الموضوع: هل عربيتك اللانوس بتطير من الهواء ؟

على فكره
مش مطلوب منك تحود الدركسيون حتى يمين لو الهواء قادم من اليمين
لأن كده العربيه حتزحلق وتلف على اليمين برضه
زى ماتكون بتلففها حوالين نفسها زى الدومه ياعنى (أو الفريره )
لأن ضغط الهواء على الجزء الخلفى من السياره حيساعد فى حدفة العربيه لليمين أكتر
والمطلوب تثبت الدركسيون على وضعه العدل وخلاص

ولو ثبت الدركسيون فى النص كويس ومشيت فى الوضع العدل الطبيعى
عمر الهواء ما حيزحلق العربيه جانبيا
لأنها مش ورقه فعلا
مهما كانت قوة الضغط الجانبى على السياره بواسطة الهواء

ألا لو قامت القيامه وكانت الزعابيب بتاعة الهواء بتطير أى حاجه على الأرض مثلا

المشاركة الأصلية كتبت بواسطة Strong

مرة لقيت واحد سايق موتوسكل صيني وماشي في خط مستقيم حسيت إن ثباته أعلى من الدايو بسبب الهواء ههههههههه

القصة مش موتوسيكل ماشى فى خط مستقيم ولا لأ .. اى عربية الهواء الجانبى هيأثر عليها باختلاف درجة التأثير حسب التصميم
انسيابية العربية مصممة طوليا وليس عرضيا اى العربية فى الوضع الطبيعى والهواء مقابل لها من الامام الى الخلف وبالتالى لو الهوا عرضى اى من احد الجانبين للتانى هيأثر عليها لأن ال drag هيبقى عالى

بالنسبة لمشكلة عربيتك اعتقد انها احساس اكتر منها مشكلة فى العربية ودة نتيجة انك صغرت مقاس الكاوتش وركبت علايات فى نفس الوقت ودة اللى عامل لك الاحساس دة واللى مزودة انك مركز معاة
عموما:
1- اكشف على الزوايا (مش بالضرورة العربية تحدف علشان تبقى الزوايا مش مظبوطة ممكن تبقى الزوايا خالفة بس الجانبين مع بعض بيساعدو العربية تمشى من غير حدفة)
2- اكشف على الاسكاترا
3- فك العلايات لأنها بتأثر على الثبات وهتبان اكتر فى مطبات الهوا والدورانات على سرعات عالية .. العلايات بترفع مركز ثقل العربية center of gravity عن الارض ودة هيقلل الثبات غير انة بيغير توزيع الوزن على محاور العربية ودة هيأثر بردة يعنى ضررها اكتر من نفعها , اذا كنت مركبها علشان المطبات ابقى خد المطب بالراحة جدا ومش هيعمل حاجة او تلت المطب (عدية بزاوية )
4- ربط العفشة

دة كلة مع الاخذ فى الاعتبار انك صغرت الكاوتش ودة لية دور فى اللى انت بتحس بية

بالعكس
دا العلايات قدام ممكن تخللى العربيه تزحلق وتعمل الحركات دى
من أى شوية هواء جامدين ( وأمال الصنايعيه بيقولوا بتعوم ليه ) لما تحط علايات قدام بصوره غير طبيعيه
ماهو علشان بتعوم على وش الأرض ( يعنى عاوزه تطير )
عن ماتكون راكبه ورا
على فرض أن ده السبب
وده لو طبقنا نظرية ال drag & lift
المطبقه فى هندسة الطيران
فى فرع ال airo- dynamic

العلايات سواء قدام او ورا ملهاش اى لازمة
قدام فعلا تأثيرها هيبقى اكتر لأنك هتفقد توجية العربية نتيجة ال lift force هترفع وش العربية وهتضعف فعالية جهاز التوجية

لو تقصد ورا انها هتزود ال downforce نتيجة ان ضهر العربية بقى اعلى فانسيابية العربية مصممة اصلا انها تعمل downforce للمنطقة الخلفية ودى ممكن تزودها باسبويلر اوريجينال بتاع العربية, ولكن فى العلايات متنساش انك رفعت ال C.G بتاع العربية ودة مش مطلوب
لو انت مربكها فى العربية وهى لسة زيرو فكها وجرب ولاحظ الفرق (العربية مش هتجرى بالعرض ومش هتعرف تتحكم فيها لأ بس ثباتها والتصاقها بالطريق هيقل .. والتجربة خير دليل)