الموضوع: التاكسي الأبيض أبو عداد و سرقة عيني عينك

الجديد و اللي لسه عارفه بردو عن التاكسي الأبيض... ان الفيرنا و الدايو (اللي عدادهم قدام القتيس تحت)
بيقلبوا العداد و بيلعبوا فيه, و بيشغالوه سياحي (فتح العداد 7 جنييييييه), و لو مش كده, بيخلوه يعد أكتر من الطبيعي

يعني كنت نازل المهندسين من يومين و راكب تاكسي من دول (فيرنا) و خد من الجيزه لشارع جامعة الدول
17 جنيه..!!!!! على العداد, ما فاصلتش معاه و سكت, قلت يمكن الزحمه مثلا... بعديها بيوم ركبت واحد
تاني وانا رايح المكتب, بس كان اسبيرانزا, فسألته, هو العداد يعمل كام من الجيزه لجامعة الدول؟؟؟؟؟
قاللي بالكتييير وقي 11-12 جنيه....!!!!! قلتله ده العداد عمل 17 جنيه يومها؟؟ قاللي كنت راكب تاكسي
هيونداي فيرنا؟؟؟ قلتله فعلا... قاللي يا باشا بيلعبوا في العداد و بيخلوه يعد أكتر او يقلبوه سياحي الحراميه...
قلتله طيب ازاي, و مافيش رقابه عليهم و لا كشف يبين ده, قاللي لأ, علشان كده كل الجديد بينزل بالعداد
الأسود اللي بيبقى قدام الزبون على التابلوه.....

يعني احذروا من العداد اللي قدام الفتيس تحت ده في الفيرنا و بعض الدايو لانوس....
و خاليكوا افضل في التاكسي ابو عداد اسود فوق التابلوه قدامك على طول لو راكب قدام...