المشاركة الأصلية كتبت بواسطة momopersona
انا رأيى فى حتة التوازن دى بالذات فى العربيات الرخيصة
هى العفشة اولا
مش ايروديناميكس ولا وزن لان مش ممكن عربية رخيصة يعملو فيها ايرودينامكس
الشركات بتحاول تحقق الرفاهية والثبات فى نفس العربية من غير تكاليف
مثال حد ركب فيرنا متركبلها عفشة رياضية ؟؟؟
انا عندى فيرنا وعارف ان ثباتها ضايع بسبب نعومة العفشة مع عدم وجود ايروديناميك مع قلة وزن
سيبونا من نقطتين الوزن والايروديناميكس عشان الشركات دى عايزة تكسب فبتعمل العربية بأقل التكاليف يبئا صعب يعملو ايروديناميكس واذا زودو الوزن يبئا العربية فقدت اهم ميزة اللى مخلياها تتباع سحبها يا أما يحطو موتور اكبر ورجعنا لمشكلة التكاليف
وتعالو للعفشة
الشركة عايزة تعمل عفشة مريحة ماتحسسكش بالمطبات وتديك رفاهية يبئى لايمكن تبئى ثابتة
واذا عازو تبئى ثابتة مع نفس الوزن يبئى هاتبئا مش مريحة ومش هاتتباع
يعنى انا ركبت فيرنا بعفشة رياضية ثابتة جدا بالنسبة للعربيات اللى فى مصر يعنى اثبت من اى عربية ارخص من 120 الف ولكن بهدلة فى المطبات بتاخد المطبات اكن مافيش سوست ومساعدين
انا بالنسبالى كانو نزلوها كده وهاتبئا اأمن احسن من لما نزلوها مريحة وبتتشألب
ده رأيى يا رب تكونو فهمتونى