عبوات لبن مصنعة من أكياس الزبالة (لبن بخيره)

**zaza_lanos** · 01-10-2009 10:32 AM

الضمائر ماتت من زمان
ومفيش حد بيسيطر عليها

**kh_talaat** · 01-10-2009 12:35 PM

سؤال لوزيري الصحة والتضامن حول انتشار عبوات ألبان اطفال بالاسكندرية دون رقابة

قدم خالد خيرى عضو مجلس الشعب سؤالا لوزيري الصحة والتضامن الاجتماعي حول انتشار عبوات ألبان اطفال بالاسواق بمحافظة الاسكندرية دون تدخل او رقابة مديريات الصحة والتموين.
وقال خيرى ان هذه العبوات ظهرت بكثرة بالاسكندرية فى نهاية شهر رمضان وايام العيد لاحدى الشركات الشهيرة مدون عليها تاريخ انتاج "سبتمبر 2009" ولكن بعد ان تم استبدال الغلاف الداخلى لها - فضى اللون الذى يحافظ على سلامة اللبن من التعرض للهواء الخارجى ويجعله فى حالة طازجة - بغلاف اخر اسود اللون مصنوع من المادة التى تصنع منها اكياس القمامة.

وتساءل عضو مجلس الشعب عن دور مديرية الصحة ومديرية التموين وحملات التفتيش وجمعيات حماية المستهلك فى منع انتشار هذه العبوات المؤثرة على صحة المواطنين مطالبا باتخاذ الاجراءات
اللازمة ضد هذه الشركات وسحب منتجاتها من الاسواق.

المصدر: موقع مصراوي عن وكالة انباء الشرق الاوسط.
سؤال لوزيري الصحة والتضامن حول انتشار عبوات ألبان اطفال بالاسكندرية دون رقابة

**yse** · 01-10-2009 12:43 PM

وهـــــو ده العـــادي لشعب مصر ؟؟؟

انتو عايزين تاخدوا كل حاجة حلوة ايه الطمع ده يا أخي

أنت عايز الحليب بتاع الفقراء يتحط في قزايز البيرة بتاعة البهاوات

شعب فرعوني صحيـــح مايعجبوش العجب ولا الصيام في شهر رجب

وأحب أقول دايما بص للجانب المليان من الكيـــــــــــــــس وإن هما لسه مغيروش في اللبن ؟؟؟؟؟؟؟؟؟؟؟هههههههههههههه

**ihabyossef** · 01-10-2009 06:25 PM

يا جماعة واحدة واحدة

أولا استحالة يتغير الكيس بتاع اللبن أو العصير لسبب بسيط أن الأكياس دي تبع شركة عالمية أسمها " تتراباك" - اسسها سويدي -ودي بتصنع وتعبي اللبن والعصير بتكنلوجيا عالية جدا وبتعقيم شديد جدا ولو في اى خلل في العبوة بتترفض من على خط الأنتاج والعبوات دي بتبقى عبارة عن بكرات كبيرة جدا بتيجي مستوردة من السعودية وبتقفل العلبة وبتتعقم أثناء التعبئة والمنتج بيتراقب من الشركة الأم في السويد يعني الموضوع مش سايب

وهذا للتوضيح

مع أطيب تحياتي
م/ ايهاب يوسف ( صيانة تتراباك " سابقا " )

**A.Saad** · 02-10-2009 10:37 AM

المشاركة الأصلية كتبت بواسطة dr.nemo

انا شوفت الموضوع ده عندنا في المنوفية من سنة او اقل تقريبا
ولما سألت عنه قالوا ان الكيس المغلف لما بيبقى غامق او اسود
بيمنع تأثر اللبن المحفوظ بدرجة الحرارة والاضاءة
اللي ممكن تفسد المادة الحافظة للبن (بنزوات الصوديوم)
وانا من ساعتها مبشربوش خالص
وبقينا نجيب لبن طازج احسن وأضمن منه مليون مرة
بس أنا للأسف مش بحب طعمه

الكلام العلمى من مهندس صناعات غذائية تخصص البان وحاصل على ماجستير
ان اللبن فيه دهون وفيتامينات بتتاثر بالضوء والمادة السوداء دى بولى اثيلين غذائى يعنى مش مضر للانسان
الهدف منه انه بيمنع دخول الضوء حفاظا على اللبن

**kh_talaat** · 04-10-2009 10:25 AM

المشاركة الأصلية كتبت بواسطة ihabyossef

يا جماعة واحدة واحدة

أولا استحالة يتغير الكيس بتاع اللبن أو العصير لسبب بسيط أن الأكياس دي تبع شركة عالمية أسمها " تتراباك" - اسسها سويدي -ودي بتصنع وتعبي اللبن والعصير بتكنلوجيا عالية جدا وبتعقيم شديد جدا ولو في اى خلل في العبوة بتترفض من على خط الأنتاج والعبوات دي بتبقى عبارة عن بكرات كبيرة جدا بتيجي مستوردة من السعودية وبتقفل العلبة وبتتعقم أثناء التعبئة والمنتج بيتراقب من الشركة الأم في السويد يعني الموضوع مش سايب

وهذا للتوضيح

مع أطيب تحياتي
م/ ايهاب يوسف ( صيانة تتراباك " سابقا " )

تحب حضرتك ابعتلك الكيس على البيت ؟؟؟؟؟

والله حضرتك بتفكرني لما المسئولين بتوعنا يطلعوا في التلفزيون ويقولوا كل شيئ تمام .... أنا مش عارف حضرتك بتكدب الجريدة ولا بتكدب مسئولي المجلس المحلي في اسكندرية ولا بتكدب عضو مجلس الشعب اللي عمل استجواب في البرلمان ولا بتكدب مين بالظبط ؟؟؟ !!!!

على العموم أنا نقلت الموضوع من الجريدة دة أولا

وشفت الأكياس الجديدة دي بنفسي وللأسف أشتريتها في الساحل الشمالي أثناء فترة العيد دة ثانيا

لكن لما رجعت القاهرة لقيت الأكياس القديمة زي ماهي يعني الأكياس دي موجودة في اسكندرية فقط والله على ما أقوله شهيد

**Terrible_DaRsH** · 04-10-2009 11:19 AM

تصدق و الله فى كيس بخيره فى التلاجة و خايف اقرب له :)

على العموم انا حذرتهم منه .

**Mohamed.Fawzy** · 04-10-2009 12:21 PM

انا مبحبش بخيره لآنه مصنع من البن البودره و الكلام ده مكتوب على الكيس

**kh_talaat** · 04-10-2009 12:25 PM

المشاركة الأصلية كتبت بواسطة mohamedfawzyhassan

انا مبحبش بخيره لآنه مصنع من البن البودره و الكلام ده مكتوب على الكيس

كل اكياس اللبن في السوق مكتوب على الكيس ( في حاله تعذر الحصول على كمية كافيه من اللبن يتم اضافة لبن بودرة ) ..... دور عليها وهتلاقيها ... بس طبعا بتبقى بنسبة معينه مصرح بها

الموضوع: عبوات لبن مصنعة من أكياس الزبالة (لبن بخيره)

LinkBack

أدوات الموضوع

عرض

-

-

-

-

-

المواضيع المتشابهه

إطلاق أول تويوتا مصنعة بالكامل في مصر خلال شهرين

الاقى فين عبوات stp لتنظيف دورة الوقود بالمنصورة ؟؟

إيران تكشف عن أول سيارة بيجو مصنعة محليًا

عبوات غسيل الرادياتير

الكلمات الدلالية لهذا الموضوع

المفضلات

المفضلات

ضوابط المشاركة