المشاركة الأصلية كتبت بواسطة evoo90
مافيش مانع تعارضنى لكل واحد رأيه
بس بالنسبه لأن اللى ورا الدريكسيون هو المسؤل عن الامان
مااعتقدتش ان اللى ورا الدريكسيون يقدر يعمل كل ده وهو سايق
مثلا
اولا اللى سايق على 140 ولا اكتر على صحراوى مش هيحسب علاقه الوزن بالسرعه والقدره و حجم اعاقه الهواء وسرعه الهواء بمعنى ان فى عربيات كتير بتطوح وتتقلب من تلاعب الهوا بيها وده بسبب وزنها
اللى سايق بقى مش هيحسب الوزن وسرعه الهوا عشان يعرف حد السرعه الامنه للعربيه على الطريق ده كام كيلو
دى نقطه
تانى حاجه لأى سبب ما طوحت العربيه او السائق فقد السيطره سواء من السرعه مع الهواء ولا كاوتش انفجر ولا عيب مفاجئى فى اجهزه التوجيه اى كان السبب العربيه دلوقتى طوحت تمام طب ايه اسباب زحف العربيه مسافه كبيره وممكن قلبها واللى جواها مش قادر يتحكم فيها ؟؟
اولا خفه وزن العربيه ثانيا مافيش اجهزه مساعده للسائق زى الـ abs و ebd وغيرهم وغيرهم
لو هنشرح بالفيزياء هاقول ان فى حاجه اسمها القصور الذاتى ودى اللى بنحس بيها لما نكون راكبين عربيه وتفرمل جامد مره واحده او واحد ممنا واقف وحد جه من ورا زقه جامد نتيجه الصدمه دى هيترمى لقدام بتأثير سرعه ووزن اللى زقه بس احساسنا بالقوه دى بتختلف من واحد للتانى
يعنى لو اتنين قاعدين جنب بعض فى المترو واحد رفيع وضعيف والتانى جته ووزن دلوقتى المترو ماشى مثلا بسرعه 100 كيلو فى الساعه يبقى الجسمين دول التخين والرفيع ماشيين بسرعه 100 كيلو فى الساعه ...
وجه المترو فرمل مره واحده جامد الاتنين هيترموا على قدام لكن كل واحد هيترمى لقدام بسرعه غير التانى ومسافه غير التانى والسبب الوزن بتاع كل واحد فيهم وقوه التحكم لكل واحد فيهم او الاعصاب بمعنى اصح
تعالا نبص على فيرنا ماشيه فاضيه تلاقيها على 140 بتطوح ( طبعا مش فى كل الظروف المناخيه )
طب لو مليانه ركابهتلاقيها على الـ140 ثابته طبق نفس الكلام لما تتطوح وهى فاضيه مش ضاغطه على الارض وقوه الهوا حواليها هيلعب بيها غير لما تكون مليانه ووزنها اتقل الهوا هيكون اقل تأثير فيها
وبالنسبه للموتور بالعقل كده ازاى موتور 1600 قوى بالشكل ده مش عارف كام حصان بالظبط يتركب على عربيه خفيفه كده ده ال 128 اللى صاجها وشاسيهها قوى بنقول حرام يتركب لها 1600
ياترى وزن ال 128 زى وزن الفيرنا ولا الانسر ؟؟؟
رأيك يحترم احمد بيه وصوابعك مش زى بعضها زى مابيقولوا نظريا ثقل وزن العربيه هو دايما اسهل واسرع طريقه تخلى العربيه ثابته , لكن فعليا الكلام ده بيتحدى الفيزياء وللأسف تأثيره عمليا عكس نظريا تماما
القصور الذاتى او قوى الطرد المركزى اللى أثرت على عربيه اتزحلقت او فقدت توازنها فى ملف بيكونو اكبر تأثيرا كلما ارتفع وزن العربيه يبقى معنى كدا ان خفه وزنها هى اللى بتحميها من بطش قوانين الطبيعه ويصبح فكره الثبات اعتمادا على الوزن درب من الماضى ابتعد عنه المهندسين فى تصميم العربيات الجديده تماما وضيف على كدا بقى الاسباب الثانويه زى استهلاك الوقود ومعدل الامان المنخفض عاده فى العربيات التقيله
وتطبيقا على الكلام ده لو واحد تخين اوى وواحد رفيع واقفين فى المترو مثلا والمترو وقف فجأه حاول تمسك التخين علشان ميقعش هتلاقيه خدك ووقع فى الارض بعكس لو واحد رفيع حاولت تمسكه هتلاقى سهل جدا انك تمنعه من الوقوع علشان خفه وزنه منعت القصور الذاتى من التأثير بشكل قوى عليه , نفس الكلام لو دخلت ملف بسرعه بعربيه ملاكى هتتزحلق شويه وبعدين هتعرف تلم العربيه بعكس لو دخلت الملف بنفس السرعه بأوتوبيس غالبا هيتزحلق جامد ويتقلب لأن تأثير قوى الدفع المركزى عليه هتكون اقوى من محاولته فى الاستقامه
الحل فى الثبات يتلخص فى 3 نقط مرتبطين ببعض جدا , أولا الايروديناميكيه واللى هتستغل الهواء بشكل كبير فى زياده الثبات بطرق مختلفه
ثانى حل هو توزيع الوزن بشكل جيد بين محاور العربيه الاماميه والخلفيه بحيث ان ميكونش وش العربيه تقيل اوى وبيقاوم الهواء بأستماته وظهر العربيه 100 كجم وسهل جدا ان الهواء يتحكم فيه على سرعه
ثالث حاجه وهى الاكثر اهميه اقتراب مركز الثقل من الارض قدر الامكان , كدا العربيه تبقى ثابته ولو كان وزنها 500 كجم حتى
المشاركة الأصلية كتبت بواسطة evoo90
يبقى لازم تتوزن العربيه بأيروديناميكيتها وده بيتكلف راس مال اكبر فالبتالى مابيتمش على اكمل وجه الا مع الشركات الكبيره ( بى ام - ميرسيدس - فيرارى - الخ الخ الخ )
غير كده كلها عربيات والسلام ..
كل شركات السيارات بتعمل ابحاثها على العربيات الجديده فى الجانب ده , لكن عاده ما بيكون الهدف فى سيارات الركوب العاديه هو البحث عن اقل معدل احتكاك لتوفير معدل استهلاك منخفض للوقود وده منافى لهدف الحصول على ثبات بفعل الايروديناميكيه
غير كدا ضيف على نقطه الابحاث دى ان احيانا متطلبات التصميم الرياضى ومسارات الهواء بتحتاج اجزاء بزوايا وشكل معين قد يكون تكلفه انتاجها مرتفعه على الفئه السعريه للعربيه فالشركه تستغنى عنها
المفضلات