حكايتي مع الزينون

**abo_lamar** · 04-10-2009 07:47 AM

حكايتي دي تعرفكوا ان محدش يستهون بأي محل صغير و على الفد سواء ميكانيكي او كهربائي ..
انا ركبت من شهر رمضان اللي فات رينون سيمنز من عند محل جو اللي في ألماظة (محمد عثمان) , واللي ركبهولي الشاب اللي شغال عنده واسمه سلامة وبعد ماركبهولي في نفس اليوم النور الواطي مش عايز يشتغل خالص , لازم اشغل العالي الاول وبعد فترة ممكن الواطي يشتغل او في الغالب مايشتغلش , لرحت لكابتن سلامة ده 100 مرة مرة يفك الكتاوت ومرة يفك الضفيرة كلها و مرة يخبط على كتاوت العربية ومرة ... بصوا عمل كل اللي يخطر على بالكواعشان يعرف ايه السبب وامبارح كنت عنده بالليل فضل يكشف على الزينون وعلى السلوك على ضوء الكشاف الصغير بتاع الموبايل طبعا ولا عرف حاجة لغايه ما طلع افتكاسة وقالي يا بيه العيب عندك في كتاوت العربية لازم تتغير .. قلتله سيب بقى كل حاجة شكلك كده على قدك ,, وخدت بعضي محل كهربائي سيارات جنب البيت بس محل صغير اوي وقولتله ركبلي الزينون ده .. وحكيتله القصة قالي يا بيه كتاوت العربية مالهاش دخل بالموضوع خالص وبدأ الشغل اللي مخدش في ايده 45 دقيقة ,, اقسم بالله تقفيل ولا اروع من كده وبسم الله ما شاء الله لقيت الزينون بقى زي الفل عالي و واطي ,,كل ده وخد 20 جنيه ... ومن غير كتاوت العربية خالص .. النهاردة بقى حروح لسلامة ده عشان اظبطه شويه.

**mr_sameh** · 04-10-2009 10:49 AM

اظرف حاجة لما الصنايعي يقعد يلف ويدور حول العربية وبعد كدا يطلع بتاليفة محترمة

**YaSSerwIN** · 04-10-2009 10:55 AM

دة الطبيعى فى الصنيعية ولما الحاجة تتصلح فى ايديه لوحدها وتيجى تقولو كان فيه اية يقولك
رجعنا الأوضاع الى أمكانها وكل شىء زى الفل
وممكن يكون كان البريبيئ كان مفنشر بس :d

**abo_lamar** · 04-10-2009 11:18 PM

المشاركة الأصلية كتبت بواسطة MOSHAKS

مبروك يباشا على الزينون
وانت اشتريته بكام؟؟؟

أشتريته من عند جو بتاع الاكسسوارات ب800 جنيه ودي صورة الزينون بالليل

**MohamedGafar** · 05-10-2009 01:10 AM

على فكرة انت لازم تركب فوانيس عدسات عشان كده الضوء حيئذي الناس! وده إقتراح شخصي.

تحياتي.

**MOSHAKS** · 05-10-2009 01:52 AM

ربنا يباركلك فيه

**eng.octooo** · 05-10-2009 02:02 AM

يوضع سرة فى اضعف خلقة

**LAMBOZ** · 05-10-2009 02:28 AM

على سيرة سلامة,,,,مرة رحتله ( كانت أول مرة ) عشان اركب ماسورة للفلتر (k&n) كنت شاريه بـ 400 جنيه( دلوقتي تقريبا بـ 350 ) المهم جاب مواسير وقعدنا نركب فيه أكتر من ساعة تقريبا واخترنا طبعا المكان وهو ضمنلي المكان ده أحسن مكان عشان يجب هو وكده. بعد ماركبت المواسير ومشيت شوية ولقيت صوت حكة في الأرض وطبعا كان الفلتر بيتعرف على أسفلت مصر.وقبل كده كان الفلتر لامس المطور من تحت والحرارة كانت بهدلته أصلا قبل الاسفلت مايكمل عليه. ومرضيش ياخد المواسير أصلا ودفعني فلوس على الفادي ده غير إنه قعد يتريق على الفلتر وأنا كنت هموت لما شفت الفلتر كده.

معلش طولت بس مضايق جامد..المهم الف مبروك على الزنون وياريت تقولي الكهربائي ده فين عشان أعيد تقفيل الزنون بتاعي من الأول عشان ربنا يخليهم الصنايعية بهدلولي الكهربا والزنن في العربية.

**abo_lamar** · 05-10-2009 07:21 AM

[quote=lamboz;3872031931
معلش طولت بس مضايق جامد..المهم الف مبروك على الزنون وياريت تقولي الكهربائي ده فين عشان أعيد تقفيل الزنون بتاعي من الأول عشان ربنا يخليهم الصنايعية بهدلولي الكهربا والزنن في العربية.[/quote]
لو حضرتك تعرف ميدان النعام في منطقة عين شمس حتوصل بسهولة
هو فاتح المحل بتاعة في شارع أمين شوقي متفرع من شارع قاسم باشا وأسمه الأسطى هاني

-

الموضوع: حكايتي مع الزينون

LinkBack

أدوات الموضوع

عرض

-

-

-

-

-

المواضيع المتشابهه

حكايتي مع التسقيط

هو اية بديل الزينون والفرق بينة وبين الزينون

حكايتي مع الجولف

حكايتي مع الاكسنت

حكايتي مع الانجلون

الكلمات الدلالية لهذا الموضوع

المفضلات

المفضلات

ضوابط المشاركة