إزاي أعلي أو أوطي الدبرياج بنفسي في ال124 ؟؟

**TheGhostFish** · 29-09-2009 03:37 PM

أنا عندي عربية 124 ودبرياجها مغلبني وبيوطى لوحده كل كام يوم
وأضطر أروح للميكانيكي أدفع 5 جنيه علشان يعليهولي ويرجع تاني

1- أنا عايز أعرف الميكانيكي بيعمل إيه تحت العربية علشان أعمله بنفسي

2- ولو حد يعرف العيب اللي بينزل الدبرياج لوحده ياريت يقول
مع العلم إنه لما بيوطى لوحده بيبقى صعب جدا أجيب الغيارات ومع الضغط بكل القوة على الدبرياج

**aYaBooY** · 29-09-2009 03:53 PM

الدبرياج عندك زيت او باكم ولا واير او سلك

**TheGhostFish** · 29-09-2009 04:05 PM

المشاركة الأصلية كتبت بواسطة ayabooy

الدبرياج عندك زيت او باكم ولا واير او سلك

الدبرياج عندي سلك يا باشا

**aYaBooY** · 29-09-2009 04:10 PM

عظيم عليك انك تعمل الاتي
تاخد نفس عميق و تغطس تحت العربية و تتبع السلك ده لحد ما توصل لحتة منه فيها صمولة و متحملة على حتة فبر و ديه الي بتحدد طول او قصر الدبرايج هاتربط الصمولة و تظبط الدنيا لنفسك بس
ممكن تكون الصامولة ديه مفوتة عندك علشان كدة بتغير وضعها كل فترة و طبعا حلها انك تركب عليها صمولة تانية تربط كويس عليها

**newhansol** · 29-09-2009 04:13 PM

شوف يا عم جوست
انت هاتشوف اخر الوير بتاع الدبرياج فين هاتلاقية عند الفتيس راكب فى حتة حديدة وعامل زاوية 90 درجة وفى اخر الوير فى صامولة الميكانيكى بقى بيلف الصامولة دى عادى جدا وهية دى الى بتقصر وتطول المشوار بتاع الدبرياج يعنى لو ربط الصامولة على الاخر هاتشد السلك فاهاتعلى الدبرايج يعنى اقل ضغطة على الدواسة هاتخلية يفصل الغيار على طول ولو فكيت الصامولة دى يعنى بتوطى الدبرايج وبالتالى هاتعوز تضغط على الدبرياج للاخر علشان الغيار يفصل ودة طبعا على حسب راحتك وراحتك رجلك على الدبرياج بالنسبة لموضوع هوة بيفك لية لانك محتاج تحط صامولة تانية زنق ورا الصامولة الى بتلفها علشان تقصر وتطول المشوار ودى الى الميكانيكى مش بيحطهالك هوة بيلف الصامولة وخلاص لانة مكسل يحط واحدة تانية وراها ويقرص عليها وبالتالى عمر الصامولة الاصلية ماهاتلف وتفك لوحدها بفعل الحركة بتاعة الفصل والوصل للدبرياج ف انت تريح نافك وتجيب صامولة تانية تقريبا مقاسها 13 وتحطها ورا الصامولة بتاعة المشوار وخلاص على كدة انسى انى يفك تانى ولا تتحرك الصامولة الاصلية مع الوقت

**TheGhostFish** · 29-09-2009 04:14 PM

المشاركة الأصلية كتبت بواسطة ayabooy

عظيم عليك انك تعمل الاتي
تاخد نفس عميق و تغطس تحت العربية و تتبع السلك ده لحد ما توصل لحتة منه فيها صمولة و متحملة على حتة فبر و ديه الي بتحدد طول او قصر الدبرايج هاتربط الصمولة و تظبط الدنيا لنفسك بس
ممكن تكون الصامولة ديه مفوتة عندك علشان كدة بتغير وضعها كل فترة و طبعا حلها انك تركب عليها صمولة تانية تربط كويس عليها

تمام المشكلة فين ألاقي بداية السلك ده علشان أوصل لآخره
أنا أعرف إنه الدبرياج سلك من الميكانيكي لكن مافكتهوش قبل كده
ياريت لو فيه أي رسم توضيحي للعربية من تحت فين ألاقي الصامولة ديه
وشكرا ليك على المساعدة

**TheGhostFish** · 29-09-2009 04:17 PM

المشاركة الأصلية كتبت بواسطة newhansol

شوف يا عم جوست
انت هاتشوف اخر الوير بتاع الدبرياج فين هاتلاقية عند الفتيس راكب فى حتة حديدة وعامل زاوية 90 درجة وفى اخر الوير فى صامولة الميكانيكى بقى بيلف الصامولة دى عادى جدا وهية دى الى بتقصر وتطول المشوار بتاع الدبرياج يعنى لو ربط الصامولة على الاخر هاتشد السلك فاهاتعلى الدبرايج يعنى اقل ضغطة على الدواسة هاتخلية يفصل الغيار على طول ولو فكيت الصامولة دى يعنى بتوطى الدبرايج وبالتالى هاتعوز تضغط على الدبرياج للاخر علشان الغيار يفصل ودة طبعا على حسب راحتك وراحتك رجلك على الدبرياج بالنسبة لموضوع هوة بيفك لية لانك محتاج تحط صامولة تانية زنق ورا الصامولة الى بتلفها علشان تقصر وتطول المشوار ودى الى الميكانيكى مش بيحطهالك هوة بيلف الصامولة وخلاص لانة مكسل يحط واحدة تانية وراها ويقرص عليها وبالتالى عمر الصامولة الاصلية ماهاتلف وتفك لوحدها بفعل الحركة بتاعة الفصل والوصل للدبرياج ف انت تريح نافك وتجيب صامولة تانية تقريبا مقاسها 13 وتحطها ورا الصامولة بتاعة المشوار وخلاص على كدة انسى انى يفك تانى ولا تتحرك الصامولة الاصلية مع الوقت

المشكلة في موقع الصامولة بالظبط ألاقيه ازاي
يعني هل على امتداد عصا الفتيس تحت العربية؟
أنا بصيت بصة تحتيها قبل كده مالقيتش حاجة واضحة .. فياريت لو فيه أي رسم توضيحي أو وصف دقيق لمكان الصامولة
وشكرا جدا على المساعدة

**lada2010** · 29-09-2009 04:18 PM

بص بدام الدبرياج كل لما تعلى يوطى تانى يباق السلك دا وحش وغير السلك وادفع 5 جينة مرة واحدة واشترى دماغك

**TheGhostFish** · 29-09-2009 04:25 PM

المشاركة الأصلية كتبت بواسطة lada2010

بص بدام الدبرياج كل لما تعلى يوطى تانى يباق السلك دا وحش وغير السلك وادفع 5 جينة مرة واحدة واشترى دماغك

أوكي يا باشا حاشوف موضوع الصامولتين لو مانفعش حاغير السلك

المشاركة الأصلية كتبت بواسطة newhansol

هاقولك حل طالما انت مش لاقى سلك الدبرياج
ارفع العربية وانزل تحتيها وخلى حد يدوسلك على الدبرياج مرتين تلاتة وانت هاتشوف الدراع الى راكب فية السلك بيتحرك
وهوة هاتلاقية لازق فى الفتيس مش موضوع صعب يعنى دة واضح جدا مش مخفى ولا حاجة

تمام فكرة كويسة حاجربها وإن شاء الله تنفع

شكرا ليكم جميعا على المساعدة