مشكله ظهرتلى ياخونااا غريبه جدا........

**aymantop1** · 08-10-2009 07:08 PM

متهيألى يا أستاذ محمد إنه هايبقى صعب المغامرة بـ 1000 جنيه على سبيل التجربة وخصوصاً اليومين دول .. على العموم أنا بشكرك جداً على إهتمامك فى حل المشكلة .
بس إسمحلى أسئلك هو حضرتك مش بتعانى من المشكلة دى ؟ وإنت بردة زيى بتضطر تملا العربية

**MMamdouh** · 08-10-2009 10:52 PM

لا خالص

انا اصلا مستغرب من الناس اللى بتقول ان اللانوس واطية... انا شايف انها عالية

MMamdouh

**waleedrahmy** · 10-10-2009 10:17 PM

نا بحس بالمشكلة دى لأنى مركب جنوط سبور مخليه العجل طالع لبرة حوالى 3سم على الرغم من انها نفس مقاس الجنوط الأصليه 13 بوصة لكن عربية اخى بالجنوط الأصليه ما فيهاش مشاكل

يبقي هو ده السبب

**tompina** · 11-10-2009 02:17 AM

بصو يا جماعة أنا لي رأي ..والدي كان عنده مرسيدس مو93 معدل 190 e وكانت واطية وبتقرفني لو حملت عليها وخصوصا إن بابا مالوش طولة بال على الصيانة ومسلم أمره لله ثم لي .. المهم
رحت لميكانيكي نصاب عامل نفسه كان شغال في ألمانيا ورجع (قال كده فعلا وإنه كان شغال في مصنع مرسيدس !) المهم برضه شكيت له الوضع فاقترح إنه يحط قطع معدنية في نصف السوست الخلفية والأمامية ، ارتفاع القطعة حوالي 5 سم ..
الله يخرب بيته !
لأن الحكاية دي كانت تؤدي إلى إلغاء نصف السوست ومضاعفة الجهد على النصف الثاني بشكل يؤدي حتما لكسرها مع أقرب مطب .
بعدها رحت لواحد عفشجي كويس فك الهباب ده ـ وما عليك من الشتيمة اللي خدها الراجل الأول - المهم بعتني أشتري علايات بيجو (رابر كاوتش ) رفعت العربية حوالي 3 سم وبقت زي الفل وأنا فاكر إني جريت بيها في طريق مهجور على 180 كم .. آه والله وكانت زي الفل
الخلاصة : ركب العلايات الجلد دي حتى على السوست القديمة وهاتلاحظ الفرق

**zocor742** · 22-10-2009 05:07 AM

المشاركة الأصلية كتبت بواسطة mmamdouh

السوست السبور بتبقى ليها مقاومة اكبر لانها تنضغط و تتفرد بالتالى تاثير المطبات عليها بيبقى اقل فى مقابل قلة عنصر الراحة

مع السوست السبور الحركة دى حتقل كتير و العربية حتحاول تتبع شكل الطريق فى الارتفاع و الانخفاض بدلا من الطيران بس دة حيبقى فى مقابل شعورك بالراحة داخل العربية... يعنى بدل ما تحس ان العربية طايرة بيك حتحس انك انت شخصيا اللى طاير جوة الصالون لان السوست مقللتش من تاثير الارتفاع و الاخفاض بالتالى التاثير دة حيتنقل للسواق و الركاب
mmamdouh

محمد باشا انا دلوقتى دة نفس الاحساس عندى مع المساعدين فى العربية
وبحس بموضوع ان انا الطيران وزى ما وضحت مقابل الشعور بالراحة داخل العربية
سؤالى لحضرتك والاجابة هتكون دليل لتفسير نشوفية العفشة عندى...هل ممكن المساعدين اللى عندى يكونوا سيور خاصة انى حاسس انك بتحكى عن العفشة عندى بس انا زيادة انى عندى حاجة مجهولة بتعمل صوت (طق)زى متكون حاجة بتلؤ فى العجلة اليمين خلفى
ممكن تكون اصلا العربية اللى كانت معاة كان مركب النوع دة على الجنوط ال15 بتاع النوبيرا ال2 الاوروبى
عشان الثبات معاة يكون ممتاز ودة فعلا اكتر حاجة فى عربيتى حاسسها اوى انها ثابتة ثابتة على الطرق السريعة وهما عندهم فى كوريا طبعا الطرق مش زى مصر فاعمر الاحساس بالنقر والمطبات ما هتزعلة
زيى كدة
وهل صوتهم مش مكتوم اوى ولا ممكن تكون دى مشكلة جلب وياريت تعرفنى ازاى اقدر اميز ان المساعدين عندى نوعهم سيور ولا لأ ولو ممكن صورة توضح شكله
.محمد باشا النقطة دى هتفرق معايا لأن لو المساعدين عندى كدة فعلا يبقى اتعايش معاهم انهم كدة واظبت العفشة على كدة وبردة راعى حضرتك ان سمك الكاوتش زيادة عن الاساسى 60 بدلا 55 هل دة برضة مبرر للحكاية عندى
اسف للأطالة....وشاكر حضرتك على موضوعاتك المميزة والمفيدة والمليئة بمعلومات هادفة

**zaza2002** · 22-10-2009 12:04 PM

المهم بعتني أشتري علايات بيجو (رابر كاوتش ) رفعت العربية حوالي 3 سم
[/quote]
طب هل العلايات ده مش بتاثر على اى حاجه فى العربيه لان انا شايف ان فى اخوة كتير فى المنتدى مركبينها وكنت عايز اطمن لانى عايز اركبها

**MMamdouh** · 22-10-2009 12:16 PM

بالنسبة للمساعدين فا حاول تبص على الجسم الخارجى و تشوف اسم المصنع او رقم الموديل او اى حاجةة تدل على هوية المساعد... و بعدها ممكن نعمل سيرش على النت وف الموديل دة رياضى ولا عادى

صوت الطقة مقدرش افتى فيه الا لما اسمعة بنفسى... عموما دى عايزة عفشجى كويس يراجع على الدنيا فى العجلة دى عاملة ازاى و يتابع الصوت و يعرف مصدرة

بالنسبة للكاوتش فا لو انت مركب بروفايل 60 مش 55 فا دة المفروض يخللى العفشة اطرى من العادى مش انشف

MMamdouh

**zocor742** · 24-10-2009 06:14 AM

تمام يا سيادة المستشار المفروض صح احث بنعومة اكتر شوية عشان البروفايل 60
ودة بدأت حسيتة بعد حوالى من 500الى 1000كيلو الكاوتش طبع على الجنوط وبقى ناعم وتمام
بس المشكلة عندى زى ما وضحت لسعاتك .... هوصفهالك بطريقة مشابهة مبسطة عشان تتخيل الوضع
تعرف لما تكون مثلا زى كوع حديد اى كان بقى والكوع حديدتين بزاوية تقريبا 90 درجة طيب نتخيل ان نقطة التلامس بينهم مسمار بصمولة بجلبة كاوتش ..عشان بدل ما يبقى حديد فى حديد يبقى فى جلبة كاوتش تمتص الصدمات والنقر والتتكسير فى الشوارع دة لو افتردنا ان الكوع دة مثلا من مكونات العفشة وفية طرف من الاتنين بطلع وينزل مع تتضاريس الشارع .
اهو لو مفيش الجلبة دى او الجلبة دى ريحت وبقت ضعيفة الامتصاص للصدمات مش الحديد على الحديد مع الحركة ممكن يرزع
هو دة اللى انا حسة ان تقريبا جلب العفشة تعبانة او حاجة مقطوعة او مكبوسة ومفيش مقامومة جيدة فالحديد بيرزع على بعضة ...(فا بالتالى فى المكسر هيبقى فية تخبيط ) +(الطقة اللى وصفتها فى الاول) فا الدنيا بقت تضايق عندى والشعور بالراحة مبقاش زى الاول ..الاول كانت العفشة مبتعملش الكلام دة وكانت ماسكة حيلها تمام التمام ..بس قلة الخبرة بقى فى الصيانة

سيادة المستشار دة تحليلى من اللى طلعت بية من مراقبة الوضع من اول ما ترحت الموضوع على حضرتك لحد وقتنا الحالى
هل بقى تحليلى ممكن يطلع مظبوط فى الشغلة دى
ولو على قد جلب وكدة اسعار جلب مكونات العافشة غالية ولا حنينة كاطبيعة حال قطع غيار الدايو يعنى حسبة كام بالويم
الاخوة الاعضاء

-

-

الموضوع: مشكله ظهرتلى ياخونااا غريبه جدا........

LinkBack

أدوات الموضوع

عرض

-

-

-

القول الفصل -

-

-

-

المواضيع المتشابهه

مشكله غريبه

مشكله غريبه جدا ولم تمر علي من قبل

مشكله غريبه

مشكله غريبه

مشكله غريبه

الكلمات الدلالية لهذا الموضوع

المفضلات

المفضلات

ضوابط المشاركة