باب العربية مش عاوز يقفل

**aYaBooY** · 28-09-2009 11:19 AM

الباب بعد ما فتح الصبح مش عاوز يقفل غير لما اشد عليه جامد و لقفل المسوجر يسبت
بس انا عاوز اعرف مين الي بيصلح الباب و ليكم جزيل الشكر

**M.FOUAD** · 28-09-2009 07:43 PM

في صنايعية بتوع ابواب بس اسال اي مبيكانيكي قريب منك

**MOSHAKS** · 28-09-2009 07:54 PM

حصلت معايا من يومين فى البلونيز وئولت فى بالى مهى كده كده بايظه والباب مبيئفلش ففكتها وئولت لو معرفتش اعملها هوديها لاى حد بئا يشوفها وكانت السوسته اللى جوه الباب اللى ورا الاوكره اتئطمت وفكتها وفكيت من السوسته ا تانيه بالزرديه علشان تعوض اللى اتئطم وفكيت الفرش بتاع الباب التانى علشان اشوف السوسته هناك راكبه ازاى والحمد لله ركبتها واشتغل زى الفل جرب كده مش هتخسر حاجه

**aYaBooY** · 29-09-2009 11:37 AM

بشكر الناس الي اتكرمت عليا و ردت الموضوع اتحل امبارح كان نفسي اعملة لنفسي الصراحة بس المشكلة ان الكالون غير تركيبة بداخل الباب بطريقة معقدة جدا هو عبارة عن كتلة مصمتة و مفيهوش ولا مسمار كلة برشام و الحمد لله اتهديت لصنايعي كويس و اعد بيحاول معاه 3 ساعات كاملين و كانت المشكلة من حتة سوستة بداخل الكالون بس كان الاصعب هو تفتيت الكالون نفسة