يامصري ونت اللي هامنني من دون الكل نمت والعالم فايق قوم بص وطل

**medo_2060** · 02-10-2009 05:35 PM

المشاركة الأصلية كتبت بواسطة samoevil911

انت بتكلم جد بتلعب طايرة ومنتقبة .... ؟
ويجوا يقولوا تخرش .. نقول احتشموا والتزموا بالدين..ولا حياة لمن تنادي ..
ان لله وان اليه راجعون

ايوه حضرتك زى ما قولت بالضبط دا غير البنات الى بتستغل النقاب عشان يمشوا فى سكك حرام ومحدش يشك فيهم وان لله وانا اليه راجعون فعلا ربنا يهدى الجميع

**Eng.GEMI** · 02-10-2009 05:47 PM

المشاركة الأصلية كتبت بواسطة ashturbo

كلامك دة يحرق دم اي واحد مصري خاصة في موضوع زي دة يمسنا في أخلاقنا ثم أنك مصرية ولا أيه ؟

أنا برده بصراحة الكلمة دي حرقت دمي جداً جداً...دة تعميم صريح يمسنا في أخلاقنا .... و ده فيه افتقاد واضح وصريح للموضوعية في الحوار....أنا قرأت الموضوع كله من أوله لأخره بكل الأراء اللي أنا احترمتها جداً...و أصلاً كنت قرأت هذا الموضوع الصبح في المصري اليوم.. و معقبتش هناك ولا ولا كنت ناوي اعقب هنا ... لأني من الداخل اتمنى أن يكون هذا المصري مظلوم ..و في نفس الوقت لا املك أي دليل أو أي رؤية واضحة في هذه القضية ...بس بصراحة مقدرتش أمشي من غير ما اعبر عن استيائي من أخر جملة في الموضوع ...و كنت اتمنى من الإدارة مراجعة هذه الكلمات الاخيرة لأنها لا علاقة لها بالموضوع و تسئ إلى صورة عامة لشعب كامل ...
أسف جداً لو هولت من الموقف لكنني أعبر عما بداخلي
على فكرة أنا عارف النكتة و أعتقد إن حتى التلميح لها لا يصح على منتدى بهذا الحجم
و أنا أقسم بالله ضد كل أنواع التحرش و المعاكسة..و قد يصل الأمر بي اني اضرب واحد أشوفه بيعاكس بنت محترمة في الشارع..

**icehearted girl** · 02-10-2009 07:39 PM

المشاركة الأصلية كتبت بواسطة pro-drive

مش مصري ؟؟ لازم يبقي مظلوم و مضطهد !!

هو في مصري بيغلط ؟؟

والله دا فعلا انسب تعليق ممكن يقال

طول عمري الحمدلله انتمائي الاول لديني بعد كدا ممكن يكون لبلدي وليس العكس

**icehearted girl** · 02-10-2009 07:43 PM

استاذ ميدو و Samoevil

انا متفقة معاكم تماما ان العديد من تصرفات البنات ليها عامل كبير في انتشار مثل هذه الحوادث لكن في نفس الوقت مينفعش نهمل نقاط اخري لاتقل اهميه زي

1_ ديفيكت في اسلوب التربية في البيت

2_ +شخص سيكوباتي يعاني من اضطرابات نفسية ولو كانت مش ظاهره

3_ + فكرة خاطئة كاحد الاساليب لاثبات معني خاطئ للرجولة

4_+ فكرة خاطئة ايضا تبرر ان كل مايسير في الشوارع من انسان او حيوان هو ملكية عامة_يندرج تحتها افعال كتيرررررررر بنشوفها في الشوارع_

**Dr Zezo** · 02-10-2009 08:15 PM

معتقدش فيه حد بالغباء إنه يسافر لغاية السعودية و هو عارف وضع المصريين البسطاء هناك و يروح يتحرش ببنت سعودية ! و هو عارف إنه من الأخر ملوش دية

لكن فيه ناس غبية و بتعمل كده للاسف

و اكتر من كده

**icehearted girl** · 02-10-2009 08:27 PM

موتورايزر خليك معايا فموقف زي دا

واحدة ماشية فلشارع وواحد ضايقها بكلام او فعل

تقوم هي بقي تعمل ايه؟؟

تقوله بعد اذنك عوزاك معايا في مشوار ابلغ عنك عشان معرفش اجيبك منين وترجع تاني؟

اكيد كلام مش منطقي

داغير ان اي بنت بتتكلم فعلا فلشارع مبشفش الناس تقف معاها بالعكس كله بيبصلها البصة التقليدية انها غلطت يا اما في لبسها

او لو كانت محتشمة تبقي غلطت في تصرف فلشارع

شفت مرة في اليكس واحدة رفعت الشبشب علي بنتها فلشارع ونزلت بيه علي دماغها علشان واحد شد دراعها فلشارع قامت زعقت

بقت تضربها وتقولها انتي عاوزة تفضحينا؟؟

خلاص اللي حصل حصل وتمشي زي الكلبة ولاتنطقي

ودا فعلا بيحصل فبيوت كتير فمحدش بيتكلم

وبالتالي 90% من البنات في الشارع بيتم التحرش بيهم يومياااااا

ولاحد بيتكلم

**Eng.GEMI** · 02-10-2009 08:56 PM

٩٠٪ من البنات !!!!ويومياً كمان ...دة كدا بلدنا قايمة على المعاكسة...و محدش من الشباب وراه حاجة غير المعاكسة ..و طبعاً هيتقال أكيد إن دي صورة من سطوة الرجل في المجتمع المصري..لا حول ولا قوة إلا بالله.. على فكرة الانتماء للوطن دة شئ أساسي مافيهوش ممكن ... طبعاً أول انتماء بيكون لديني..

-

-

-

الموضوع: يامصري ونت اللي هامنني من دون الكل نمت والعالم فايق قوم بص وطل

LinkBack

أدوات الموضوع

عرض

-

-

-

-

-

بجد مستغرب -

المواضيع المتشابهه

ملاحظاتي عن الشارك اللي اتظلمت بجد من الكل

الكلمات الدلالية لهذا الموضوع

المفضلات

المفضلات

ضوابط المشاركة