بحب النوعيات دى من المكالمات :)

    بحب اهزقهم اووووووى , بخليهم يكرهوا اليوم اللى اتصلوا بيا فيه :)
    و انا بحبها جدا المكالمات دى
    و بامشى معاهم لغاية الاخر كأنى مهتم جدا و انا بقول فى سر "ايوه ياسيدى قسم و سمعنى " و " يا سلام ! شوف حكمة ربنا يا مؤمن نيهههههههههههههههه"
    و لما بزهق بقطم

    أحمد محمد صبرى
    يا رب تفهم يا تتح
    ماشى فى نور الله بدعى و اقول .... يا رب


  4. #14

    الصورة الرمزية الطنطاوي

    رقم العضوية : 9878

    تاريخ التسجيل : 30Apr2008

    المشاركات : 1,051

    النوع : ذكر

    الاقامة : بلاد الله

    السيارة: ميتسوبيشي

    السيارة[2]: بيجو

    دراجة بخارية: لا يوجد

    الحالة : الطنطاوي غير متواجد حالياً

    افتراضي -

    معظم البيانات بتكون من الأصدقاء

    يعني واحدة تكلمك وتعرض خدمة أو منتج وبعد كده تقولك ممكن تقول لنا حد ممكن يستفاد ممكن الموضوع ده ولك كذا وكذا

    استمع إلى هذا المقطع
    قالوا زمان "لما كلب الباشا مات الناس كلها راحت تعزيه ولما الباشا مات حتى الكلاب ماعزيتش فيه"


  5. #15

    الصورة الرمزية yoko

    رقم العضوية : 33656

    تاريخ التسجيل : 22Feb2009

    المشاركات : 20,472

    النوع : ذكر

    الاقامة : مصر الجديدة

    السيارة: Fiat 128

    السيارة[2]: Fiat Linea

    دراجة بخارية: no

    الحالة : yoko غير متواجد حالياً

    افتراضي -

    البيانات دي يا بتتجاب من المنتديات و المواقع الي فيها تسجيل وغالبا يا بتتاخد عن طريق عمل هاك على الموقع أو بالإتفاق مع أصحاب المنتدى (الحمد لله إن إدارة نايل موتورز ناس محترمة)
    أو عن طريق شركات الإتصالات

    [img3]http://img21.imageshack.us/img21/3957/28138510150332809507433.jpg[/img3]


  6. #16

    الصورة الرمزية speed demon666

    رقم العضوية : 1075

    تاريخ التسجيل : 21Jun2007

    المشاركات : 687

    النوع : ذكر

    الاقامة : المعادي

    السيارة: searching

    السيارة[2]: speranza tiggo 2010

    دراجة بخارية: NO

    الحالة : speed demon666 غير متواجد حالياً

    افتراضي -

    بصو يا جماعة هو الموضوع ده من زماان أوي و أنا أعرف واحد من شركة من غير ذكر الاسم بيشتري الأرقام و بيانات العملاء سواء من شركات المحمول أو من شركات أخرى طبعا شركات المحمول بترفض الموضوع ده لأن دي ضد سياسات الشركة لكن في بعض الموظفين بيسهلو الموضوع ده بدون علم الشركة , و طبعا على حسب الاسم و مستواه بيتحدد سعر الرقم و خصوصا لو كان رقم من أرقام أحد رجال الأعمال و أباطرة البيزنس .
    ده ملخص للموضوع علشان الناس تبقى فاهمة الموضوع ماشي ازاي

    FEAR NOTHING.... RISK EVERYTHING


  7. #17

    الصورة الرمزية ahmed4000

    رقم العضوية : 41050

    تاريخ التسجيل : 25May2009

    المشاركات : 2,179

    النوع : ذكر

    الاقامة : cairo

    السيارة: no

    السيارة[2]: no

    دراجة بخارية: no

    الحالة : ahmed4000 غير متواجد حالياً

    افتراضي -

    مش لازم تكون مكالمات
    ممكن تكون رسائل مسيجات
    ثانيا لو شركة محترمة بتحطلك اختيار فى الاخر انك متستقئبلش رسالة تانى
    والاصل فى انتهاك الخصوصية انه يكون فى توضيح ان بياناتك لا يتم بيعها، وطبعا معظمنا مبيقراش اتفاقيات الخصوصية وممكن تكون بتتضمن امكانية بيع بياناتك لشخص اخر


  8. #18

    الصورة الرمزية itsonlyme

    رقم العضوية : 4695

    تاريخ التسجيل : 21Jan2008

    المشاركات : 2,021

    النوع : ذكر

    الاقامة : مصر

    السيارة: None

    السيارة[2]: None

    دراجة بخارية: مفيش

    الحالة : itsonlyme غير متواجد حالياً

    افتراضي -

    اقتباس المشاركة الأصلية كتبت بواسطة ahmed4000 مشاهدة المشاركة
    مش لازم تكون مكالمات
    ممكن تكون رسائل مسيجات
    ده أسوأ من الـ spam اللي بيجيلك في الايميل. رسالة الموبايل لازم تفتحها عشان تقرأها وتمسحها. ده غير ان سعة الموبايل محدودة. ده غير ان في بعض الدول الشركة بتحاسبك على الرسائل الواردة!

    اقرأ الموضوع ده
    http://en.wikipedia.org/wiki/Mobile_phone_spam

    ثانيا لو شركة محترمة بتحطلك اختيار فى الاخر انك متستقئبلش رسالة تانى
    وأنا أضمن منين احترام الشركة؟ المبدأ مرفوض في الأساس. مش مفروض تبقى متروكة لاحترام الشركة.

    والاصل فى انتهاك الخصوصية انه يكون فى توضيح ان بياناتك لا يتم بيعها، وطبعا معظمنا مبيقراش اتفاقيات الخصوصية وممكن تكون بتتضمن امكانية بيع بياناتك لشخص اخر
    انت بتسيب بياناتك لشركة الموبايل عشان تتواصل معاك. حتى ولو لم يوجد نص في الاتقاق على عدم توفير البيانات لجهة ثالثة، ده شيء شبه متفق عليه ضمنياً. أكيد وأنت بتكتب بياناتك مش متوقع انها حتبقى متوفرة لكل من هب ودب.


  9. #19

    الصورة الرمزية ahmed4000

    رقم العضوية : 41050

    تاريخ التسجيل : 25May2009

    المشاركات : 2,179

    النوع : ذكر

    الاقامة : cairo

    السيارة: no

    السيارة[2]: no

    دراجة بخارية: no

    الحالة : ahmed4000 غير متواجد حالياً

    افتراضي -

    اقتباس المشاركة الأصلية كتبت بواسطة itsonlyme مشاهدة المشاركة
    انت بتسيب بياناتك لشركة الموبايل عشان تتواصل معاك. حتى ولو لم يوجد نص في الاتقاق على عدم توفير البيانات لجهة ثالثة، ده شيء شبه متفق عليه ضمنياً. أكيد وأنت بتكتب بياناتك مش متوقع انها حتبقى متوفرة لكل من هب ودب.
    ضمنيا دى مش موجودة فى القانون ودى المشكلة اللى بنقع فيها كلنا اننا مبنقراش اى اتفاقية خصوصية على اى موقع وبنسجل مباشرة


  10. #20

    الصورة الرمزية itsonlyme

    رقم العضوية : 4695

    تاريخ التسجيل : 21Jan2008

    المشاركات : 2,021

    النوع : ذكر

    الاقامة : مصر

    السيارة: None

    السيارة[2]: None

    دراجة بخارية: مفيش

    الحالة : itsonlyme غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة ahmed4000 مشاهدة المشاركة
    ضمنيا دى مش موجودة فى القانون ودى المشكلة اللى بنقع فيها كلنا اننا مبنقراش اى اتفاقية خصوصية على اى موقع وبنسجل مباشرة
    نسيت أقول ضمنياً وأدبياً.

    صحيح في القانون مفيش "ضمنياً" بس في مسؤولية أدبية وأخلاقية للشركات.
    على الأقل حفاظاً على سمعتها.



 
صفحة 2 من 3 الأولىالأولى 1 2 3 الأخيرةالأخيرة

المواضيع المتشابهه

  1. شهادة البيانات
    بواسطة amr_elrashidy في المنتدى ساحة المرور وموضوعات التأمين في مصر
    مشاركات: 12
    آخر مشاركة: 04-09-2013, 06:31 PM
  2. شهادة البيانات
    بواسطة pirlo2000 في المنتدى ساحة المرور وموضوعات التأمين في مصر
    مشاركات: 3
    آخر مشاركة: 22-07-2010, 07:47 PM
  3. مشاركات: 31
    آخر مشاركة: 16-02-2010, 04:31 PM
  4. كابل البيانات للـ E46
    بواسطة MoOoD في المنتدى كــماليــات السيـــارات و الإكسسوارات
    مشاركات: 23
    آخر مشاركة: 31-05-2009, 09:19 AM
  5. شاشة البيانات
    بواسطة ASKAFRAWY في المنتدى أوبـــــل
    مشاركات: 7
    آخر مشاركة: 07-04-2009, 02:13 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2