لمبة الزيت بتنور مع السخونة

**mido01050** · 03-10-2009 12:58 AM

العربية لادا 2105 موديل 95 عملتلها عمرة كاملة و غيرت طرمبة الزيت و هي في التليين دلوقت
المشكلة ان العربية على السلانسية (واقف في زحمة مثلا) في الحر بتسخن و مؤشر الحرارة بيعدي النص و بعدين لمبة الزيت تبدأ ترعش بس بتطفي لما أزود بنزين و العربية مش بتسخن لما بتكون ماشية المشكلة لما بتقف في مكانها لفترة على السلانسيه
المشكلة موجودة من قبل العمرة من زمان هل ده عادي في اللادا و لا لها حل
طبعا الشك مستبعد في طلمبة الزيت لأنها جديدة لكن في بعض الحاجات اللي شاكك فيها و عايز رأي الخبراء مع العلم اني منضف الرياتير النحاس بتاعها بمية النار و طبعا دورة المية متنضفه مع العمرة
1- ان الزيت يكون وحش و بيحل و لزوجته بتقل مع السخونة
2- طرمبة المية مبتقلبش الميه كويس ممكن أعليها مثلا أو أغيرها خالص ( هوه فيه طرمبة ميه في اللادا؟)
3- طرمبة الزيت الجديدة بايظة و ده مستبعد
4- هو فيه ترموستات للكوعة في اللادا و ايه فايدتها (مفيش ترموستات للمروحة لأن المروحة بتشتغل مع الموتور على سير مباشرة)
لو فيه اقتراحت ياريت تساعدوني و خاصة خبراء المنتدى و خبراء اللادا
وشكرا مقدما

**sweetheart_** · 03-10-2009 01:21 AM

بص انا عربيتى فيورا وكان نفس الموضوع معايا وغيرت الزيت والفلتر طفت بس 4 ايام ورجعت تانى وبعدين طلع العيب فى الاخر من ساعة الزيت بص هى مكانها فى وش الموتور هتلقيها طالع منها سلك رايح ناحية التبلوه عندى كانت بتجيب زيت ولما غيرتها المشكله راحت وانت ممكن يكون السبب عندك من فلتر الزيت خاصة لو بقالك كتير مغيرتوش ممكن يكون مسدود وبالنسبه للزوجه بتاعة الزيت ممكن انت تشوف الزيت حل ولا لأ لو قربت تغير الزيت غيره هو والفلتر وشوف الساعه وان شاء الله تلاقى الحل بس طالما بتطفى لما بتزود بنزين متقلقش القلق لما تكون منورة على طول وحتى لو نورت اتاكد ان العربيه فيها زيت ومش ناقص لحد متحل المشكله

**mido01050** · 03-10-2009 03:44 AM

متشكر على الرد يا باشا بس الفلتر جديد مع العمرة و غيار الزيت ( الزيت نوعه التعاون اليرتقالي ال 50 )
ممكن موضوع ساعة الزيت ده هجربه
العربية بتاخد حوالي ساعة الا ربع من ساعة أول دوارة لحد ما تسخن و تبدأ لمبة الزيت تنور و بتاخد حوالي نص ساعة لو كنت ماشي ووقفت في زحمة لحد ما تسخن
يريت حد يجاوبني بخصوص وجود طلمبة مية في الادا من عدمه

**caysersosaih** · 03-10-2009 09:11 AM

بيتهيألي لازم كل العربيات يمون فيها طلمبة ماء عشان ده شيئ اساسي مثل طلمبة الزيت

**mido01050** · 03-10-2009 10:51 AM

فعلا هي فيها طرمبة ميه يا دكتور , واحد صاحبي أكدلي الموضوع ده

فين يا جماعة خبراء المنتدي؟؟؟؟

**SAMEH_FOUAD** · 03-10-2009 05:04 PM

ايوة طبعا ياجماعة فيها طلبة مية ,
وهيبقى العيب منها ,عشان مش بتقلب كويس والمفروض انها مع المشى بتقلب اكتر عشان كدة مابتسخنش منة والعربية ماشية

**mohamed_rhem** · 04-10-2009 09:14 PM

المشاركة الأصلية كتبت بواسطة H.ibrahim

انا كمان عندى لمبة الزيت بترعش على السلانسيه من بعد العمرة مش عارف ليه مع انى مغير طلمبة الزيت فى العمرة ولسه جديدة و بمجرد لما المس دواسة البنزين اللمبة بتطفى على طول و لكن مجرد لما اقف فى اشارة مثلا بعد 3 دقائق اللمبة تبدا ترعش مش تنور على طول و مش عارف السبب حتى الان - اما بالنسبة لموضوع السخونة فمدام الحرارة لم تتخطى النصف فى العداد يبقى الوضع طبيعى و لاتقلق ( مع التاكد من وجود مياه فى الرديتيرو علامة الزيت مظبوطة فى المقياس )و ارجو ان حد من الخبراء فى الورشة او قسم اللادا يفيدنا فى موضوع رعشة لمبة الزيت لانها تقلق جدا .
وشكرا

انا كمان نفس الموضوع بعد العمرة ومغير طلمبة الميه والبنزين والزيت بغيره قيل معاده والميه مظبوطه

مبتبنش الا والعربيه سخنة فعلا

**mohamed_rhem** · 07-10-2009 11:25 AM

Update

-

-

الموضوع: لمبة الزيت بتنور مع السخونة

LinkBack

أدوات الموضوع

عرض

-

-

-

المواضيع المتشابهه

لمبة الزيت مش بتنور لما الزيت بينقص - ابيزا 98

لمبة الزيت بتنور ؟؟

لمبة الزيت بتنور

لمبة الزيت بتنور ؟؟؟

لمبة الزيت بتنور

الكلمات الدلالية لهذا الموضوع

المفضلات

المفضلات

ضوابط المشاركة