اقتباس:
اوك يا مان كورفت اه زي ما انت قلت محرك اضعاف الايفو و خد وقت عشان يطلع منها و جورفت بدي خفيف جدا لانها عربيه رياضيه بحت عكس الايفو يعني كل المقاييس بتقول الايفو افضل بكثير
مين قال ان الايفو عربية مش رياضية... و مين قال انها اتقل من الكورفيت؟؟؟ كفاية اساسا وزن مكنة الكورفيت لوحدة
اقتباس:
لكن حضرتك سمعت عن الايفو الي في مصر هنا الي مكنتها شيعت من حوالي شهر؟
ليه لانها علق علي سرعه كبيره فتره الموتور قال له جود لك
الحقيقة مسمعتش عنها و لو كنت سمعت عمرى ما كنت حقول انه عيب فى العربية... اى ايفو فى مصر بتبقى عربية جاية من برة متقطعة و ملحومة... يعنى فى الاساس العربية طلع عين ابوها جرى و سباقات برة مصر و لما بدات تبقى كنبة اتباعت بشلن و جة شاب لطيف من مصر ركبها و هى خلصانة
اقتباس:
و غير انه مينفعشي لاستخدام المدينه اي ان التربو مينفعشي يفضل شغال في الحر و الزحمه الي بتكون فيهم مصر لانه هيشيع بردو
معلش اللى بتقولة دة غلط... انا ركبت تربوهات بايدى و عارف كويس اوى التربو بيشتعل امتى و ازاى و يقدر يعمل ايه و القصة ملهاش علاقة لا بزحمة و لا حر
اقتباس:
و زي ما قلت لك انت بشاحن تربو يبقا هتطلع ادام عربيه بشاحن تربو مش هتطلع ادام عربيات اسوك يعني لو ايفو فكره انها ابتعد ففي عريبات من الفا 2000 سي سي بردو تربو قامت بالواجب و زياده مع الايفو و لو عاوز فيديوهات تحت امرك
مش فاهم ايه المعزى من كلامك... راجع فيدوهات best motoring لما قارنوا بين عربيات ستوك و عربيات فيها تربو و بينوا الفرق بينهم... و خللى بالك ان دايما حتلاقى الكلام على عربية بموتور صغير و تربو مقارنة بعربية بموتور كبير N/A و دايما حتلاقى العربية اللى بتربو اسرع
اقتباس:
و مين قال ان الايفو مفهاش ثبات يا مان دي في جير ون ثباتها طلع افضل من اللومبرغيني انا بتكلم عن الكرستالات الي بتتعدل لايفو يا مان اقرء كلامي تاني
الكريستالات اللى بتتعدل ايفو دى مليش فيها ولا هى مجال للمقارنة... دا شغل عك و تاليف بيعملة هواه الفتى و الفهلوة فى مصر... دة مش ذنب شركة متسوبيشى ولا ذنب الايفو ان الناس بتقلدهم
اقتباس:
اما بي ام و مرسيدس فدا موضوع كبير جدا عموما بي ام دائما بتطلع من مرسيدس في اغلب موديلاتها و ده شئ احنا كلنا عرفينه و بعد ال100 مرسيدس هي الي بتفرق و ده بردو شئ مسلم بيه مش محتاج كلام
يعنى احنا مقتنعين ان العملية مش كبر مواتير و خلاص... القصة منظومة ديناميكية متكاملة بتشتغل مع بعضها عشان تحصل على اداء متكامل
اقتباس:
انا مقلتش ان ايفو عربيه وحشه انا بتكلم علي ان استخدام الشواحن التربو و عليها تطلع الشركه و تحسب انها عملت حاجه فدا غلط خالص يعني مثلا يز ما انت بتقول النوبيرا الي طلعت من اودي تت هو اولا انا مش عارف هما طلعو مع بعض ازاي اصلا و ازاي بتاع الاودي عبر النوبيرا و رضي يطلع معاه و يا شطارت الفرنا لما تطلع من الاكوتفيا بسهوله:B4_388:
على فكرة الشدات اللى بقول عليها بيبقى اللى راكب العربات التانية هو اللى عايز يجرى معانا لانة شايف النوبيرا سريعة فا بيحب يعلم عليها (او على الاقل بيبقى فاكر انه حيقدر يعلم عليها) و فى الاخر هو اللى بيتعلم علية و 99% من المرات بيوقفنا عشان يشوف المكنة اللى فيها شكلها ايه و بتطلع الاداء دة ازاى... و اخرهم كان واحد ب E39 فيها مكنة 2800
طلعة الفرنا من الاوكتافيا فرق وزن... و ارجع و اقولك تانى لو عايز تمرمط الفرنا متجريش معاها فى خط مستقيم... اى طريق فيه ملفات محترمة حتمسح بالفرنا الارض... اصل لو اللى راكب الفرنا فاهم عربيته يبقى حيهدى جامد قبل الملف... و لو مش فاهمها حيتقلب فى الملف... و كدة او كدة الاوكتافيا حتطلع
القصة مش مكنة و بس... انت عارف انى بطلع من ناس كتير بالفرامل مش الموتور؟؟؟ لازم تبقى فاهم عربيتك و عربية الى جنبك عشان تعرف انت ميزتك فين و ميزة العربية التانية فين... يعنى لو معاك اوتوماتك متفكرش تطلع مع عربية مانيوال من ثبات... و لو معاك عربية تقيلة فى الوزن متفكرش تجرى اول تانى مع عربية لعبة زى الجيتس والبرايد و الحاجات اللى عاملة زى النبلة على الاولانى دى
اقتباس:
عموما انا اركب موستنج و مركبشي ايفو و دي وجهات نظر
وجهة نظرك تحترم طبعا و محدش يقدر يفرض عليك اى رائى
اقتباس:
انا طلعت مجموعه عيوب في التربو في ردي ده و ردي الي فات و لو فيهم حاجه انت شايف انها غلط ياريت تقولها لي يا مان
زى ما قولتلك قصة الحر و الزحمة ملهاش علاقة بالتربو... بيئه عمل التربو اكثر حرارة من الجو بمراحل... التربو ممكن يوصل الى درجة الاحمرار من حرارة العادم اللى بيمر فيه... تفتكر حرارة الجو تفرق معاه فى حاجة؟؟
كمان بالنسبة للزحام و السير ببطء... معظم التربوهات بتبداء من 2500 الى 3000 تشتغل و طالما انت تحت السرعة دى التربو مش حيعمل اى حاجة
انا ملاحظ انك بتبنى حكمك على العربيات اللى فى مصر و غالبا دى بتبقى اما مدعوكة برة مصر و اتباعت على انها خردة او حد مركب التربو بطريقة بلدى و طبيعى ان العربية تتوفى... بص على التربوهات اللى بتنزل ستوك و بص على التربوهات اللى بيركبها متخصصين... راجع حتى التربو اللى فى اول مداخلة و شوف تسارع العربية... التربو لو اتعمل صح العربية بتتحول
اقتباس:
و بردو انا شايف ان التربو حوار لا يزيد اي شركه قيمه خالص وسط الشركات الكبري فتكولوجا المحركات هي الاساس
و علي كدا فلفو المفروض تبقا افضل عربيات في العالم فهي من اوائل من صنعو التربو و هي من اكبر اعلامه حاليا:ma: