الموضوع: عبوات لبن مصنعة من أكياس الزبالة (لبن بخيره)

المشاركة الأصلية كتبت بواسطة kh_talaat

كل اكياس اللبن في السوق مكتوب على الكيس ( في حاله تعذر الحصول على كمية كافيه من اللبن يتم اضافة لبن بودرة ) ..... دور عليها وهتلاقيها ... بس طبعا بتبقى بنسبة معينه مصرح بها

لا يا باشا مش كل انواع اللبن مكتوب عليها كده ..... جهينه اللى فى العلب مكتوب عليه بالبنط العريض (خالى من اللبن البودره) و ممكن تتأكد بنفسك

على فكره انا شغال فى 6 اكتوبر بقالى 8 سنين و ليا اصدقاء فى مصنع جهينه و سألتهم و اتأكدت فعلا من الأتى :

1- لبن جهينه اللى فى العلب يعتبر لبن درجه اولى (لخلوه من اللبن البودره)
2- لبن بخيره و كل منتجات بخيره تعتبر درجه تانيه (لوجود مواد صناعيه بها و مكسبات طعم اكثر من الأنواع الأخرى)
3- الدسم فى لبن بخيره دسم صناعى بيكون جاى المصنع فى اجوال و يضاف الى خلطه اللبن

ياريت الجميع يبعد عن منتجات بخيره دى

المشاركة الأصلية كتبت بواسطة ihabyossef

يا أستاذ kh_talaat انا والله مش بكذب حضرتك ولا أي حد وانا مش بدافع لاني ماليش مصلحة
كل الحكاية اني كنت شغال في المجال دة وشفت العبوات دي وهي بتتعمل ودي مش حاجة بتتعمل هنا دي مستوردة وبتتقفل هنا بس وتتعبا

وعلى العموم حقك عليا وأنا مستنيك يوم في اسكندرية ياعم علشان متكنش زعلان

وشكرا

ايهاب

يا فندم انا مش زعلان ولا حاجه وأنا اللي آسف ان كنت وصلتلك معنى غير مقصود

بس زي ما ذكرت لحضرتك الموضوع منقول عن جريدة رسمية ، وأنا شاهدته بنفسي في الساحل الشمالي . ، ونقلت الخبر لتحذير الزملاء في المنتدى

وأنا آسف مره تانيه ان كان كلامي كان محتد عليك بدون قصد ولكني والله كل ما ابغاه هو المصلحه العامه وصحتنا جميعا

المشاركة الأصلية كتبت بواسطة mohamedfawzyhassan

لا يا باشا مش كل انواع اللبن مكتوب عليها كده ..... جهينه اللى فى العلب مكتوب عليه بالبنط العريض (خالى من اللبن البودره) و ممكن تتأكد بنفسك

لاء أنا اقصد اللبن المعبأ في أكياس زي (لبن بخيره - بشاير - انجوي - صباحو) كلهم مكتوب عليهم كدة