نتيجه زياره المقطم والتقرير الشامل

**triton** · 04-10-2009 02:04 PM

اول ما رحت عشان اطلع بيان بالمخالفات لقيت عليه 800 جنيه مخالفات فعرفت ان شخص بالمواصفات دي يعمل اكتر من كده

قياده بدون رخصه و ركن في الممنوع و تعطيل المرور وبلاوي كتير و مدفعشي المخالفات ورحت انا اتفاجأت بيها ... طبعا كلمت التاجر هزقته و مفيش يوم يعدي غير لما اقول حسبي الله و نعم الوكيل في الشخص ده ... بس ارجع و اقول انا كان المفروض اكشف في التوكيل مش في مجرد بنزينه و قدر الله وما شاء فعل .... المهم دلوقتي ايه الحل اعمل ايه ؟

**Cell_k** · 04-10-2009 02:22 PM

حضرتك متأكد ان المبلغ تسعة عشر الاف جنيها ؟!
انا قولت افقط المبلغ علشان اتأكد !

**triton** · 04-10-2009 02:30 PM

المشاركة الأصلية كتبت بواسطة cell_k

حضرتك متأكد ان المبلغ تسعة عشر الاف جنيها ؟!
انا قولت افقط المبلغ علشان اتأكد !

ايوه المبلغ صحيح ... دنا اصلي شاري العربيه كلها ب 75 ... وكنت موافق بالمشاكل الظاهريه و بعض المشاكل في العفشه و هي معايا بقالها 7 شهور ما اشتكتش و قلت اطمئن عليها لاني ابتديت اسمع اصوات كده ... ماكنتش متوقع ان كل القطع دي فيها مشاكل

**أحمد كمال** · 04-10-2009 03:28 PM

المشاركة الأصلية كتبت بواسطة triton

اول ما رحت عشان اطلع بيان بالمخالفات لقيت عليه 800 جنيه مخالفات فعرفت ان شخص بالمواصفات دي يعمل اكتر من كده

قياده بدون رخصه و ركن في الممنوع و تعطيل المرور وبلاوي كتير و مدفعشي المخالفات ورحت انا اتفاجأت بيها ... طبعا كلمت التاجر هزقته و مفيش يوم يعدي غير لما اقول حسبي الله و نعم الوكيل في الشخص ده ... بس ارجع و اقول انا كان المفروض اكشف في التوكيل مش في مجرد بنزينه و قدر الله وما شاء فعل .... المهم دلوقتي ايه الحل اعمل ايه ؟

ربنا يعوض عليك

و ده درس لكل من يشتري سيارة مستعملة بشكل عام و ميجان بشكل خاص

1- ما تشتريش من تجار ...... أغلب تجار السيارات في مصر ما بيعرفوش ربنا الا من رحم ربي...... ياكلوا مال النبي و فاهمين انها فهلوة مش سفالة و نصب و سرقة ..... ياكلوا مال النبي و يشربوا بيبسي و يحبسوا بسيجارة عليه ....... شايلين ال chip بتاعة الضمير و مكانها Super computer بتاع فهلوة و نصب .....

2- اكشف في التوكيل .... ما تسترخصش و تستخسر 500 جنيه كشف شامل ..... الناس بتقول لو العربية فل ابقى خسرتهم (يا ريتني صدفت الراجل اما قال لي العربية فلة) .... و لو وحشة ابقى خسرتهم (كشفت له على عربيته ببلاش و ما اشتريتش منه)

الكلام مش صح في الحالتين ..... بلاش استخسار ....

1- لو كشفت و طلعت زي الفل ..... اولا انت هتاخد العربية من الراجل و ذمته خالصة و انت راضي و مبسوط و مطمئن و مش قلقان ..... و لو حصل حاجة بعد شهر و لا اتنين يبقى نصيبك و هو ما ضحكش عليك ..... ماتنساش اننا كمصريين ماعندناش مانع نصرف 10 الاف بمزاجنا و ما ينضحكش علينا في 5 جنيه !!!

2- لو كشفت و طلعت فيها بلاوي و الراجل خد عربيته .... ما تحسبهاش انك اتعورت في 500 جنيه ..... احسبها انك ما خسرتش 20 الف مثلا كنت هتدفهم في تظبيط العربية أو انك كنت هتشتري عربية اغلى من سعرها الحقيقي ..... يعني 500 جنيه و لا 5000؟ و لا 10000؟ ايه رأيك؟

اخيرا و ليس اخرا الله يعوض على صاحب الموضوع هنا و يأجره في مصيبته و يخلفه خيرا منها