الموضوع: يامصري ونت اللي هامنني من دون الكل نمت والعالم فايق قوم بص وطل

انا كنت عايش فى قطر واعتقد انها اقل تمسك بالشرع من السعودية وكان ممنوع على الرجال التعامل مع النساء فى مثل هذه الاشياء ...
يمكن السعودية مختلفة شكرا على المعلومة

وبخصوص الحكم لو صحيح والشخص ده مدان انا اول حد يفرح لان الشريعة الاسلامية تطبق فتجعلنى وتجعلك وتجعل كل المجتمع فى امان من مثل هؤلاء واحنا مش بنكذب الاخت ناقلة الخبر ابدا لكن بنستغرب من الخبر

ولا نعترض على حكم الشرع حاش لله ان ننتقد حكم شرعى وان كان من الممكن انتقاد القاضى لو ثبت عنه عدم التيقن من حيثيات الحكم

أنا قريت الخبر اللي في جريدة الاقتصادية ..
و فعلا زي ما الناس بتقول إزاي هياخد مقاسات جسمها من غير ما يلمسها ?

بس ده كان ايام الرسول الكريم
مش دلوقتي عندهم الحكم يطبق علي ناس و ناس تانيه لاه
الانسان هو الانسان مفيش فرق بين مصري و اي جنسيه تانيه كلنا بشر
لكن فين الاحساس راح فين و الرحمه مش موجوده حجات كتير ضاعت وشوش ناس لابسه ميت قناع بيغيروه علي حسب اللي قدامهم
لكن لما بتوصل انك تحكم علي شخص عشان هو ضعيف هو ده قمه البعد عن الحق ... عن الاحساس بأنه بشر...

الصراحه مش عاجبنى موقفك من الموضوع خالص انا داخل وانا متاكد 100% ان صاحب الموضوع هيدافع عن المصرى او يحاول يعرف الحقيقه على الاقل زى ما حصل قبل كدا بيظلموا المصريين الاقيكى واقفه ضده من غير ما تعرفى ان كان مذنب اولا وبتقولى حكم كويس ومحسسانا ان الشارع المصرى تحرشات 24 ساعه وان كان فالبنات 100%منهم فى قمه البراءه الصراحه ياريتنى ما دخلت الموضوع دا مع احترامى لحضرتك

ماهو دى المشكلة ان التحرش عندنا شبه يومى والبنت اللى بيم التحرش بيها غالبا بتخاف او بتتكسف او ربما اتعودت على التحرش (خاصة اللى بيركبوا المواصلات الزحمة) والشاب المتحرش محدش بيعملوا حاجة وبالتالى الشباب دول لما بيخرجوا بتبأه ايدهم سابقة تفكيرهم ده غير الاشاعات عن بعض السعوديات والعربيات بوجه عام. واعتقد انه اخد جزاؤه وللعلم ربنا مش بيفضح حد من اول مرة ربنا بيستر مرة واتنين وتلاتة ويمكن اكتر واللى بيتفضح وبيقام عليه الحد ده غالبا بيكون يستحق الرجم مش الجلد.

للعلم مفيش بنت محترمة تخلى راجل ياخد مقاسات جسمها ده رأيى ومحدش يزعل
الاخ اسد البيجو هيا نيكول كيدمان مالها؟

مشكلة الكتير مننا للاسف اننا نستبعد ونستغرب حكم الجلد بنتاخد شوية لما بنسمع ان فى حد اتجلد وده لاننا بعدنا كتير عن الشريعة الاسلامية ونجح الغرب بمساعدة الخديو اسماعيل - الذى ادخل القانون الغربى الفرنسى - فى ابعادنا عن اصولنا واحكام شرعنا

فاصبحنا تقشعر ابدانا وننفر من فكرة الجلد وقطع اليد وبنقول دى همجية وتخلف مع اننا كلنا ختمنا الحمد لله القران فى رمضان واحياننا اكتر من مرة ومرت علينا الآيات الكريمة الصريحة بخصوص الحدود ومنها الرجم والجلد وقطع اليد فهل من معترض على شرع الله الذى هو سبحانه ادرى الناس بطبائع عباده وما يردعهم

وايه اللى يزعلنى لما سارق تقطع يده مادمت انا لست بسارق الحمد لله بالعكس ده بيجمينى

وايه اللى يغضبنى لما زانى ولا متحرش يجلد ما دمت انا عفيفا شريفا اليس فى هذا حماية للمجتمع ولزوجتى واختى وبنتى

للاسف احنا بنلوى الحقايق ونقول اه عشان مصرى جلد وكأن الشرع هناك ليس كالشرع هنا وان الجلد هو حكر على السعودى فقط ...
والمصرى لازم يتسجن لان قانون بلاده بيقول كده ( قصدى هنا حادثة الطبيبان المصريين فى السعودية ) لاننا اعترضنا على منطوق الحكم وطبيعته الغريبة على اسماعنا وليس على كون المتهمان مدنان فعلا من عدمه
كذلك فى موضع الاخت ايس كان الاعتراض على الجلد لمصرى وكأن مصر ليست دولة اسلامية وافترضنا بسرعة ان القاضى لالالالازم واكيد متحيز

القضاء فى الاسلام اكبر بكثير من هذه العنصرية والطائفية ولا يتحمل قاض يحكم بما انزل الله وزر جلد برئ
بخلاف بعض القضاة الذين يحكمون بما وضع البشر فليس للقانون الوضعى نفس المهابة التى للقرآن فى قلبه