الجمعة الموافق 4-12-2009
ولا قصدك الجمعة اللى بعد كده الموافق 11-12-2009
السلام عليكم ورحمة الله وبركاته
النهاردة شوفت منظر كوميدى
مع احترامى لكل الناس اللى عندها اى عربية مهما كان نوعها
واللى انا بكتبه ده مجرد رأى يحتمل الصواب والخطأ والإختلاف فى الرأى لا يفسد للود قضية
نخش على الموضوع
شوفوا يا جماعة دى صورة عربية هيونداى اكسيل 1996
حاجة عظمة قوى
شكل
منظر
مية مية
http://img697.imageshack.us/img697/6...xcelsprint.jpg
http://img143.imageshack.us/img143/5...xcelsprint.jpg
لكن المفاجأة ان العربية دى عبارة عن "ورق"
ده جزء من الداخل بعد مطب محترم "صاحب السيارة دخل بالعربية رالى" وحب يعيش فى الدور ودى كانت النتيجة
انا ما اعرفش ايه هو الجزء ده بالتحديد فى العربية
لكن فى الصورة الجزء الايسر هو السليم
والجزء الايمن "عليه العوض" اتفرج وعايز رأيك
http://img442.imageshack.us/img442/9918/1996o.jpg
والمفاجأة الأخيرة
العربية هنا هيونداى اكسيل ... وصاحبها "قال ايه عايز يشدها"
بس واضح انه المفروض الأفضل له انه يشدها على "المشرحة" احسن له هههههههههههه
شوف الحوض بتاع العربية متقطع ازاى
انا طبعا موش عارف بيحاول يعمل فيه ايه
http://img228.imageshack.us/img228/8...struttower.jpg
شوف هنا الأسد العجوز
اكثر من 30 سنة شغل اشغال شاقة مؤبدة
ورغم ذلك الحوض "مية مية زى ما هو"
http://img690.imageshack.us/img690/4273/50443623.jpg
للأسف فيه فرق بين انك عايز عربية تركبها وتعيش معاك "عشان تركز فى اكل عيشك وفى اسرتك"
http://img143.imageshack.us/img143/2818/52295744.jpg
وبين عربية اتعملت عشان "ترمى فلوس عليها"
فى انتظار آرائكم القيمة
مع اطيب التمنيات
اخوكم حسين غزالة
السلام عليكم ورحمه الله وبركاته
ازاي حضرتك يا استاذ حسين
هو الظاهر ان صاحب العربيه كل مطب محترم أثر علي البطاحات وكده يبقي العربيه ضاعت لان دي من اساسات العربيه وهي اللي بتبقي ماسكه المساعد في جسم العربيه ولما بتتعرض لحادثه وتتأثر البطاحات دي بتبق العربيه كده انتهت اساسياتها في الضياع وتقريبا الجزء التاني ده قاعده موتور اتأثرت برضه
عموما المثل بيقولك
ياتركب 504 ياتركب مكانها من العاديه اربعه
بسم الله الرحمن الرحيم
مية مية يا اسلام
ضحكتنى جامد
خصوصا لما قرأيت "المثل" الجميل اللى انت كتبته
سؤال
شوف الصورة دى
http://img265.imageshack.us/img265/1107/floor1.jpg
واضح ان فيه "صدأ" فى ارضية السيارة
والراجل هنا بيحاول يعمل حاجة "انا موش عارفها" عشان يحافظ على العربية
http://img301.imageshack.us/img301/3761/por15.jpg
http://img301.imageshack.us/img301/6...edinterior.jpg
السؤال
اذا كان "رش" السيارة من الداخل يقلل من قيمتها
كيف يحافظ اصحاب السيارات القديمة على سياراتهم بدون رش السيارة بأى دهان
يعنى "السمكرى" ازاى هايصلح العيوب دى بدون مشاكل فى حالة إعادة البيع
مع اطيب التمنيات
اخوكم حسين غزالة
دايما البارومه علاجها الوحيد هو قطع الصاج المصاب ووضع صاج بداله ودهانه واهم حاجه ان البارومه ماتوصلش للبطاحات والقوايم
مساء الفل يا اسلام
طيب ما العربية مجرد ما السمكرى قطع صاج فيها وغيره
يبقى كده خلاص "ماعدتش فابريكة" زى ما بيقولوا
وبقت عاملت زى اللى رشة دواخل وسعرها ينزل جامد جدا ... ولا ايه رايك
النهاردة كانت آخر حصة لى فى مدرسة القيادة
كالعادة ضم لى حصتين فى حصة
الله اعلم يمكن شايف انى ماشى كويس ومافيش داعى انى اروح المشوار ده تانى
وخرجنا مشينا شوية فى شوارع شيراتون
ولاول مرة اوصل بسرعة العربية الى 60 كيلو
يعنى على ادنا ههههههههههههههههه
كان آخر تمرين "يو تيرن" لكن المرة دى بالأقماع
والاقماع موجودة يمين وشمال
وفى نهاية التمرين
"ضيق" الاقماع جامد ... واليو تيرن اصبح ضيق جدا
المهم الحمد لله وبفضله انجزنا التدريب ده
ويوم الاثنين القادم ... هايكون يوم "عالمى" فى ادارة المرور ... ربنا يستر
وانا رايح مدرسة القيادة كنت راكب تاكسى بيجو 504
ام الاولاد بتقول لى انت "بتنأى" التاكسيات البيجو بالذات
ههههههههههههه
قلت لها لا والله ده مجرد صدفة
خصوصا ان فيه منها كثيير جدا شغال ومافيش حد فيهم دخل احلال
منتظرين لآخر المهلة الثلاث سنوات وبعد كده يقلبوها ملاكى ومايسلمهاش برده
المهم صاحب التاكسى كان راجل كبير فى السن
وسألته ايه رايك
قال لى "مية مية"
لو انت جايبها عشان تحتفظ بها ... يبقى خلاص اهم حاجة يكون معاك حد بيفهم
وتشترى حاجة نظيفة خصوصا لو كانت "خرج بيت"
ومادام انت شاريها عشان مشاويرك يبقى موضوع البنزين ده ما تحملش همه
حتى لو ركبت غاز ... ممكن يكون قسط بحوالى 130 جنيه فى الشهر لمدة ثلاث سنوات
قال لى انت موش هاتمشى 50 كيلوا كل يوم
قلت له لأ ده انا كثيرى 20 كيلوا .... كل يوم ده اذا انا مشيتهم اصلا
خلاص سيبك من موضوع الغاز ده واتوكل على الله
ربنا ييسر الاحوال
امبارح ركبت تاكسى وانا مروح البيت
السواق قال لى ده فيه ضباط مرور قالوا لى موضوع الاحلال ده عمره ما هايحصل ده قرار تسليم العربيات للسائقين الاجرة بقاله اكثر من 6 اشهر ومافيش اى سائق استلم اى عربية ... فما بالك بالملاكى
وكمان امامهم على الاقل موش اقل من 15 سنة على ما يخلصوا من الموضوع ده
اما فى موضوع شراء سيارة مستعملة
كان رأيه
اشترى سيارة ما تخسرش فيها كثيير اذا فكرت تبيعها
مثل الهيونداى اكسيل او اكسنت وانها عربيات جميلة ومطلوبة .... الخ
دخلت على رابطة الهيونداى ... ما كملتش صفحتين ... بمجرد ما قرأت شوية مشاكل فى العربية ... ولسه بيقولوا "الصاج" والعفشة ... الخ
قلت كفاية كده .... دى عربيات ورق .... والله اعلم
منتظر منكم ملاحظاتكم وارائكم القيمة
والأهم دعواتكم لى
مع اطيب التمنيات
اخوكم حسين غزالة
هو البيجو واللى جبوا . عرفوا انه اصلى يتنسيش
بسم الله الرحمن الرحيم
صباح الفل يا هيرو
انتم فين يا عم
ايه سر الإختفاء ده .... الدراسة .... ماحدش بيروح والحجة موجودة "انفلوانزا الخنازير" ههههههههههههه
امبارح كنت بقلب فى الموقع ووجدت واحد عامل مشاركة من سنة 2008 ... المشاركة ظاهرها انه بيشكر فى البيجو 504 ... ولكن لما تقرأها ... فضل يكسر فى "مآدفها" ....
مرة يقول دى راحت عليها
ومرة يقول الجديد طول عمره جديد
ومرة يقول دى مالهاش قطع غيار ... واللى موجود مضروب وغالى
يعنى بصراحة كره الواحد فى العربية من غير ما يركبها
الحسنة الوحيدة انه اقترح تركب 405 او 505
قلت لنفسى ... منين يا حبيبى .... العربية النظيفة اللى ما تكلفنيش مصاريف عايزه فلوس صح
فيه واحد ثانى عامل مشاركة يوضح فيها خطوات تجديد رخصة السيارة
كويس كتر خيره
لكن للأسف "سد نفس الواحد"
وعمله "رعب" من غير ما الواحد يروح المرور هههههههههههه
وحسس الواحد ان تجديد رخصة السيارة ده "عذاب وارف" وانه صعب جدا ومستحيل
لدرجة يخلى الواحد يفضل انه يكون بطوله ومايشتريش سيارة عشان بهدلة تجديد ترخيص العربية
الاسبوع الجاى إن شاء الله هانزل سوق السيارات بعد صلاة الجمعة ... اشوف الدنيا عاملة ايه
سمعت ان الاسعار دلوقتى مريحة قوى والسوق نايم ... والشهر ده "فرصة للى عايز يشترى"
اعتقد مرة اسلام قال لى: ان قطع الغيار الاساسية موجودة "لكن الرفايع" داخل السيارة صعب تلاقيها مثل اى عربية قديمة
ازيك يا استاذ حسين
اولا قطع الصاج الحته دي اسمه صاج الدواسه وده لما بيتغير لو مابيأثرش علي حاجه زي الرفرف كده الاهم هو الحوض والشنطه والقوايم
بالنسبه لمشوار المرور فده طبعا مشوار متعب ومقرف وممكن تاخدلك يومين تلاته علشان تخلص حاجه بسيطه ربنا يعينا وماقولتلناش اخبار السوق ايه
استاذ حسين ازيك عامل ايه
اتمنى من الله انك تكون انت والأسرة باحسن صحة وحال
وخصوصا الكتكوتة الصغيرة
ليك وحشة يا راجل
والله هى حكاية اعطال فى النت بس الحمد لله ابتديت تظبط
زى مقولت لك ال 405 واوعدك كل اللى نفسك فيه هتلاقيه فيها
وبالنسبة للصيانة سبها عليه وباقل الاسعار
حكاية المرور بقي تعتبر العلقة الثانوية لى مواطن
ولو هتريح دماغك وتدفع 100 ج لواحد فى الأدارة هيجبهالك خلصانة من غير طوابير وزل ومخلفات
بس عادى ربك بيسهلها مفيش احسن من الأعتماد على النفس
بس مشكله روتين ليس إلا وربك بيفرجها فى الاخر
وياريت نصحية أخاويا ياريت تسيبك من كلام الناس خلى عندك ثقة فى نفسك وأعمل أستخارة وربنا هيوجهك وبلاش تشتت
والسلام ختام