عبوات لبن مصنعة من أكياس الزبالة (لبن بخيره)

**kh_talaat** · 28-09-2009 11:26 AM

عبوات لبن مصنعة من أكياس "الزبالة" بالإسكندرية

كوثر الرفاعى عضو المجلس المحلى بالإسكندرية تمسك بالعبوات الملوثة
الإسكندرية- جاكلين منير

تقدمت كوثر الرفاعى عضو المجلس المحلى بالإسكندرية صباح اليوم برسالة عاجلة للدكتور طارق القيعى رئيس المجلس المحلى لمدينة الإسكندرية عن عبوات لبن ظهرت بالأسواق خلال فترات العيد للبن مبستر لإحدى الشركات الشهيرة مدون عليها تاريخ إنتاج 4/9/2009 أى حديثة الصنع ، بعد أن تم استبدال التغليف الداخلى لها فضى اللون الذى يحافظ على سلامة اللبن من التعرض للهواء الخارجى ويجعله فى حالة طازجة بغلاف آخر أسود اللون مصنوع من المادة التى تصنع منها أكياس القمامة السوداء، مما اعتبرها المجلس غير مطابقة للمواصفات.

وأشارت كوثر الرفاعى فى تصريحات لليوم السابع إلى وجود زجاجات مياه معدنية تخالف المواصفات القياسية، وتساءلت عن دور مديرية الصحة ومديرية التموين وحملات التفتيش وجمعيات حماية المستهلك التى تغافلت فى العيد عن طرح هذه المنتجات التى تؤثر على صحة الإنسان بأمراض خطيرة.

من جانبه أشار طارق القيعى- رئيس المجلس المحلى- فى تصريح خاص لليوم السابع أنه سيتقدم فورا ببلاغ رسمى إلى د. سلامة عبد المنعم وكيل وزارة الصحة بالإسكندرية ولاتخاذ كافة الإجراءات اللازمة وسحب المنتجات أو غلق الشركة المخالفة، كما أكد أن السؤال العاجل سوف يناقش صباح الأربعاء القادم بجلسة المجلس الشهرية بحضور اللواء عادل لبيب محافظ الإسكندرية.

مصدر الخبر - جريدة اليوم السابع
اليوم السابع | عبوات لبن مصنعة من أكياس "الزبالة" بالإسكندرية

**ابو ندي** · 28-09-2009 11:44 AM

والله لو بحثنا ورا كل الشركات بتاعه الاغذيه هنلقي بلاوي وربنا يسترها معانا

**kh_talaat** · 28-09-2009 11:49 AM

المشاركة الأصلية كتبت بواسطة vespa200

والله لو بحثنا ورا كل الشركات بتاعه الاغذيه هنلقي بلاوي وربنا يسترها معانا

اللي غايظني في الشركة دي انهم عملوا اسم كبير وسمعه طيبه بين الناس

والناس بقت بتحب لبن بخيره عن اي نوع تاني ، يعني الشركة بتكسب وزي الفل طب ليه الجشع بقى ونغير مواصفات الكيس

**ابو ندي** · 28-09-2009 11:53 AM

اصل البحر بيحب الزياده

**morsi** · 28-09-2009 11:59 AM

حضرتك كاتب فى عنوان الموضوع لبن بخيره.منين عرفت ان دا لبن بخيره خاصة ان الصورة اللى حضرتك ناقلها ممكن تمشى مع انواع اخرى بالسوق زى لبن صباحو مثلاً

**kh_talaat** · 28-09-2009 12:05 PM

المشاركة الأصلية كتبت بواسطة morsi

حضرتك كاتب فى عنوان الموضوع لبن بخيره.منين عرفت ان دا لبن بخيره خاصة ان الصورة اللى حضرتك ناقلها ممكن تمشى مع انواع اخرى بالسوق زى لبن صباحو مثلاً

أولا: الصوره واضحه جدا انه لبن بخيره وكمان اللوجو بتاع الكيس معروف

ثانيا: أنا اشتريت فعلا لبن بخيره اثناء العيد ولقيته غير الكيس فعلا بكيس خفيف كدة وغريب

ثالثا: أنا كتبت اسم الكيس عشان الأعضاء ياخدوا بالهم لأن أكتر مرحله عمريه بشربوا اللبن دة هما اطفالنا الغلابة اللي محدش بيرحمهم من التجار الجشعين دول

**morsi** · 28-09-2009 12:09 PM

المشاركة الأصلية كتبت بواسطة kh_talaat

أولا: الصوره واضحه جدا انه لبن بخيره وكمان اللوجو بتاع الكيس معروف

ثانيا: أنا اشتريت فعلا لبن بخيره اثناء العيد ولقيته غير الكيس فعلا بكيس خفيف كدة وغريب

ثالثا: أنا كتبت اسم الكيس عشان الأعضاء ياخدوا بالهم لأن أكتر مرحله عمريه بشربوا اللبن دة هما اطفالنا الغلابة اللي محدش بيرحمهم من التجار الجشعين دول

فعلاً كلام حضرتك صح لانى برضه بستعمل لبن بخيره بصفة مستديمة وحاسس انه بقاله فترة خفيف عن الاول وطعمه متغير مش زى الاول وكمان الكيس اتغير بس ماأخدتش بالى ان الكيس بقى خفيف الا لما انت قلت فقمت شفته فى التلاجه لقيته فعلا خفيف.والله الواحد مابقاش عارف يلاقيها منين ولا منين فى موضوع الغش ده.عموماً الف شكر ليك على تنبيهنا.

**morsi** · 28-09-2009 12:35 PM

ونسيت اقول لحضرتك كل سنة وانت طيب وعقبال 100 سنة

**kh_talaat** · 28-09-2009 12:39 PM

المشاركة الأصلية كتبت بواسطة morsi

ونسيت اقول لحضرتك كل سنة وانت طيب وعقبال 100 سنة

وأنت بألف خير وسعادة .... وشكرا على تهنئتك الرقيقة

بس متشربش لبن بخيره تاني

هههههههههه

**dode2002** · 28-09-2009 02:27 PM

انا من غير معرف الموضوع لما جيت اشتريه ولقتهم بدلو العبوه باخري شكلها مقرف رفضت اشتريه ورجعته تاني الثلاجه بتاعة السوبر ماركت بس مكنتش اعرف والحمد لله