أرجع وأقول تاني...... عايز تجري وتقفل العداد وثبات ما تركبش علايات.........عايز تحمل وتعدي المطبات بس ما تسألش عن الثبات ركب علايات.........(الكلام ده علي وزن السقا مات.........ههههههههه) الموضوع أحنا هريناه مناقشات والخلاصة شوف مطالبك أيه الاول
عرض للطباعة
أرجع وأقول تاني...... عايز تجري وتقفل العداد وثبات ما تركبش علايات.........عايز تحمل وتعدي المطبات بس ما تسألش عن الثبات ركب علايات.........(الكلام ده علي وزن السقا مات.........ههههههههه) الموضوع أحنا هريناه مناقشات والخلاصة شوف مطالبك أيه الاول
اللى بيحصل عندك دة نتيجة ان مركز ثقل العربية ارتفع عن الطبيعى بالتالى العربية بتميل زيادة عن اللازم لما تحود الدركسيون
فك علايات ورا مش قصة... انا غيرت سوستتين ورا فى نص ساعة و فك العلايات مش حياخد اكتر من كدة... الموضوع سهل... فك و جرب مش حتخسر حاجة
MMamdouh
انت مركب مساعدين KYB و دول انا مركبهم فى عربية والدى و الثبات اتحسن... و مركب حاليا فى عربيتى مونرو اللى هما انشف من الKYB و الحمد لله الثبات ممتاز بالتالى اشك ان اللى عندك دة سببة المساعدين
حاليا اللى انا شايفة هو انك رفعت مركز ثقل العربية + ركبت كاوتش ارفع + ضبط ضغط هوا غالط بالتالى انت بوظت كل عوامل الثبات للعربية
انا شايف انك تروح تملا الاربع عجلات نيتروجين على 32 عشان تضمن ثبات الضغط و تفك العلايات و تجرب العربية و ان شاء الله حتلاقى الدنيا فرقت معاك... و لو عايز احساس ثبات زى زمان و احست هات جنط 14 و كاوتش 185/60/14 حتلاقى الثبات احسن من الاول كمان مع المساعدين الجديدة و بروفايل الكاوتش الواطى
MMamdouh
بص يا باشا طبعاً مع الوضع في الإعتبار إني أقل من حضرتك في المعلومات والخبرات القيادية(السواقة) بس من واقع قراءتي للمواضيع فأنا أقترح علي سيادتك الآتي
1- لو أخدت ملف علي سبعين فربنا يلطف
2- بالنسبة للتعويم إلي في العربية كان واحد صاحبي معاه نوبيرا بيحصل معاه نفس الوضع وكان البلي زي ما قال السيد المحترم سمير بك
3- بالنسبة لضبط الكاوتش هتلاقي مكتوب لك في الكتالوج الضغط المناسب للكاوتش ألا وهو 30 أو 32 وليس أكثر ولا أقل ، وحاول سيادتك تضبط في بنزينه عندهم الضبط الأوتوماتيك هتلاقيه دولاب كبير معدني فيه شاشة منتصف بها الضبط بيفصل لوحدة ويفرغ علي المستوي المطلوب وسيبك من شغل القياسات المانيوال بتاعه الصناعيعية إلي تلاقيهم نافخين الكاوتش علي 45 والقراءة بتدي 30 ممكن تضبط في بنزينه موبيل إلي في الميرغني علي سبيل المثال لو قريبة من سيادتك طبعاً
وأخيراً تحياتي وإحتراماتي
من المهم برضة و انت بتضبط الكاوتش ان العجل يبقى بارد
... يعنى مينفعش تبقى ماشى مشوار و تدخل على بتاع الكاوتش تضبط العجل لان الهوا حيبقى متمدد و يدى قرايات عالية و غير صحيحة... اضبط عند حد جنب بيتك او املا نيتروجين
MMamdouh
أحمد حراجى----- على فكرةانا استفدت كتير منكم وخصوصا المهندس/ سمير والاخ/ ممدوح ---- أنا حبيت العربية اللانوس علشان اتنوعرفتونى كل حاجة عنها ربنا يبارك فيكم وفى كل رجالة المنتدى الجميل ده وجزاكم الله خير الثوابسبحانك اللهم وبحمدك ، أشهد أن لا إله إلا أنت أستغفرك وأتوب إليك
الله يخليك يا أستاذ : أحمد
وشرف لينا التعرف عليك
وعلى جميع الزملاء الأفاضل
متشكر جدا على ذوقك يا باشمهندس /سمير ربنا يخليك لين ويزيدك من فضله
الله يخليك
السلام عليكم ورحمه الله
أكيد عربية حضرتك فيها حاجة مش مضبوطة مش دا مشى اللانوس أبدا
عربيتى 2004 صيانة وكيل غيرت بيض المقص وبيض الدركسيون وكوتش جديد وعملت ترصيص والنتيجة ماشاء الله كنت مسافر أنا والمدام ومعانا البيبى الصغيرو المفروض امشى أعلى درجة أمان لاقيت العداد عامل 150 وداخل على 160 والعربيى مبتتهزش والدركسيون كأنه لازق مطرحة الانوس عربية شد وسفر على الطرق مش ورقة أبدا ولو كانت عربية سليمة
انا بقي عربيتي النوبيرا هي الي بتطير واحيانا مع مرور السيارات الكبيرة العربية بتروح مني في اتجاهات غريبة وسواء العربية فاضية او محملة كامل الحمولة برضك بتبقي كانها صابونة علي الطريق برغم انها زيرو
وكالعادة التوكيل بيقول كله تمام وبتاع العفشة يقول لي زاوايا وانا باقول انا الي استاهل كان معايا عربية بتثبت اكتر مع السرعات ولا بتحدف يمين ولا شمال ولا فيها ظبط زوايا من اصله ولا تربيط عفشة كل شوية وكنت باشد مع التخين (مش التخين اوي يعني) لحد ال 140 ، بس النصيب بقي
آخر مرة أنا ظبطت هواء 32 ومشيت مشوار 150 كيلو وحصل الآتي
أي هواء بيتحرك من اليمين أو الشمال العربية بتتحرك مع اتجاهه كإنها مش مرتبطة بالأرض
واللي ملاحظة إن التحكم في الدريكسيون يمين وشمال كويس جدا
والمساعدين مش بينضغطوا في أي جنب أثناء حركة الهواء ، (الهواء بيزق العربية - المساعد مش بينضغط - العربية بتتحرك وبتنقل حتة واحدة)
ولما بأقاوم حركة الهواء بتحريك الدريكسيون بالعكس باحس إن العربية ممكن تلف وإن العجل كله غير ملتصق بالطريق (صابونة)
ولو عربية كبيرة عدت جنبي وأنا على 70 العربية بتاعتي بتطير زي الورقة اللي على الأرض بس حنة واحدة يعني مش بحس بميل ولا حاجة كإنها بتنقل من مكانها بنفس وضعها
وأي هواء على سرعة بداية من 60 بيطيروها وأعلى من كده باحس إني سايق صااااابونة فعلا صابونة ماشية في ماية
وحاجة كمان إن لوالطريق فيه موجة أسفلت العربية بتتأثر جداااااااااااااا بيها وبتجري في اتجاهها عل الرغم من ثبات الدريكسيون وعدم الإحساس بوجود أي خلل في العربية
-----> ولو أسفلت الطريق كويس ومفيش هواء ولو بسيط ممكن أمشي 100 من غير مشاكل ولونسمة هواء عدت بيحصل لي هلع باحس إني خلاص أنا ونصيبي
فهل ده أقصى أداء للدايو على وضعها ولا في مشكلة مش باينة ؟
اكيد فيه مشكلة يا باشا... اللى بتحكى فيه دة مش طبيعى خالص
MMamdouh
لغاية 120 ما بتحسش في اللانوس بحاجة بعد كده بتحس بالسرعة لاكن الثبات كويس لغايه اقصي سرعة..............فيه مشكلة عندك........شوف كاوتشك حالته ايه ثم اكشف علي الزوايا ورصص وأفحص المساعدين والعفشة باكملها.........وبعدين ان كنت مركب عليات لرفع العربية شيلهم
قتل بحثا.
سؤال كده خارج الموضوع
أنت الكاوتش عندك نوعه أيه
وبقاله كام كيلو شغال
وياريت تغسل فرده وتصورلنا النقشه بتاعة الكاوتش
أصل موضوعك غريب فعلا
وعاوز تفكير عميق
لأن ده فعلا مش طبيعى خالص
وأنا متابع بالفكر مع الزملاء
أهم شىء نلاقى سبب منطقى للمساعده
وده هدفنا كلنا فى المنتدى
مش مهم مين اللى قال
المهم الكل تعاون فى مساعدة صاحب مشكله معينه
نوعه جوديير
ماشي 15 ألف كيلو تقريبا كلهم طرق سريعة
والكاويتش شكله لسه جديد مكملش كام شهر والنقشة اللي عليه زي ما هي بسمكها ، اللي هيشوفه وهو مغسول هيفتكرني لسه مركبه علشان سواقتي هادية انا هاحاول أصوره بس الكاميرا اللي معايا مش بتبين التفاصيل ، هتشوف صورة كاويتش غير واضح المعالم هاشوف كاميرا تانية أوضح
أنا رصصت بفك الكاويتش فمش عارف اتأكد من سلامة البلي الأمامي ولا البي ميأثرش بالطريقة دي ؟ ومفيش أي صوت بيطلع من العفشة أو أي صوت خشانة
كده تمام
ومتتعبش نفسك وتصور كاوتش ولا غيره
وتعالى نفكر سوا فى كلامك ده
من ناحية المكونات اللى أتركبتاقتباس:
بعد كده غيرت المساعدين ورا وقدام وفي نفس الوقت غيرت الكاويتش بالمقاس الأصلي والراجل ركب علاية وطلعت أجرب بدأت أحس بحكاية الهواء وتأثيره الرهيب المرعب ، وتضاريس الأرض لو الأسفلت وحش بيحرك العربية بسهولة ، غير أي مشوار باروحه بيكون على أعصابي مع العلم إني مظبط زوايا عد أكتر من واحد وكلهم قالو إنها مظبوطة
الصراحه أنا مش مقتنع أنها ممكن تعمل الحركات النص كم اللى بتحصل معاك
يبقى أذا العيب فى طريقة التقفيل
والعفشجى أو الميكانيكى مش قد كده
طيب أيه اللى ممكن مع ضغط الهواء يخللى العربيه تروح يمين وشمال كده
أكيد المنطقه بتاعة التوجيه الأماميه
طيب أنت بتبقى ماسك الدركسيون كويس وقت الظروف أياها بتاعة الهواء
يعنى مابتديش توجيه للعجل من الدركسيون
طيب يبقى العجل الأمامى بياخد زاويه لوحده مع أى هواء جانبى ( حسب الأتجاه )
طيب ده يجىء أزاى
علشان كده
هل ياترى مسامير تثبيت بارات الطرف ناعمه وليها قوة تحمل ضغط معينه
ومع ضغط الهواء الجانبى ممكن تتحرك عرضيا خلال الأتياش
هو ده السؤال
لأن لو ده بيحصل
يبقى ممكن يكون ده السبب
علشان كده حراجع تانى على الحته دى مع الرسم الهندسى
ولازم تشوف واحد كويس يراجع على المنطقه دى كويس جدا
حتى لو حكمت تغير أى مكونات من بعد الأتياش لو كان سنها ناعم مثلا
http://i728.photobucket.com/albums/w...titled-108.jpg
شايف الرسمه دى
المسمار اللى على الشمال وراسه لتحت ده اللى بيثبت بارة الطرف المسننه من تيش الأسكترا
والمسمار اللى زيه من على اليمين ده اللى بيثبت بيضة الدركسيون اليمين مع نهاية بارة الطرف اللى بين التيش والبيضه
تخيل كده أن المسمار بتاع البيضه مش مربوط كويس أو سنه ناعم ومش مكلبش الباره المسننه كويس
يعنى ممكن مع الضغط الجانبى البيضه بوصلتها تتحرك عرضيا نتيجة الضغط اللى عليها وقادم من طبق الركبه اليمين (اللى راكب فيه مسمار البيضه )
أعتقد ده تحليل معقول
وممكن يكون السبب فى موضوعك
لما بيكون في هواء جاي من اليمين مثلا وألاقي العربية بتتحرك معاه أنا باحرك الدريكسيون سنة شمال علشان العربية متتحركش ، ( مش فاهم معنى ماسك الدريكسيون كويس وماديش توجيه للعجل ؟ هل معنى كده ماحركش اعربية في حالة وجود هواء مثلاً ؟)
أوك بكرة أن شاء الله هاروح لحد يراجع لي على المنطقة دي هل بنفع حد من بتوع الزوايا ؟
في سؤال غريب شوية عايز أسأله يعنى ايه تربيط عفشة ؟ بيربط ايه فيها علشان مفيش صنايعي رحت له عارف معناها ، (كلهم بيسألوني هو ايه اللي بيخبط في العفشة عندك علشان نربطه ؟)
:_Alshmokh08[1]:اقتباس:
لما بيكون في هواء جاي من اليمين مثلا وألاقي العربية بتتحرك معاه أنا باحرك الدريكسيون سنة شمال علشان العربية متتحركش
ياحلاوه ....بأه بتساعد الهواء كمان ياراجل ياطيب
طيب ماتثبت الدركسيون على وضعه العدل
دا كده الفيلم اللى عندك ......عيب سواقهمش متحركش العربيهاقتباس:
هل معنى كده ماحركش اعربية في حالة وجود هواء مثلاً ؟)
كلبش فى الدركسيون على وضعه العدل وخلاص
هو الهواء حيزقها أزاى
هى ورقه
:C_laugh[1]:
أجل بأه الليله دى شويه على ماتسيب الدركسيون فى حالهاقتباس:
أوك بكرة أن شاء الله هاروح لحد يراجع لي على المنطقة دي هل بنفع حد من بتوع الزوايا ؟
هو أنت بتحب تحود فى الدركسيون كده وخلاص
أنت فكرتنى بأفلام زمان
تبص تلاقى الواحد راكب العربيه وواقف وعمال يحرك الدركسيون
قال أيه ....علشان نعرف أنه بيسوق
:B4_556:
[QUOTE=samirayad;3872073183]
" لما بيكون في هواء جاي من اليمين مثلا وألاقي العربية بتتحرك معاه أنا باحرك الدريكسيون سنة شمال علشان العربية متتحركش "
:majd(4):هههههههههههههه حصل خطأ مطبعي أقصد العكس كنت باكتب وأنا نعسان
" لما بيكون في هواء جاي من اليمين مثلا وألاقي العربية بتتحرك معاه أنا باحرك الدريكسيون سنة يمين علشان العربية متتحركش "
لما باكلبش في الدركسيون والطريق عدل وفي هواء العربية بتنقل من مكانها
وحاجة تاني إزاي أكلبش في الدريكسيون على وضعه العدل وأنا داخل ملف مثلا ؟
وهي فعلا أقل من الورقة مع الهواء ههههههههههههه:w6266d
ههههههههههههههههههههههههه هههه هو أنا سواقتي متواضعة بس مش للدرجة دي أنا من سنة تقريبا كنت مجنون سواقة مش بابص على العداد وباسابق أي حد وبازنق على كل اللي حواليا إلى أن هداني الله :satelite:
:shyy:اقتباس:
أوك بكرة أن شاء الله هاروح لحد يراجع لي على المنطقة دي
:S_thum1[1]:اقتباس:
هل بنفع حد من بتوع الزوايا ؟
يــــــــــــــــــــــــ ــــــــــــــــــــــاصب ر أيـــــــــــــــــــــــ ـــــــــــــــــــــــــ ـــــــــــــوب
شوف حتى حبال الصبر أنقطعت
:C_laugh[1]:
على فكره
مش مطلوب منك تحود الدركسيون حتى يمين لو الهواء قادم من اليمين
لأن كده العربيه حتزحلق وتلف على اليمين برضه
زى ماتكون بتلففها حوالين نفسها زى الدومه ياعنى (أو الفريره )
لأن ضغط الهواء على الجزء الخلفى من السياره حيساعد فى حدفة العربيه لليمين أكتر
والمطلوب تثبت الدركسيون على وضعه العدل وخلاص
ولو ثبت الدركسيون فى النص كويس ومشيت فى الوضع العدل الطبيعى
عمر الهواء ما حيزحلق العربيه جانبيا
لأنها مش ورقه فعلا
مهما كانت قوة الضغط الجانبى على السياره بواسطة الهواء
ألا لو قامت القيامه وكانت الزعابيب بتاعة الهواء بتطير أى حاجه على الأرض مثلا
ههههههههههههههههههههه
أنا عارف إني تاعبك معايا بس لو جيت مشوار واحد معايا هتحس باللي أنا حاسس بيه
هتحس بالرعب والفزع لو شوفت الشجر بيتتحرك جنبك هههههههههههههه احساس رهيييب
أول ماشوف المنظر ده باهدي ل 60 استعدادا للطيران والإقلاع
واللي بيضايقني في الحكاية دي حاجتين
1- كل عربيات الدايو اللي بتعدي جنبي مش بتمشي أقل من 120 أبدا يعني مش باشوفهم.
2- التاكسيات مش باشوفهم بالاقي صاوخ طاير حتى مش باشوف النمر
واللي فرحني
- شوفت عربية لانوس كانت أمامي وكنا ماشيين ورا بعض على اليمين وفجأة عدى هواء من اليمين للشمال ولقيت عربيتنا احنا الاتين بقيوا في وسط الشارع بنفس الدرجة :C_laugh[1]: ههههههههههههههه وبعدين هو سحب وسابني
- في 2 زمايلي بيحصل معاهم نفس الحكاية وبيقولولي طنش علشان دي عربيات خفيفة
==================
في واحد معاه دايو 99 هو اللي بيقول مش بيحصل معاه كده ولما جيت أجرب عربيته علشان أشوف الوضع لقيت العربية مش مظبوطة زوايا وبتحدف وحديها والعفشة بتخبط فمعرفتش أجرب
معلش سؤال قبل ما نستمر فى الدايرة المفرغة دى....
الاستاذ سترونج... هل انت مازلت بتبحث فى اسباب المشكلة و انت لسة مركب العلايات اللى ذكرتها قبل كدة؟؟؟
لو الاجابة نعم يبقى الموضوع دة ممكن يوصل للصفحة 299 بدون اى جديد
MMamdouh
طيب زمايلك دول مركبين علايات برضه زيكاقتباس:
شوفت عربية لانوس كانت أمامي وكنا ماشيين ورا بعض على اليمين وفجأة عدى هواء من اليمين للشمال ولقيت عربيتنا احنا الاتين بقيوا في وسط الشارع بنفس الدرجة :c_laugh[1]: ههههههههههههههه وبعدين هو سحب وسابني
- في 2 زمايلي بيحصل معاهم نفس الحكاية وبيقولولي طنش علشان دي عربيات خفيفة
فعلا أنت سايق عربيه محترمه بكل المقاييساقتباس:
كلامك ده بيديني دفعة للأمام وبيحسسني إني سايق عربية محترمة
وأنا حاسس أن معندكش حاجه
بس أهو أحنا بندردش
يمكن نمسك حل اللغز ده
ومتقلقش من الكلام معايااقتباس:
أنا عارف إني تاعبك معايا بس لو جيت مشوار واحد معايا هتحس باللي أنا حاسس بيه
هتحس بالرعب والفزع لو شوفت الشجر بيتتحرك جنبك هههههههههههههه احساس رهيييب
بخصوص حتة صبر أيوب (لأنى بهزر فعلا معاك )
عمرى ما بأتعب من الكلام فى أى مشكله
حتى لو ألفنا فى أى موضوع
كتاب زى بتاع
ألف ليله وليله
ومعاك كل يوم لحد ما الديك بتاع ألف ليله وليله يؤذن
هههههههههههههههه
:stink[1]:اقتباس:
ههههههههههههههههههههه
أنا عارف إني تاعبك معايا بس لو جيت مشوار واحد معايا هتحس باللي أنا حاسس بيه
هتحس بالرعب والفزع لو شوفت الشجر بيتتحرك جنبك هههههههههههههه احساس رهيييب
أول ماشوف المنظر ده باهدي ل 60 استعدادا للطيران والإقلاع
بس ركز معايا شويه برضه
لأن الطيران بيكون بعد الأقلاع
:majd(4):
على فكرة انا بصراحة مقتنع تماما ان دى عليات ورا هيا الى تعمل كدا
تعرف انت لو مركب العلايات دى قدام العربية دى ممكن تعوم لكن مش هتتنقل بالطريقة الى انت بتقول عليها
راكبه عندى وأنا لسه شارى العربيه زيرواقتباس:
على فكرة انا بصراحة مقتنع تماما ان دى عليات ورا هيا الى تعمل كدا
وبقالها 3 سنين
وبأمشى لحد 130 ساعات
وعمرها ماعملت الحركات دى
بالعكساقتباس:
تعرف انت لو مركب العلايات دى قدام العربية دى ممكن تعوم لكن مش هتتنقل بالطريقة الى انت بتقول عليها
دا العلايات قدام ممكن تخللى العربيه تزحلق وتعمل الحركات دى
من أى شوية هواء جامدين ( وأمال الصنايعيه بيقولوا بتعوم ليه ) لما تحط علايات قدام بصوره غير طبيعيه
ماهو علشان بتعوم على وش الأرض ( يعنى عاوزه تطير )
عن ماتكون راكبه ورا
على فرض أن ده السبب
وده لو طبقنا نظرية ال drag & lift
المطبقه فى هندسة الطيران
فى فرع ال airo- dynamic
القصة مش موتوسيكل ماشى فى خط مستقيم ولا لأ .. اى عربية الهواء الجانبى هيأثر عليها باختلاف درجة التأثير حسب التصميم
انسيابية العربية مصممة طوليا وليس عرضيا اى العربية فى الوضع الطبيعى والهواء مقابل لها من الامام الى الخلف وبالتالى لو الهوا عرضى اى من احد الجانبين للتانى هيأثر عليها لأن ال drag هيبقى عالى
بالنسبة لمشكلة عربيتك اعتقد انها احساس اكتر منها مشكلة فى العربية ودة نتيجة انك صغرت مقاس الكاوتش وركبت علايات فى نفس الوقت ودة اللى عامل لك الاحساس دة واللى مزودة انك مركز معاة
عموما:
1- اكشف على الزوايا (مش بالضرورة العربية تحدف علشان تبقى الزوايا مش مظبوطة ممكن تبقى الزوايا خالفة بس الجانبين مع بعض بيساعدو العربية تمشى من غير حدفة)
2- اكشف على الاسكاترا
3- فك العلايات لأنها بتأثر على الثبات وهتبان اكتر فى مطبات الهوا والدورانات على سرعات عالية .. العلايات بترفع مركز ثقل العربية center of gravity عن الارض ودة هيقلل الثبات غير انة بيغير توزيع الوزن على محاور العربية ودة هيأثر بردة يعنى ضررها اكتر من نفعها , اذا كنت مركبها علشان المطبات ابقى خد المطب بالراحة جدا ومش هيعمل حاجة او تلت المطب (عدية بزاوية )
4- ربط العفشة
دة كلة مع الاخذ فى الاعتبار انك صغرت الكاوتش ودة لية دور فى اللى انت بتحس بية
العلايات سواء قدام او ورا ملهاش اى لازمةاقتباس:
بالعكس
دا العلايات قدام ممكن تخللى العربيه تزحلق وتعمل الحركات دى
من أى شوية هواء جامدين ( وأمال الصنايعيه بيقولوا بتعوم ليه ) لما تحط علايات قدام بصوره غير طبيعيه
ماهو علشان بتعوم على وش الأرض ( يعنى عاوزه تطير )
عن ماتكون راكبه ورا
على فرض أن ده السبب
وده لو طبقنا نظرية ال drag & lift
المطبقه فى هندسة الطيران
فى فرع ال airo- dynamic
قدام فعلا تأثيرها هيبقى اكتر لأنك هتفقد توجية العربية نتيجة ال lift force هترفع وش العربية وهتضعف فعالية جهاز التوجية
لو تقصد ورا انها هتزود ال downforce نتيجة ان ضهر العربية بقى اعلى فانسيابية العربية مصممة اصلا انها تعمل downforce للمنطقة الخلفية ودى ممكن تزودها باسبويلر اوريجينال بتاع العربية, ولكن فى العلايات متنساش انك رفعت ال C.G بتاع العربية ودة مش مطلوب
لو انت مربكها فى العربية وهى لسة زيرو فكها وجرب ولاحظ الفرق (العربية مش هتجرى بالعرض ومش هتعرف تتحكم فيها لأ بس ثباتها والتصاقها بالطريق هيقل .. والتجربة خير دليل)
التعليه ليها حدوداقتباس:
لو تقصد ورا انها هتزود ال downforce نتيجة ان ضهر العربية بقى اعلى فانسيابية العربية مصممة اصلا انها تعمل downforce للمنطقة الخلفية ودى ممكن تزودها باسبويلر اوريجينال بتاع العربية, ولكن فى العلايات متنساش انك رفعت ال c.g بتاع العربية ودة مش مطلوب
هو أنا قلت أرفع العربيه من ورا زياده عن الازم وأكفيها لقدام
متنساش أن العربيه كأستخدام عائلى غير الأستخدام الشخصى
لأن الحمل الخلفى كان معايا بيقلب الشاسيه للخلف بطريقه مخيفه
وحتى لو شفت عربيتى بعد ماغيرت اليايات الخلفيه وركبت علايات
مش حتلاحظ أى أختلاف فى المظهر العام للعربيه (حتى بدون تحميل عائلى )
مش فيه برضه وجهة نظر وبتفرق من واحد للتانىوأفكها ليه ياباشااقتباس:
لو انت مربكها فى العربية وهى لسة زيرو فكها وجرب ولاحظ الفرق (العربية مش هتجرى بالعرض ومش هتعرف تتحكم فيها لأ بس ثباتها والتصاقها بالطريق هيقل .. والتجربة خير دليل)
ما أنا مجرب الحالتين ولا فيه أى فرق نهائيا معايا
بس أنت مجربتش المطبات عندنا عامله أزاى فى وسط الدلتا وأنا مسافر
جبال الهيمالايا بدون فخر
حتى لما بأركب الأولاد معايا العربيه بتنزل من ورا كمان عن ما أنا عاوز
بس ماشى الحال وكده رضا أوى
طبعا فى الاول والاخر دى عربيتك واللى مرتاحلة اعملة :w6266d .. انت ممكن تطلع المطب بزاية
بس 3 سم مش قليل فى ارتفاع العربية وتأثير العلايات معروف (انا مجربة فى عربية مازدا قبل كدة وفكيتهم)
انت ممكن علشان العربية بتبقى محملة فامش حاسس بالتأثير اوى نتيجة زيادة الحمل على المحور الخلفى انما جرب لوحدك على سرعة وهتلاحظ الفرق