الموضوع: موضوع للنقاش .. اليابانى و الالمانى ؟؟

المشاركة الأصلية كتبت بواسطة hashem1999

موضوع المقارنه ده له ابعاد ماديه عند الشراء والاختيار
يعنى مش اى فئه اللى بتختار الالمانى مثلا
ولا اى فئه اللى بتختار اليابانى
الا اذا كنا بنتكلم عن المستعمل مش الجديد
الالمانى لا يعلى عليه وهو اشد واقوى من اليابانى
وافخم كمان
بس محتاج اللى يقدر عليه ماديا سواء فى الشراء
او الاستعداد لشراء قطع غياره وصيانته

مش فى كل الحالات يا استاذ هاشم ..

يعنى الجيتا على سبيل المثال .. موتورها 105 حصان و السيفيك و الكورولا 120 .. بس الناس برده تقول مش الموتور كل حاجة و فى آليات جر و الذى منه .. بس على الطريق الجيتا مش بتقدر تعمل حاجة ..

و كان فى موضوع فى قسم فولكس عضو زعلان و مستغرب ان الجولف بتاعته معرفتش تطلع من السيفيك ..

فى ناس تعتقد انه طالما المانى يبقا هتطلع من اى عربية بغض النظر عن الارقام ..

و هو دة الانا بتكلم فيه .. ان الناس بقت تقول المانى بدون الاستناد للواقع

و انا شايف ان البيدور على حاجة زاى الجيتا هو حد بيدور على الفخامة و يكون قادر على تمنها

نقطه اخيره احب ان اضيفها
ان مشكلتنا في مصر فعلا ان محدش ركب ياباني من اللي بينافس الألماني علشان يقدر يقارن بينهم
يعني الناس اللي تعرفه في الياباني العربيات ذات السعة اللترية القليلة اخرنا 1600 سي سي
وقليل جدا ممن ركبوا ياباني 2000 سي سي فيما فوق زي الأنفينيتي واللكزس والأكورا
وفي موديلات زي الأفالون في تويوتا
والليجاسي في سوبارو
والأكورد في هوندا
وهكذا

العربيات دي منعرفشي عنها حاجه وعلشان كده في عقل كل واحد لما يسمع ياباني بيقيس على الكورلا 1300 سي سي او لانسر 1300
وهو لا يوجد في عقله اي شئ الماني بالشكل ده غير بي ام 1600 سي سي سعرها معدي 200 الف من بدري

فالمقارنة انا بعتبرها غير متوازنة اساسا
الياباني في منه كثير عربيات اقتصادية ولكن الألماني لا يوجد منه كذلك والياباني الجيد اللي يقدر ينافس الألماني للأسف لا نعلم عنه اي شئ غير الصور وممكن لأ كمان حتى الصور

وتقبلوا تحياتي

المشاركة الأصلية كتبت بواسطة أبو عبدالله

نقطه اخيره احب ان اضيفها
ان مشكلتنا في مصر فعلا ان محدش ركب ياباني من اللي بينافس الألماني علشان يقدر يقارن بينهم
يعني الناس اللي تعرفه في الياباني العربيات ذات السعة اللترية القليلة اخرنا 1600 سي سي
وقليل جدا ممن ركبوا ياباني 2000 سي سي فيما فوق زي الأنفينيتي واللكزس والأكورا
وفي موديلات زي الأفالون في تويوتا
والليجاسي في سوبارو
والأكورد في هوندا
وهكذا

العربيات دي منعرفشي عنها حاجه وعلشان كده في عقل كل واحد لما يسمع ياباني بيقيس على الكورلا 1300 سي سي او لانسر 1300
وهو لا يوجد في عقله اي شئ الماني بالشكل ده غير بي ام 1600 سي سي سعرها معدي 200 الف من بدري

فالمقارنة انا بعتبرها غير متوازنة اساسا
الياباني في منه كثير عربيات اقتصادية ولكن الألماني لا يوجد منه كذلك والياباني الجيد اللي يقدر ينافس الألماني للأسف لا نعلم عنه اي شئ غير الصور وممكن لأ كمان حتى الصور

وتقبلوا تحياتي

دى حقيقة فعلا .. و لما نقول يابانى لازم نقول نبسان gtr ..

بس طبعا الحاجات دى قليل اوى البيجربها

المشاركة الأصلية كتبت بواسطة baskota

اكيد مش كل الالمانى احسن من كل اليابانى او الكورى
بس هى ميول شخصية بالاضافة للثقافة المتوارثة
كمان اللى جرب يركب المانى بجد بيحس بالفرق

طبعا العامل النفسى عامل مهم جدا ..

و فى ناس بتحس انها هتبقا مستريحة اكتر لما تركب عربية المانى بغض النظر عن الارقام ..

و الفرق دة بقا هو الانا هموت و اعرفه و عامل الموضوع دة مخصوص عشانه ..

لان عامل الوهم له تأثير كبير قوى .. و دة كلام علمى

أحب اقول لحضرتك انى الشخص اللى نقلت كلامه فى المشاركه الأساسيه او الموضوع نفسه شفت حضرتك لمجرد انى انكرت الذات اليابانى اديقتو وزعلتو مع ان بالنسبالى على فكره بحترم اليابانى جدا
وقولتو عليا ان ليا ثقافه معينه ومقدرش أغيرها أطلاقا بالعكس
ولما اتكلمت اتكلمت عن فولكس فاجن وتيوتا معممتش كل اليابانى وكل الألمانى زى ما البعض فهم غلط بعض الأخوه الأفاضل هنا اللى بيقولو ثقافه وصعب تغيرها هما نفسهم عملو نفس اللى عملتو دا لما دخلو فى بعض مقارنات الكورى باليابانى وقامت قومه وقالو ما ينفعش الكورى يتقارن باليابانى ليه مدام الكورى تفوق وقدر يوصل لمستوى يقارن فيه مع اليابانى وزى مابردو النهارده وصل اليابانى لمجال يتقارن ما بينه ومابين الألمانى
زى مثلا ا\لنفنيتى فور باى فور والتيجوان من فولكس
كل أحترامى لليابانى والكورى والألمانى وحتى الصينى بس المحترم اللى يتمتع بجوده ويستاهل يدفع فى فلوس

الياباني في منه كثير عربيات اقتصادية ولكن الألماني لا يوجد

اخى ابو عبدالله أسمحلى اختلف معاك فى المقوله دى معلش من وجهه نظرى حضرتك مخطئ فى الموضوع ده
لأن فى العربيات الأقتصاديه جدا من فولكس فاجن
فأذا كنت حضرتك بتتكلم على اقتصاديه تشغيل فا موجود
وأذا كنت بتتكلم على اقتصاديه سعر اساسى فابسبب فرق الصناعه والجميع يشهد بذلك لصالح السيارات الألمانى
فرجحت كفه اليابانى فى السعر الأفضل