الموضوع: عايز أظبط الاسبراتير و أعلي أو أوطي الماتور بنفسي , ازاي و منين ؟

هو لف الأسبراتير فى أتجاه التزويد
غالبا يمينا (زى ماتكون بتربط قلاووظ )
بيعلى كهربة العربيه
والعكس صحيح فى الأتجاه التانى

بس من رأيى طالما لم يتم عمل أى شىء فى كهربة العربيه
يفضل الذهاب مره تانيه لميكانيكى أفضل لضبط عيار مسمار الهواء ومسمار البنزين (الموجودين على جانب الكربوراتير )
مع الأطمئنان على فلتر الهواء بالمره

الصوت ممكن يكون بسبب جون الفرن محتاج تغيرر ..والله اعلم
بس هو بيكون السبب لو الصوت بتحس انه تنفيش وخشونة زي الشكمان ...لما يكون مخروم مثلا
وربنا يوفقك

معلش انا عارف والله ان انا كل شويه بطلعلك كده فى المواضيع وقارفك انا عارف معلش استحملنى.

ياباشا متقولش الكلام ده
دا الواحد بيبقى سعيد مع أى نقاش
لأنك بالنقاش
أن لم تفيد ....فأكيد ستستفيد
ومن خلال توقعى وتخيلى أنه بيتم عمل موائمه
بين لحظة أطلاق الشراره وموقع البستم فى نهاية شوط الأنضغاط
قبل النقطه الميته العليا بوقت موائم لحريق مظبوط
من خلال التحكم فى ال ignition time

يعنى بأجعل موائمه فى موعد أطلاق الشراره اللى أنا عاوزه
وبالتالى بيحصل تعديل فى وقت الحريق الطبيعى لكل أسطوانه
أما جهاز الadvance (بالأسبراتير )بيشتغل من خلال ظروف التخلخل الحادث تحت باب الكربوراتير
(من خلال فاكيوم الأدفانس )

بفرض كمان ان ال Distributor مافيهوش اى حاجه تعمل ِ Advance Or Retard for the Spark ??? او ال Distributor فيه بس خط ال Vacuum مقطوع لسبب ما ( واكيد حضرتك عارف شغل بليه وان اى خرطوم مش بيعجبه بيروح شايله ويقول مالوش لازمه !! )

لما بيختل عمل خرطوم الفاكيوم لأى سبب
هنا بيحصل خلل فى سرعة المحرك على السلانسيه (المكنه بترعش )
ومع السرعات العاليه بتبوظ نغمة الحريق engine tuning

وبالتالى توقع أى شىء
دق وخلافه من الأشياء الغير المرغوبه فى آداء المحرك

الله يخليك
يابشمهندس أسامه
وأشكرك على المداخله