جينا عملت حادثه تانيه فى خلال شهر ... يالهوى يانى يابا

**toreador** · 01-10-2009 06:04 PM

قدر اللة ما شاء فعل وصاحبى تانى يوم العيد بالجين بتاعتة خبطتة لانسر عالبحر ضيعتلة فانوس وجنب الشنطة
دى عين وصابتنا يا رجالة

**نور القمر** · 01-10-2009 06:40 PM

ربنا يعوض عليك ومنهم لله المفترين اللي عينيهم مدورة ومقورة دول :b4_444:
انت محتاج حد يرقيك ويبخرك انت والعربية
رقيتك بالحنجل بالمنجل من عين سنية ام برجل وعين عطية المسترجل
بصراحة كنت بتمنى اشتري عربية زيرو بس الحوادث اللي بشوفها في الزيرو كرهتني في الزيرو
ربنا يديم علينا نعمة المستعمل اهو برضو بياخد العين

**MTAK** · 01-10-2009 10:02 PM

معلش يا اسلام
ده حال الدنيا
اسلوبك لذيذ
كنت بتاخد كام فى التعبير فى اعدادى :)
--
متزعلش نفسك
ما انا باخدك معايا الشغل فى عربيتى ...يالا

**toreador** · 02-10-2009 02:17 AM

ربنا يباركلك ويكمللك الجوازة على خير بس خبى العربية اليومين دول بقى والف شكر على مساعدة انا ركنت العربية لغاية ما اخلص امتحاناتى وبعدين افكر اعمل فيها اية وشكلها هاترسى على التوكيل وان شاء اللة هابعتلك رقمى عالخاص واكلمك

**Ayman_52** · 02-10-2009 02:21 AM

المشاركة الأصلية كتبت بواسطة toreador

سبحان اللة بجد انا قريت التوبيك دة امبارح بالليل ونمت, صحيت النهاردة الصبح نازل للعربية لقيت الغطا بتاعى من ورا مقطع بطرقة غريبة , اول ما شوفتة لا فكرت فى كلاب ولا قطط ,افتكرت التوبك بتاعك على طول, المهم جريت برفع الغطا لقيت الشنطة اخدة خبطة بعرضها ومطبقاها وخصوصا من فوق, والاكصدام مقطع تقريبا بالعرض فوق اللوحة وعلامة البروتون ضايعة وطبعا الفاعل كالعادة مجهول الغريبة انى كنت راكنها بوشها وجنبى جوليت ومن الناحية التانية نوبيرا اللى المفروض انها اطول من الجين يعنى لو حد داخل بعكس العربيات ماهى راكنة المفروض هى اول واحدة تتاكل لكن سبحان اللة جات فى دى

وسبحان اللة بردو انة فى نفس يوم حدثتك وهو تالت ايام العيد كنت راكن العربية فى الشاع بس مش مغطيها وقدامى شاهين وورايا كروزر وسيبها فى الشارع الواسع اللى هو ون واى المفروض وروحت البحر انا والعيلة ورجعت اخر النهار لقيت العربية اخدة خبطها فى الجنب اليمين واخدة الباب اللى ورا كلة بالعرض بخط كبير وعريض وجاى عند اخر الباب مع التحامة بجسم العربية فمطبهقا وخارمها خرم واسع واصح لقرب فتحة التانك وباب التانت ومتاكل كلة ونتيجة لكد جنبها اللى جنب الرصيف اللى هو الجنب الشمال حاكك فى الرسيف ومتجرح يعنى تقريبا نفس طريقة خبططك وفى نفس اليوم
بس الغريبة انى مش خاطب ومن بعد الحدثتين اساسى مش هافكر فى حوار الخطوبة دلوقتى خالص

لا حول ولا قوة إلا بالله

مش عارف اقولك ايه ... ربنا يعوض عليك وتتصلح وترجع زى الفل ان شاء الله

ولو عاوز اى حاجه احنا اخوانك ... وتحت امرك فى اى حاجه

----

ربنا يحفظلك طريقك وطريق كل الناس ... ويكفينا شر الطريق

**toreador** · 02-10-2009 02:25 AM

استاذ ايمن انا فخور ان فى شخص زيك فى المنتدى و الله وربنا يكرمك وانا كنت من نفسى هاطلب من حضرتك تقولى اعمل اية بس انا امتحانات الباكلريوس يوم السبت فمش هابقى فاضى لمدة شهر وكنت مستنى اخلص واكللم حضرتك لانى مش عارف اعملها فى التوكيل ولا برة
تانى شكرااااااااااااااا وربنا يخليك لينا

**نور القمر** · 02-10-2009 02:39 AM

المشاركة الأصلية كتبت بواسطة densfog

هههههههههههههههههههههههه كنت فين حضرتك قبل الحوادث دى كلها .... بالله عليك عايز اجى لحضرتك تعملى حجاب ضد الخبطات وواحد تانى ضد الجيوب الخاويه ... قشطه ؟؟ .... وربنا يبارك لحضرتك فى الاكسيل ويحميهالك

حجاب ايه !!!
باب النجار مخلع
انا ولله الحمد ماشية بمعدل حادثة لكل شهر
مش شرط حادثة حادثة لا يعني ممكن ابوظ مارش مثلا او اقطع كاوتش وابوظ الجنط
بس طبعا الاكسيل ارحم في تكاليفها ..... تبدل ؟

**jisso82** · 02-10-2009 04:06 AM

المشاركة الأصلية كتبت بواسطة densfog

ياعم نفسى اعرف مين فينا المسخره ... فاكر اخر مقابله لما كان عندك الضغط ومكونتش قادر تفتح عينك ... واول ماروحت الكافيتيريا مع الشباب وشوفت حاجتين حلوين هناك الضغط وطى و الدمويه ردت فى وشك وعينيك فنجلت .... لاحول ولا قوه الا بالله ... ماتتجوزوا بقى .... بس ابوس ايدك قبل الجواز بحوالى شهرين ياريت متجيش ناحيه العربيه خالص ... اديك شايف اللى بيحصل معايا ...

و انت إيش عرفك باللى حصل فى الكافيه يا إسلام ده أكلت و فكيت علطول انت ليك جواسيس عندنا ولا إيه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟

بس على فكرة ضحكوا عليك أنا مش هنكر إن نص الكلام صح بس أنا مش فضلت مغمض عينية ده أنا نمت خالص و صحيت فى آخر القعدة على الخناقة

**densfog** · 02-10-2009 07:25 AM

المشاركة الأصلية كتبت بواسطة toreador

ربنا يباركلك ويكمللك الجوازة على خير بس خبى العربية اليومين دول بقى والف شكر على مساعدة انا ركنت العربية لغاية ما اخلص امتحاناتى وبعدين افكر اعمل فيها اية وشكلها هاترسى على التوكيل وان شاء اللة هابعتلك رقمى عالخاص واكلمك

ياباشا ربنا يوفقك وتمتحن على خير ( هى امتحانات ايه اللى شغاله لحد دلوقتى دى؟) وتخلص بتفوق باذن الله ... ولو احتجت اى حاجه ماتترددش ... بيتهيألى على متخلص هأكون زهقت من الجواز وبتنشق على اى حد يطلعنى بره البيت (مصلحه مشتركه يعنى)

المشاركة الأصلية كتبت بواسطة toreador

استاذ ايمن انا فخور ان فى شخص زيك فى المنتدى و الله وربنا يكرمك وانا كنت من نفسى هاطلب من حضرتك تقولى اعمل اية بس انا امتحانات الباكلريوس يوم السبت فمش هابقى فاضى لمدة شهر وكنت مستنى اخلص واكللم حضرتك لانى مش عارف اعملها فى التوكيل ولا برة
تانى شكرااااااااااااااا وربنا يخليك لينا

هو حضرتك بتتكلم عن ايمن بتاعنا ده .. اللى ناططلنا فى كل موضوع ... لو اتقال لأيمن يا أستاذ يبقى على الله حد يقولى أقل من بروفيسير ..... صحيح أرزاااااااااااااااااااااا ق

المشاركة الأصلية كتبت بواسطة نور القمر

حجاب ايه !!!
باب النجار مخلع
انا ولله الحمد ماشية بمعدل حادثة لكل شهر
مش شرط حادثة حادثة لا يعني ممكن ابوظ مارش مثلا او اقطع كاوتش وابوظ الجنط
بس طبعا الاكسيل ارحم في تكاليفها ..... تبدل ؟

لا حول ولا قوه الا بالله .... هى شكلها كده ( زيرو بحوادث أو مستعمل بأعطال ) ... وبصراحه انا اخترت الحل الأولانى ..بس على شرط مأكونش فى العربيه ساعه الحادثه ... فكان نفسى اخدمك ... بس بصراحه المرحومه عزيزه عليا أوى

... كده قلبتى عليا المواجع

المشاركة الأصلية كتبت بواسطة jisso82

و انت إيش عرفك باللى حصل فى الكافيه يا إسلام ده أكلت و فكيت علطول انت ليك جواسيس عندنا ولا إيه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟

بس على فكرة ضحكوا عليك أنا مش هنكر إن نص الكلام صح بس أنا مش فضلت مغمض عينية ده أنا نمت خالص و صحيت فى آخر القعدة على الخناقة

ياعم ده كل الناس كانت بتتكلم عليك ياخلبوص

..... الله يسهلوه يابا
هيثوم أبوس ايدك اختفى بعربيتك دلوقتى .... 80% من اللى معاهم جينا الأيام دى اتلطوا بحاجه ... لأحسن كده أيمن حيضيع مننا .... كل ربع ساعه واحد يتصل بيه يقولوا ايمن الحقنى انا عملت حادثه ... ده اتصل بيا امبارح بالليل وكان منهار بالذات بعد حادثه محب .... ربنا يخرجه منها على خير