افيدونى افادكم الله اخوكم حيران

**abotasneem** · 04-10-2009 11:03 AM

السلام عليكم يا شباب
أولا ألف مبروك على اكتمال الخمسين الأولى لملاك اللوحان ، بس لو سمحتولى أفضفض معاكم شوية .
أولا انا متابع اخبار اللوجان من قبل ماتنزل مصر بكتيير (المغربى طبعاً) وكان لمنتدانا نصيب الاسد فى امدادى بمعلومات كتير عنها حتى احببتها و نويت اشتريها ان شاء الله اول مانزل مصر (حيث اننى اعمل بالسعودية) ولكن حصلت حاجة غريبة لما نزلت اجازة صغيرة اثناء عيد الفطر المبارك ، مش عاوز اقولكم كانت عيني بتفحص العربيات ازاى فى كل الشوارع اللى مشيت فيها بحثا عن هذه السيارة حيث انها غير متواجدة فى جدة حيث اعمل كان نفسى اشوفها على الطبيعة ووقتى وظروف اجازة العيد ماسمحوليش اذهب الى معارض أو التوكيل ـ نرجع للحالة الغريبة - انا بالصدفة وجدت سيارة لوجان واقفة بالقرب من منزلى و غالبا كانت الإصدار البيسيك المهم حسيت ساعتها من الفحص الخارجى ان السيارة صغيرة و قصيرة غير الاحساس اللى حسيته بيها فى الصور و مقاطع الفيديو الكثيرة جداً اللى انا سبق وشوفتهم.
علشان ماطولش عليكم لأنى حاسس انى اتكلمت كتييير هوة سؤال او اتنين كدة على الماشى
1. هل ابعاد السيارة بتختلف فى الاصدار البيسيك عن الفول اوبشن (اللى انا عاوز اشتريها بإذن الله).
2. هل فعلا السيارة صغيرة و لا كانت النظرة السريعة بتاعتى مش كفاية .
3. هل تعتبر السيارة فعلا أحسن سيارة في فئتها وايه رأيكم مثلا في سيارة زى الاسبرنزا ام 11
]الجديدة .]
اخيرا اعتذر على الاطاله بس انا كنت فعلا محتاج افضفض معاكم فاعذرونى و افيدونى افادكم الله

**a_elbosaty** · 04-10-2009 12:51 PM

اهلا بيك
هو أنا عندي تفسير للي حصل معاك بالنسبة لموضوع صغر السيارة.
حضرتك قاعد في جدة وطبعا عينيك واخدة على الكامري والجراند ماركيز والكراون فيكتوريا والكلام دة. علشان كدة إنت مستصغر العربية دي.
بالنسبة للفول أوبشنز فهي نفس مقاس البيسك ونفس الموتور والختلاف فقط في الكماليات.
لكن أحب اقولك إن اللوجان أطول من اللانوس بحوالي5سم وأعرض منها بحوالي 4سم لكن فعلا شكلها يوحي بأنها صغيرة ولكن كل اللي ركبها يؤكد إنها واسعة جدا.
أنا معايا كورولا 2005 هنا في السعودية وطول عمري هنا مستصغرها جدا وبلاحظ دة قوي لما اركنها بين عربيتن افالون ولاند كروزر مثلا وانت تعلم هنا مدى انتشارهم في السعودية. لكن لما نزلت مصر من شهرين حسيت ان الكورولا عربية عملاقة مقارنة بالسيارات الاخرى المنتشري بمصر.
واخيرا اتمنى لك التوفيق.

**amr.elsayed** · 04-10-2009 12:59 PM

1. هل ابعاد السيارة بتختلف فى الاصدار البيسيك عن الفول اوبشن (اللى انا عاوز اشتريها بإذن الله).
2. هل فعلا السيارة صغيرة و لا كانت النظرة السريعة بتاعتى مش كفاية .
3. هل تعتبر السيارة فعلا أحسن سيارة في فئتها وايه رأيكم مثلا في سيارة زى الاسبرنزا ام 11
]الجديدة .]

1- هى مش بتختلف فى الابعاد بس كل ما فى الامر ان فى سنين ضوئية بين البيزك والفل اوبشن ( ماتتفرجش على البيزك ابدا )
لازم تتفرج على الفل عشان فى فروقات جمالية بتفرق فى شكل العربية جدا حتى بين الفل والهاف
2- a_albosaty قارن بينها وبين اللانوس زى الفل
3- m-11 لسة جديدة ومحدش استلمها ولسة مشفنهاش حتى فى شوارع المحروسة عشان كدة محدش حيقدر يديك رأى قاطع فيها
وربنا يرشدك للاختيار الامثل ان شاء الله ومتستعجلش

**AbO_FaRaH** · 04-10-2009 02:06 PM

توكل على الله العربيه ان شاء الله كوبسه

**abotasneem** · 04-10-2009 03:44 PM

جزاكم الله خيراً يا شباب على الردود .
كلام منطقى جداً

**nomercy22** · 04-10-2009 04:03 PM

ماتقرنش اسبرانزا الصيني باللوجان يا باشا

**abotasneem** · 04-10-2009 07:30 PM

و الله يا جماعة كنتم عند احسن الظن الله يباركلكم.
الاخ a_lbosaty تحليلك ممتاز و منطقى جداً فعلا الاقامة فى المملكة بتغير النظرة للسيارات بشكل غريب ، عموماً اشكر الجميع على الردود و لكن انا عندى سؤال ، هل ال HB نزلت وموجودة بالفعل و لا لسة ، انا شوفت اسعارها عى كونتاكت كارز وهل هيه بنفس الابعاد و حجم الشنطة والكماليات و خلافه.

أخوكم ابو تسنيم

**mrizk_3002** · 04-10-2009 10:45 PM

المشاركة الأصلية كتبت بواسطة abotasneem

و الله يا جماعة كنتم عند احسن الظن الله يباركلكم.
الاخ a_lbosaty تحليلك ممتاز و منطقى جداً فعلا الاقامة فى المملكة بتغير النظرة للسيارات بشكل غريب ، عموماً اشكر الجميع على الردود و لكن انا عندى سؤال ، هل ال hb نزلت وموجودة بالفعل و لا لسة ، انا شوفت اسعارها عى كونتاكت كارز وهل هيه بنفس الابعاد و حجم الشنطة والكماليات و خلافه.

أخوكم ابو تسنيم

هيه هيه بالظبط مع فرق ان الهاتشباك حجم الشنطة اقل

**Mohamed.Ramah** · 04-10-2009 11:53 PM

m11 ديقة من الامام والعربية نزلت بالفعل ولاكن شكلها من الامام جيد ومن الخلف غير متناسق بالمرة فافضلك اللوجان السيدان او الهاتشباك اللى حتنزل فى اول يناير 2010 وبنا يوفقك فى الاختيار

**Mohamed.Ramah** · 05-10-2009 12:00 AM

المشاركة الأصلية كتبت بواسطة abotasneem

و الله يا جماعة كنتم عند احسن الظن الله يباركلكم.
الاخ a_lbosaty تحليلك ممتاز و منطقى جداً فعلا الاقامة فى المملكة بتغير النظرة للسيارات بشكل غريب ، عموماً اشكر الجميع على الردود و لكن انا عندى سؤال ، هل ال HB نزلت وموجودة بالفعل و لا لسة ، انا شوفت اسعارها عى كونتاكت كارز وهل هيه بنفس الابعاد و حجم الشنطة والكماليات و خلافه.

أخوكم ابو تسنيم

الهاتشباك شكلها افضل ولاكن حجم الشنطة اصغر بقليل عن السيدان ودى صورة ليها

الموضوع: افيدونى افادكم الله اخوكم حيران

LinkBack

أدوات الموضوع

عرض

-

-

-

المواضيع المتشابهه

افيدونى افادكم الله انا مقبل على شراء استرا كوزمو باذن الله ومحتاج استشارة

افيدونى افادكم الله

افيدونى افادكم الله

افيدونى افادكم الله

افيدونى افادكم الله

الكلمات الدلالية لهذا الموضوع

المفضلات

المفضلات

ضوابط المشاركة