الموضوع: موضوع للنقاش .. اليابانى و الالمانى ؟؟

حضرتك راجع مبيعات دى وراجع مبيعات دى وانت تعرف هي هتزيد فى ايه وخلى بالك الناس دلوقتى مبقتش زى زمان تروح تشترى وخلاص الناس بقت بتدرس قرار الشراء بكل حرص فدا أكيد بيخلى عربيه تزيد عن عربيه فى المبيعات
عشان أخد عربيه كويسه وكامله (الكمال لله وحده )
يبقى هل العربيه اللى هشتريها وقت ما حب أعملها صيانه هلاقى حاجتها
هل العربيه اللى معايا لو أتحطيت فى موقف صعب هتسعفنى (عوامل الأمان )
هل العربيه اللى معايا لما أجى أبيعها هعرف أبيعها ومخسرش فيها كتير
شكل العربيه بيرضينى
أدأها بيرضينى
تاريخ المصنع اللى عامل العربيه أيه
الربيات اللى خارجه من الماركه دى من زمان حالها أيه دلوقتى
حاجات كتير هنقعد نتكلم فيها ولو خدناهم نقطه نقطه هتلاقى الأجابه على سؤالك فى أن المازدا تفرق ايه عن الجيتا
والحاجه الأخيره اللى عايز اقولها حجم أختبارات الأمان فى أوروبا عموما شكله عامل أزاى وحجم اختبارات الأمان فى اليابان أيه
اليابان نزلت عربيات محترمه وعمليه وأقتصاديه لكن بتخفيض فى السعر ودا أكيد على حساب حاجه .

المشاركة الأصلية كتبت بواسطة terrible_darsh

هو ده مربط الفرس ..

عارف على حساب ايه ؟؟

الفخامة و الترفيه و الكماليات مش عوامل الامان و لا اى حاجة خطيرة .

حضرتك بتتكلم على اليابانى كانه صينى و بخصوص تاريخ المصنع فتويوتا صانع السيارات الاول فى العالم لو هتتكلم على المصنع .

اللى بينكر ان التكنولوجيا اليابانية تتفوق , يشوف التكنولوجيا الحديتة فى المازدا 3 اللى مش موجودة فى الجيتا .

اقلها نظام ال i stop & a f s ..

ماحدش يستهون باليابانى لانه له مكانته فى العالم كله ..

اخي درش بصراحه بجد
انا حاسس انك بتقرا افكاري
هو ده اللي كنت لسه هرد به علي الأخ الفاضل

انه فعلا على حساب الكماليات والرفاهية
اما الاعتمادية فده اهم ما يميز الياباني عن اي عربيه اخرى وقلة تكلفة التشغيل مقابل ما تأخذه من العربيه

يعني المفروض نتكلم مش اول 1000 كم
ولكن نتكلم بعد 100 الف كم او بعد 300 الف كم
نشوف انهي عربيه اعطتك ما تريد مقابل كم دفعته لذلك
وهيا دي معادلة الياباني الصعبة فعلا وهيا دي الاعتمادية

فيه بس نقطه
العربيات الاقتصاديه عموما مش مطلوب من العربيه اكتر من 5 سنين شغل
و اى عربيه يابانى او كورى هتديك اللى هتدهولك العربيه الاوروبى برضه بس اكيد فى اختلاف فى الفخامه و جه على حساب السعر كما تكلم الاصدقاء

فيه حلقه كانت فى توب حير عن سباق لمده 24 ساعه فى الحلبه و العربيه مش بتريح
الناس كلهم سايقين BMW ة عربيات فى العموم اوروبى شارينها from market و شويه تعديلات مش كتيير

السؤال هنا - فيه عربيه كورى او يابانى تشتريها from market و ممكن تنافس فى حاجه زى ديه؟

الناس بتوع البرنامج كانوا داخلين ب BMW موديل قديم مش فاكر المواصفات

الأخ الفاضل أبو عبد الله
يعني المفروض نتكلم مش اول 1000 كم
ولكن نتكلم بعد 100 الف كم او بعد 300 الف كم
أذا كانت الألف كيلو صيانتها متقاربه جدا يبقى تعتقد ان بقيه الصيانات هتختلف .
وعلى فكره مش رافهيه وبس ثبات وامان
ونقارن ما بين تيوتا كورلا 1600 سى سى ولانسر 1600 سى سى
وجيتا 1600 سى سى ونشوف عوامل الأمان هنا أيه وهنا أيه نسبه الثبات والأمان فى السرعات العاليه هنا عامله أيه وهنا عامله أيه
والله ياجماعه بقولها وبصوت عالى ومسموع
انا مش بقلل من شأن اليابانى فى شئ بس ما ينفعش نغير الحقائق المعلومه
وفى حوار دار ما بينى وما بين درش على العربيه الكورولا 93 والميكروباص التيوتا موديل تسعينات ومنى على جولف 2 موديل 90 وميكروباص فولكس موديل 75 وفى موديل 65 كمان لسه شغال فى الشارع وزى الوحش ما شاء الله عليه ومعلقش عليه لحد دلوقتى لكن فين ميكروباص تيوتا موديل 75 وحالته عامله أيه دلوقتى

وعلى فكره الموضوع ده هيفضل قائم مش هينتهى زى ماهو داير بينا وبين اهالينا ممثل فى صراع الأجيال نظرا لأختلافات كتيره ما بينا وما بينهم واحنا الحمد لله لحد دلوقتى وهنفضل الحوار ما بينا محترم وبناء لكنى أخشى دخول اطراف أخرى تبداء بالتعامل بدون أحترام تتسبب فى تجريحات وأهانات كعاده هذا النوع من الحوار